 |
| កម្មាភិបាលឃុំ បានចុះទៅសួរសុខទុក្ខគ្រួសារបងលីសាន់ នៅភូមិទំពក់សក់ ឃុំមីធ្វឹង ស្រុកមីទូ ដែលបានជំនួយឧបត្ថម្ភផ្ទះនៅតាមកម្មវិធីទិសដៅជាតិ១៧១៩។ |
រៀបការជាង១៦ឆ្នាំ រស់នៅក្នុងផ្ទះចង្អៀតតូច បណ្តោះអាសន្ន ជាឆ្នាំដំបូងដែលបងលីសាន់ នៅភូមិទំពក់សក់ ឃុំមីធ្វឹង ស្រុកមីទូ មានភាពរីករាយទទួលបានផ្ទះថ្មី។ ផ្ទះរឹងមាំដែលបានឧបត្ថម្ភពីកម្មវិធីទិសដៅជាតិ១៧១៩ បានលើកទឹកចិត្ត ដើម្បីបងសាន់ប្តេជ្ញាឈានឡើងចាកផុតក្រ លំនឹងជីវភាព។ បងសាន់ចែករំលែក៖ គ្រួសារគ្មានដីផលិត ម៉្ល៉ោះហើយ ប្តីប្រពន្ធត្រូវទៅធ្វើការឈ្នួលនៅគ្រប់កន្លែង ដើម្បីរកប្រាក់ចំណូលជួនកាលបងក៏បានសម្រេចចិត្តចាកចេញពីស្រុកកំណើតទៅស្វែងរកការងារធ្វើ ប៉ុន្តែគ្រាន់តែសម្រាប់គ្រប់ចិញ្ចឹមជីវិតនិងគិតអានឱ្យកូនៗរៀនសូត្រ ដូច្នេះ ការសង់ផ្ទះសមរម្យសម្រាប់នៅ គឺខ្ញុំមិនហ៊ានប្រាថ្នា។ បច្ចុប្បន្ន បានរដ្ឋយកចិត្តទុកដាក់ឧបត្ថម្ភសង់ផ្ទះគ្រួសាររំភើបចិត្ត នេះជាកម្លាំងចិត្តដើម្បីជួយគ្រួសារឈានឡើង ស្ងប់ចិត្តក្នុងធ្វើការរកស៊ី គិតអានឱ្យកូនរៀនសូត្រចប់ចុងចប់ដើម។
 |
| បងហ្វិញរឿន នៅភូមិតាអង្គអា២ ឃុំធ្វឹងហ៊ឹង ស្រុកមីទូកំពុងថែទាំគោដោយបានឧបត្ថម្ភពីកម្មវិធីទិសដៅជាតិ១៧១៩។ |
ក៏មានស្ថានភាពលំបាក គ្រួសារបងហ្វិញរឿន នៅភូមិតាអង្គអា២ ឃុំធ្វឹងហ៊ឹង ស្រុកមីទូ។ ដោយមានដីផលិតតិច ជីវភាពជួបការលំបាកជារៀងរាល់ឆ្នាំ។ ប្តីប្រពន្ធមានប្រាក់ចំណូលតិចតួចពីធ្វើការឈ្នួល គ្រាន់តែសម្រាប់គ្រប់គិតអានឱ្យកូនទាំងពីរ មានប្រាក់ឯណាដើម្បីសង់ផ្ទះឬបង្កើតអាជីព គឺមិនអាចចំពោះគ្រួសារ អាស្រ័យហេតុនេះ ពេលដែលរដ្ឋ ភូមិភាគបានពិនិត្យជួយផ្ទះនិងគោមួយគូរពីកម្មវិធីទិសដៅជាតិ១៧១៩ បងរំភើបចិត្តជាខ្លាំង។ ប្តីប្រពន្ធខ្ញុំសប្បាយចិត្តណាស់ ព្រោះឥឡូវយើងខ្ញុំមានផ្ទះនៅលំនឹង។ នាពេលខាងមុខ ប្តីប្រពន្ធនឹងខិតខំប្រឹងប្រែងពលកម្មបន្ថែមទៀតដើម្បីឈានឡើង មាមីងជួលធ្វើអ្វីគឺធ្វើទាំងអស់សម្រាប់មានប្រាក់ចំណូល ក្រៅពីនេះ ខំប្រឹងថែទាំគោឱ្យបានល្អដើម្បីបង្កើនហ្វូង” បងហ្វិញរឿនចែករំលែកដោយក្តីរំភើប។
មីទូជាភូមិភាគដែលមានជនជាតិភាគតិចរស់នៅច្រើន ដោយមានជនរួមជាតិខ្មែរ ស្រូបអត្រាជាង២៦% នៃប្រជាជនក្នុងស្រុក ប្រមូលផ្តុំនៅឃុំចំនួន៣ គឺភូមី មីធ្វឹងនិងធ្វឹងហ៊ឹង។ នៅតាមបណ្តាភូមិស្រុកដែលមានមាមីងរស់នៅមិនបង្អង់ប្រែថ្មី។ មានផ្ទះថ្មរឹងមាំជាច្រើន ទើបតែបានសង់ថ្មី ផ្លូវបានបើកធំទូលាយ បណ្តាសំណង់សុខុមាលភាពសង្គម អគ្គិសនី ផ្លូវ សាលារៀន ដំណាក់សុខាភិបាល ។ល។ បានវិនិយោគរឹងមាំ ប្រកបដោយសុក្រឹត។
សមមិត្តង្វៀងថាញ់ផុង-អនុប្រធានគណៈកម្មាធិការប្រជាជនស្រុកមីទូ ឱ្យដឹង ដើម្បីផ្សព្វផ្សាយអនុវត្តគោលដៅ ភារកិច្ច កម្មវិធីទិសដៅជាតិ១៧១៩ប្រកបដោយជោគជ័យ គណៈកម្មាធិការប្រជាជនស្រុក បានទាញយកផលប្រយោជន៍ពីការដឹកនាំរបស់គណៈកម្មាធិការបក្ស ដើម្បីបន្តលើកកម្ពស់តួនាទី ការទទួលខុសត្រូវរបស់អង្គការនានាក្នុងប្រពន័្ធនយោបាយ រណសិរ្សមាតុភូមិគ្រប់ថ្នាក់ក្នុងស្រុក ប្តេជ្ញាចាត់តាំងផ្សព្វផ្សាយអនុវត្តសម្រេចគោលដៅ ភារកិច្ច ជំរុញល្បឿនផ្តល់ផ្ទេរទុននៃកម្មវិធី ដើម្បីប្រជាជនបានទទួលផលពីគោលនយោបាយបានធានានិងទាន់ពេល បន្ថយក្រស្ថេរភាព អភិវឌ្ឍសេដ្ឋកិច្ច-សង្គម រួមចំណែកលើកកម្ពស់ជីវភាពសម្ភារៈ ស្មារតីរបស់ជនជាតិភាគតិច។ ដោយឡែកក្នុងឆ្នាំ២០២៤ ស្រុកផ្តល់ផ្ទេរប្រាក់បានជិត១៥ពាន់លានដុង សម្រេចជិត៩២%។ ឆ្លងតាមនោះ បានឧបត្ថម្ភសង់ផ្ទះនៅចំនួន១៧គ្រួសារ ផ្លាស់ប្តូររបរឱ្យ៣គ្រួសារ ទឹកស្អាតស្របអនាម័យប្រើប្រាស់១២គ្រួសារ ឧបត្ថម្ភការអភិវឌ្ឍផលិតជូន៥៩គ្រួសារ។ល។ តាំងពីនោះ ជួយកាត់បន្ថយអត្រាគ្រួសារក្រក្នុងឃុំនៃតំបន់ជនជាតិភាគតិចមធ្យមពី២-៣%។ ក្រៅពីនេះ ស្រុកបានសម្រេចគមនាគមន៍៧សំណង់ ដែលមានប្រវែងជាង៦,៤គីឡូម៉ែត្រ ទទឹង៣ម៉ែត្រ។ មកដល់ពេលនេះ បណ្តាដងផ្លូវទៅកាន់មណ្ឌលឃុំចំនួន៣ នៅតំបន់ជនជាតិភាគតិចបានចាក់កៅស៊ូរឹងមាំ ផ្លូវបេតុងបានកសាងពីឃុំមួយទៅឃុំមួយនិងភូមិមួយទៅភូមិមួយ ឆ្លើយតបនឹងតម្រូវការប្រចាំថ្ងៃ ជំរុញការអភិវឌ្ឍសេដ្ឋកិច្ច-សង្គមនៅភូមិភាគ។ ប្រព័ន្ធសាលារៀនបានយកចិត្តទុកដាក់វិនិយោគ កែលម្អ ជួសជុលដើម្បីបម្រើល្អក្នុងការបង្រៀននិងរៀន។ ១២/១២ សាលានៅលើភូមិដ្ឋានឃុំនៅតំបន់ជនជាតិភាគតិចបានសម្រេចតាមស្តង់ដារជាតិ។ ស្រុកបានអនុវត្តសកម្មភាពជាច្រើន ដើម្បីលើកកម្ពស់សមត្ថភាពដល់កម្មាភិបាលគ្រូពេទ្យនៅមូលដ្ឋាន បញ្ជូនកម្មាភិបាលជំនាញបំពេញការងារដំណាក់សុខាភិបាលឃុំ ដើម្បីធានាគុណភាពពិនិត្យ ព្យាបាលជំងឺ។ រក្សាបាន១០០% ដំណាកសុខាភិបាលឃុំសម្រេចស្តង់ដារ។
ពីកម្មវិធីទិសដៅជាតិ១៧១៩ ការខិតខំប្រឹងប្រែងទូទាំងប្រព័ន្ធនយោបាយ ការរួមកម្លាំងគប់វាល់យ៉ាងសកម្មរបស់ប្រជាជន មកដល់ពេលនេះ តំបន់ជនជាតិភាគតិចនៅមីទូបានប្រែថ្មី។ ផ្ទះនៅដែលទ្រុឌទ្រោមពីមុនបានជំនួសដោយផ្ទះថ្មស្អាត រឹងមាំ ផ្លូវជនបទបានចាក់ដោយបេតុងរាបរលូន មាមីងបានឧបត្ថម្ភក្នុងការអភិវឌ្ឍសេដ្ឋកិច្ចគ្រួសារ ហើយមួយជំហានម្តងៗបានឈានឡើងចាកផុតក្រ៕
ដាលីន
Thông tin bạn đọc
Đóng Lưu thông tin