កាលពីមុន លោកទ្រឿងមុម ធ្លាប់ធ្វើជាកម្មាភិបាលនគរបាលឃុំដាយអឹង២ ដល់ឆ្នាំ២០០៦ លោកបានប្រជាជនជឿទុកចិត្ត ជ្រើសធ្វើជាប្រធានគណៈប្រជាជនភូមិចើ ឃុំដាយអឹង២ រហូតមកដល់បច្ចុប្បន្ន។ អស់រយៈពេលជិត២០ឆ្នាំបំពេញការងារជាប្រធានគណៈប្រជាជនភូមិ លោកមុម តែងដឹងអំពីតួនាទី ការទទួលខុសត្រូវរបស់ខ្លួន មិនខ្លាចការលំបាកនឿយហត់ តែងជា គំរូឈានមុខក្នុងរាល់សកម្មភាពចលនានៅភូមិភាគ។ ជាមួយបទពិសោធន៍ ចំណេះដឹងរបស់ខ្លួន លោកតែងឃោសនា ចលនាធ្វើជាស្ពានសម្រាប់នាំយកនូវគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ ការកំណត់របស់ភូមិភាគជូនប្រជាជន។
 |
| លោកទ្រឿងមុម-ប្រធានគណៈប្រជាជនភូមិចើ ឃុំដាយអឹង២ ស្រុកត្រឹងដេ អស់ពីចិត្តដើម្បីប្រជាជន។ |
ដោយសារភូមិមានលក្ខណៈពិសេស ដែលមានជនរួមជាតិខ្មេររស់នៅច្រើន ស្រូបអត្រា៥៣,១១% លោកមុម តែងយកចិត្តទុកដាក់ដល់ជីវភាពសេដ្ឋកិច្ចរបស់មាមីងនិង
ឃោសនា ចលនាគ្រួសារនិងប្រជាជនក្នុងភូមិសកម្មផ្លាស់ប្តូរហេដ្ឋារចនាសម្ព័ន្ធដំណាំនិងសត្វចិញ្ចឹម អនុវត្តវិទ្យាសាស្ត្របច្ចេកទេសក្នុងផលិតមានប្រសិទ្ធភាព រួមចំណែកលើកកម្ពស់ជីវភាពសម្ភារៈនិងស្មារតីរបស់ប្រជាជន។ អាស្រ័យហេតុនេះ ជីវភាពនិងប្រាក់ចំណូលរបស់ប្រជាជនកាន់តែបានកើនឡើងច្បាស់ក្រឡែត ចំនួនគ្រួសារក្រ ក្បែរក្ររបស់ភូមិមានការថយចុះគួរឱ្យកត់សំគាល់បើធៀបនឹងប៉ុន្មានឆ្នាំមុន។ បច្ចុប្បន្ន ចំនួនគ្រួសារក្ររបស់ភូមិថយចុះនៅត្រឹម៩គ្រួសារ ក្បែរក្រថយចុះនៅត្រឹម១៤គ្រួសារ ក្នុងចំនួន១.០៤៩គ្រួសារ។
ទន្ទឹមនឹងនោះ លោកក៏បានកៀរគរប្រជាជនគប់វាល់ប្រភពកម្លាំង ថវិកា រួមកម្លាំងកសាងជនបទថ្មី ធ្វើស្មៅ ដាំផ្កានៅតាមដងផ្លូវជនបទ រួមចំណែកធ្វើឱ្យផ្លូវជនបទកាន់តែបៃតង-ស្អាត។ ទន្ទឹមនឹងនោះ លោកក៏បានគប់វាល់យ៉ាងសកម្មក្នុងការងារចលនាបង្កមូលនិធិកសាងជនបទថ្មី មូលនិធិដើម្បីអ្នកក្រនៅភូមិ ឃុំ លោកជំនួយការដល់គណៈកម្មាធិការប្រជាជនឃុំ សហការជាមួយផ្នែក អង្គការចលនាប្រជាជន សប្បុរសជនក្នុងនិងក្រៅខេត្ត ចូលរួមគប់វាល់ឧបត្ថម្ភ ឆ្នាំ២០២២-២០២៣ ចលនាមូលនិធិកសាងជនបទថ្មីមានថវិកា១២០លានដុង មូលនិធិដើម្បីអ្នកក្រថវិកាប្រហែល៣០លានដុង។ ក្នុងឱកាសបុណ្យធំៗរបស់ជនរួមជាតិខ្មែរ លោកមុម នៅទាំងយកចិត្តទុកដាក់ សួរសុខទុក្ខស្ថានភាពជីវភាពសេដ្ឋកិច្ចរបស់ប្រជាជន គួបផ្សំជាមួយថ្នាក់ដឹកនាំ កម្មាភិបាលឃុំចុះទៅសួរសុខទុក្ខប្រគេនអំណោយដល់វត្ត គ្រួសារគោលនយោបាយ គ្រួសារដែលមានស្ថានភាពលំបាក ក្នុងអំណោយមួយចំណែក តម្លៃ៥០០.០០០ដុង។
លោកស៊ើងហូន-អនុលេខាប្រចាំការបក្សឃុំដាយអឹង២ ធ្វើការបញ្ជាក់៖ ជាប្រធានគណៈប្រជាជនភូមិ លោកទ្រឿងមុម តែងជិតស្និទ្ធជាមួយប្រជាជន ស្តាប់បំណងប្រាថ្នានិងបណ្តាមតិរបស់ប្រជាជនដល់ថ្នាក់លើទាន់ពេល។ តាមបទពិសោធន៍ជាក់ស្តែងជាកម្មាភិបាលភូមិ លោកមុម តែងពង្រីកល្អស្មារតីសាមគ្គី បានរួមកម្លាំង ស្របមតិ សហការជាមួយគណៈប្រជាជនភូមិ អង្គការនយោបាយ-សង្គមនៅតាមភូមិ ឃុំឃោសនា ចលនាគិតអានប្រជាជនដែលមានស្ថានភាពលំបាកក្នុងឱកាសបុណ្យ តេត។
លោកមុមចែករំលែក៖ ខ្ញុំតែងជឿជាក់ថា ការធ្វើជាប្រធានគណៈប្រជាជនភូមិ មានន័យថា ជាស្ពានដើម្បីនាំយកនូវគោលនយោបាយរបស់បក្ស ជូនដល់ប្រជាជន។ ទង្វើដ៏មានអត្ថន័យ មានផលប្រយោជន៍ដល់ប្រជាជនត្រូវតែខិតខំធ្វើឱ្យបានល្អ។ ដើម្បីប្រជាជនយល់ ប្រជាជនជឿនិងប្រជាជនធ្វើតាម យើងត្រួវធ្វើជាគំរូឈានមុខក្នុងការចលនា បណ្តាកិច្ចចលនាអនុវត្តនៅមូលដ្ឋាន។
 |
| លោកទ្រឿងមុម បានទទួលប័ណ្ណសរសើរពីគណៈប្រតិបត្តិការបក្ខភាគឃុំដាយអឹង២ (ឈរទី៣ពីឆ្វេង)។ |
អស់រយៈពេលជិត២០ឆ្នាំបំពេញការងារ លោកទ្រឿងមុម បានគណៈកម្មាធិការរណសិរ្សមាតុភូមិវៀតណាមខេត្ត គណៈកម្មាធិការប្រជាជនស្រុក គណៈប្រតិបត្តិការបក្ខភាគឃុំ គណៈកម្មាធិការប្រជាជនឃុំជូនលិខិតសរសើរ ព្រោះសម្រេចស្នាដៃឆ្នើមក្នុងការអនុវត្តភារកិច្ចដែលបានប្រគល់៕
ហុងទើ
Thông tin bạn đọc
Đóng Lưu thông tin