 |
| ពូចូវស្វឹងនិងអ្នកមានប្រិយភាពចូលរួមសន្និបាតហ្វឹកហាត់ផ្តល់ព័ត៌មានពីបញ្ហាជនជាតិ សាសនាក្នុងតំបន់ជនជាតិភាគតិច។ |
អនុវត្តសេចក្តីសម្រេចលេខ២៣-NQ/TW ចុះថ្ងៃទី១២ មីនា ឆ្នាំ២០០៣ ក្នុងសន្និបាតលើកទី៧នៃគណៈប្រតិបត្តិការមជ្ឈិមបក្សនីតិកាលទី៩ “ស្តីពីការពង្រីកកម្លាំងមហាសាមគ្គីទូទាំងជនជាតិដើម្បីប្រជាជនធូរធារ ប្រទេសខ្លាំងពូកែ សង្គមសមភាព ប្រជាធិបតេយ្យ អរិយធម៌” រដ្ឋអំណាចគ្រប់ថ្នាក់ក្នុងខេត្តសុកត្រាំងតែងយកចិត្តទុកដាក់គិតអានដល់ការកសាងកងជួរអ្នកមានប្រិយភាពក្នុងតំបន់ជនជាតិភាគតិច។
ដើម្បីជំនួយអ្នកមានប្រិយភាពពង្រីកតួនាទីក្នុងការផ្សព្វផ្សាយដល់តំបន់ជនជាតិភាគតិច ខេត្តតែងចាត់តាំងសន្និបាតហ្វឹកហាត់ដើម្បីផ្គត់ផ្គង់និងបំប៉នចំណេះដឹង ទេពកោសល្យថ្មីពីបញ្ហាជនជាតិ សាសនាឆ្លើយតបតម្រូវការក្នុងដំណាក់កាលនីមួយៗនិងសម័យសង្គមបច្ចុប្បន្ន។ លោកឡឹមហ្វាងម៉ូវ-ប្រធានគណៈជនជាតិខេត្តបានឱ្យដឹង៖ ការយកចិត្តទុកដាក់ពង្រីកតួនាទីរបស់អ្នកមានប្រិយភាពក្នុងការអនុវត្តបណ្តាភារកិច្ចនយោបាយនៅភូមិភាគ ជម្រុញអភិវឌ្ឍសេដ្ឋកិច្ច-សង្គម បំបាត់អត់បន្ថយក្រ រក្សានិងពង្រីកអត្តសញ្ញាណវប្បធម៌ជនជាតិ។ល។ រួមចំណែកយ៉ាងសំខាន់ក្នុងការពង្រឹងផែនមហាសាមគ្គីទូទាំងជនជាតិ រក្សាសន្តិសុខនយោបាយសណ្តាប់ធ្នាប់ សុវត្ថិភាពសង្គមនិងកសាងជីវភាពវប្បធម៌ជនបទថ្មីនៅតំបន់ជនជាតិភាគតិច។
ដោយមានប្រិយភាពនិងបទពិសោធន៍ជាក់ស្តែង អ្នកមានប្រិយភាពតែងធ្វើជាគំរូក្នុងការអនុវត្តគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋ។ ទន្ទឹមនោះ ដោយការយល់ដឹងរបស់ខ្លួន អ្នកមានប្រិយភាពតែងផ្សព្វផ្សាយចលនាដោយទម្រង់ជាច្រើនដើម្បីជនជាតិភាគតិចអនុវត្តតាមគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋនិងសេចក្តីកំណត់របស់ភូមិភាគ។
ពូចូវស្វឹង-អ្នកមានប្រិយភាពនៅសង្កាត់លេខ១ ទីរួមខេត្តវិញចូវបានឱ្យដឹង៖ ខ្ញុំតែងសកម្មចូលរួមបណ្តាថ្នាក់ហ្វឹកហាត់ដើម្បីលើកកម្ពស់ចំណេះដឹងពីគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋ ក្រោយមកពេលវិលមកភូមិភាគខ្ញុំនឹងផ្សព្វផ្សាយដល់មាមីងដើម្បីមាមីងអនុវត្តតាម ជៀសវាងការបំពានច្បាប់ លំនឹងសណ្តាប់ធ្នាប់សុវត្ថិភាពសង្គម។
ទន្ទឹមនោះដើម្បីជម្រុញទឹកចិត្តដល់អ្នកមានប្រិយភាពដែលបានគប់វាល់យ៉ាងសកម្មក្នុងការអភិវឌ្ឍជីវភាព វប្បធម៌ សេដ្ឋកិច្ចសង្គមតំបន់ជនជាតិភាគតិច រដ្ឋអំណាចគ្រប់ថ្នាក់ក្នុងខេត្តនៅទាំងចាត់តាំងបណ្តាសន្និបាតស្ងើចសរសើរអ្នកមានប្រិយភាពក្នុងការផ្សព្វផ្សាយចលនាអនុវត្តមានប្រសិទ្ធភាពពីគោលនយោបាយជនជាតិ។ ពិសេសក្នុងពិធីបុណ្យទានធំៗរបស់ជនជាតិ រដ្ឋអំណាចគ្រប់ថ្នាក់តែងទៅសួរសុខទុក្ខនិងជូនអំណោយដល់អ្នកមានប្រិយភាពក្នុងសហគមន៍ពីព្រោះការយកចិត្តទុកដាក់នោះបានរួមចំណែកជាកម្លាំងលើកទឹកចិត្តដើម្បីអ្នកមានប្រិយភាពពង្រីកតួនាទីនិងភារៈរបស់ខ្លួនក្នុងការចលនា ផ្សព្វផ្សាយតំបន់ជនជាតិភាគតិចព្រួតដៃកសាងនិងអភិវឌ្ឍប្រទេសជាតិ៕
ហុងទើ-សុផល
Thông tin bạn đọc
Đóng Lưu thông tin