នាពេលកន្លង ដោយបានការយកចិត្តទុកដាក់របស់គណៈកម្មាធិការបក្ស រដ្ឋអំណាចគ្រប់ថ្នាក់ ការចូលរួមរបស់ប្រព័ន្ធនយោបាយ ការខិតខំប្រឹងប្រែងឈានឡើងរបស់ប្រជាជន ឃុំវិញគ្វើយបានផ្តោតលើការយកចិត្តទុកដាក់ ចង្អុលការដឹកនាំអនុវត្តល្អគោលនយោបាយជនជាតិ នាំមកនូវប្រសិទ្ធភាពជាក់ស្តែង។ ក្នុងនោះ អនុវត្តល្អទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាលទី១ (២០២១-២០២៥) សរុបទុនដែលបានប្រគល់ក្នុងឆ្នាំ២០២៤ ជាង២ពាន់លានដុង ដើម្បីអនុវត្តគម្រោងនានាដូចៈ ការដោះស្រាយខ្វះដីនៅ ផ្ទះនៅ ទឹកស្អាតប្រើប្រាស់ អភិវឌ្ឍផលិតកសិកម្ម រុក្ខកម្មប្រកបដោយស្ថេរភាព ពង្រីកសក្តានុភាព នៃតំបន់ក្នុងការផលិតទំនិញតាមប្រព័ន្ធតម្លៃ វិនិយោគហេដ្ឋារចនាសម្ព័ន្ធសំខាន់ៗ ដើម្បីបម្រើដល់ការផលិត ជីវភាពក្នុងតំបន់ជនជាតិភាគតិចនិងតំបន់ភ្នំនិងអង្គភាពបុព្វហេតុរដ្ឋក្នុងវិស័យជនជាតិ។ល។
ជាគ្រួសារបានទទួលផលពីដើមទុនគម្រោងកម្មវិធីខាងលើ ពូត្រឹងភេន ភូមិវិញធ្វឹង ឃុំវិញគ្វើយ បានឧបត្ថម្ភផ្ទះនៅដោយថវិកា៤៤លានដុង ពូបានបុលទុនពីធនាគារគោលនយោបាយសង្គម ដើម្បីសង់ផ្ទះថ្មីរឹងមាំ ពូភេនរីករាយឱ្យដឹង៖ ឃើញស្ថានភាពគ្រួសារខ្ញុំលំបាក រស់ក្នុងផ្ទះទ្រុឌទ្រោម រដ្ឋអំណាចភូមិភាគបានមកសួរសុខទុក្ខអំពីស្ថានភាពនិងឧបត្ថម្ភផ្ទះនៅឱ្យខ្ញុំ ពិតជារំភើបចិត្តណាស់ដែលបានរស់ក្នុងផ្ទះថ្មីស្អាតផង រឹងមាំផង។
 |
| គ្រួសារពូត្រឹងភេន នៅភូមិវិញធ្វឹងឃុំវិញគ្វើយបានជំនួយឧបត្ថម្ភផ្ទះនៅថ្មី។ |
ទន្ទឹមនឹងនោះ ឃុំនៅទាំងអនុវត្តបន្ថែមកម្មវិធីទិសដៅជាតិបន្ថយក្រស្ថេរភាព តាមរបាយការណ៍លទ្ធផលឆ្នាំ២០២៤ នៅលើភូមិដ្ឋានឃុំវិញគ្វើយ បានអនុវត្តទម្រង់ចិញ្ចឹមជ្រូកសាច់នាំមកនូវប្រសិទ្ធភាពខ្ពស់ ពីទម្រង់នេះ ប្រជាជនទំនុកចិត្តឈានឡើងក្នុងជីវភាព មានរបរដើម្បីអភិវឌ្ឍសេដ្ឋកិច្ចគ្រួសារ។ ឃុំក៏បានបង្កើតក្រុមសហករណ៏ចិញ្ចឹមជ្រូកសាច់ ដោយមាន១៤គ្រួសារចូលរួម ក្នុងនោះ មានគ្រួសារជនរួមជាតិខ្មែរចំនួន៥គ្រួសារ សរុបថវិកាឧបត្ថម្ភទម្រង់នេះជាង៧០០លានដុង។ គ្រួសារនីមួយៗបានឧបត្ថម្ភកូនជ្រូក៥ក្បាលនិងចំណី៣៥បាវ សរុបជាទឹកប្រាក់ចំនួន៣០លានដុង។
មកទស្សនាទម្រង់ចិញ្ចឹមជ្រូករបស់គ្រួសារមីងយ័ញធីស៊ីម នៅភូមិវិញធ្វឹង ឃុំវិញគ្វើយ បងស្រីចូវធីម៉ាយសារេត ជាកូនស្រីរបស់មីងស៊ីម មានភាពសប្បាយរីករាយ រំភើបចិត្តខ្លាំងដោយជ្រូកកំពុងឆាប់ធំ។ “ពេលបានឃុំឧបត្ថម្ភជ្រូក ខ្ញុំសប្បាយចិត្តណាស់ ដោយសារម្តាយខ្ញុំឈឺធ្ងន់ ពិបាកដើរ មិនអាចទៅធ្វើការឆ្ងាយបាន ពេលទទួលបានជ្រូកនេះ ខ្ញុំមានអារម្មណ៍ថាមានកម្លាំងចិត្តក្នុងការធ្វើការងារ បាននៅផ្ទះមើលថែម្តាយនិងកូនផង ថែមទាំងមានរបរដើម្បីរកប្រាក់ចំណូលបន្ថែមសម្រាប់ការអភិវឌ្ឍសេដ្ឋកិច្ចគ្រួសារ។ ខ្ញុំតែងចូលរួមយ៉ាងសកម្មថ្នាក់ហ្វឹកហាត់ ដើម្បីមានចំណេះដឹងអំពីការចិញ្ចឹមជ្រូក ដូច្នេះ ជ្រូកទាំងអស់ក្នុងគ្រួសាររបស់ខ្ញុំបានឆាប់ធំ” បងស្រីសារេត បានឱ្យដឹងដូច្នេះ។
 |
| គ្រួសារមីងយ័ញធីស៊ីម ភូមិវិញធ្វឹង ឃុំវិញគ្វើយ បានឧបត្ថម្ភកូនជ្រូក៥ក្បាល ដើម្បីបង្កើតរបរសម្រាប់ការអភិវឌ្ឍសេដ្ឋកិច្ចគ្រួសារ។ |
លោកត្រឹងមិញជៀវ-អនុប្រធានគណៈកម្មាធិការប្រជាជនឃុំវិញគ្វើយ ឱ្យដឹង៖ ចាប់ពីដើមឆ្នាំ២០២៤ រហូតមកដល់បច្ចុប្បន្ន ឃុំបានអនុវត្តគោលនយោបាយជនជាតិជាច្រើន ដើម្បីឧបត្ថម្ភតំបន់ជនជាតិភាគតិចដូច បណ្តាគម្រោងចំណុះកម្មវិធីទិសដៅជាតិ បុលទុនឥណទានអាទិភាព ធានារ៉ាប់រងសុខាភិបាលជនជាតិ។ល។ ដោយសារការអនុវត្តមានប្រសិទ្ធភាពនៃគោលនយោបាយនេះ បានរួមចំណែកលើកកម្ពស់គុណភាពជីវភាពរបស់ប្រជាជន។ ដើម្បីអនុវត្តល្អគោលនយោបាយជនជាតិ គណៈកម្មាធិការប្រជាជនឃុំពង្រឹងគណៈចង្អុលការកម្មវិធី ដើម្បីចាត់សមាជិកត្រួតពិនិត្យការអនុវត្ត ប្រសិនបើមានការលំបាកក្នុងដំណើរអនុវត្ត ត្រូវរាយការណ៍ជូនថ្នាក់លើ ដើម្បីរួមគ្នាផ្តល់ដំណោះស្រាយទាន់ពេល ជួយឧបត្ថម្ភប្រជាជនតាមរបៀបដ៏ល្អបំផុត ធានានូវតម្រូវការត្រឹមត្រូវ ចំមុខសញ្ញាទទួលផល៕
ហុងទើ
Thông tin bạn đọc
Đóng Lưu thông tin