សមាគមនារីសង្កាត់វិញភឿកមានសមាជិកាចំនួន២.២៣៥រូប ក្នុងនោះ សមាជិកាជាជនជាតិគិញចំនួន៥៦៤រូប ជនជាតិខ្មែរ១.៤៦១រូបនិងជនជាតិហ្វាចំនួន២២៨រូប។ ពង្រីកការចលនាប្រឡងប្រណាំង “កសាងនារីវៀតណាមក្នុងសម័យថ្មី”និង“កសាងនារីសុកត្រាំងមេត្តាធម៌ ជឿជាក់ ច្នៃប្រឌិត” ។ ចាប់ពីឆ្នាំ២០២៤ សមាគមនារីសង្កាត់បានកសាងកម្មវិធីសកម្មភាពសហការជាមួយគណៈផ្នែកនានាចង្អុលការនិងណែនាំដើម្បីជម្រុញការងារសារគមនាគមន៍ដល់បងប្អូននារីក្នុងតំបន់ជនជាតិភាគតិចពីបណ្តាគោលការណ៍ សេចក្តីសម្រេចរបស់បក្ស បណ្តាឯកសារច្បាប់បំផុតគឺឯកសារច្បាប់ទាក់ទិនដល់នារីនិងកុមារ។
 |
| ចាត់តាំងព្រឹត្តិការណ៍សារគមនាគមន៍ពីបញ្ហានារីនិងកុមារ។ |
ជាមួយលក្ខណៈពិសេសជាតំបន់ដែលមានជនជាតិភាគតិចរស់នៅកុះករ សមាគមមានការផ្លាស់ថ្មី ច្នៃប្រឌិតក្នុងការចាត់តាំងសារគមនាគមន៍ដោយមានខ្លឹមសារ រូបភាព វិធីសាស្រ្តសមស្របនៃមុខសញ្ញានីមួយៗ ផ្សារភ្ជាប់នឹងបណ្តាសកម្មភាពផ្សព្វផ្សាយជាមួយការងារក្តាប់ស្ថានភាពមតិរបស់សង្គម ណែនាំ គួបផ្សំនឹងសកម្មភាពជាក់ស្តែងដើម្បីផ្សព្វផ្សាយនៅពេលប្រជុំបណ្តាក្លឹប ក្រុមនារី។ល។ ។ បងស្រីទឺធីថារី-លេខាសាខាបក្សអនុសង្កាត់សើតាយបេ ប្រធានក្រុមសារគមនាគមន៍អនុសង្កាត់សើតាយបេបានឱ្យដឹង៖ ខ្ញុំតែងចលនាបងប្អូននារីជនជាតិភាគតិចទៅសាលាទានឬអគារវប្បធម៌សង្កាត់ដើម្បីចូលរួមស្តាប់ការផ្សព្វផ្សាយពីបញ្ហាទាក់ទិនដល់នារីនិងកុមារជួយបងប្អូននារីយល់ច្បាស់ពីចំណេះដឹងពីច្បាប់អាពាហ៍ពាហ៍និងគ្រួសារ សមភាពភេទ អំពើហឹង្សាគ្រួសារ។ក្នុងឆ្នាំ២០២៤សមាគមបង្កើតក្រុមសារគមនាគមន៍សហគមន៍បានចំនួន៨ក្រុមដើម្បីអនុវត្តគម្រោង៨ “អនុវត្តសមភាពភេទនិងដោះស្រាយបណ្តាបញ្ហាចាំបាច់ចំពោះនារីនិងកុមារ” ប្រមូលផ្តុំនៅអនុសង្កាត់ទាំង៨ដែលមានជនជាតិភាគតិចរស់នៅកុះករ។ ក្រុមនីមួយៗមានចំនួនសមាជិក១០រូបរួមមាន លេខាសាខាបក្ស ប្រធានគណៈប្រជាជន អង្គការមហាជន អ្នកមានប្រិយភាពអនុសង្កាត់ ផ្សព្វផ្សាយចលនាតាមរយៈរូបភាពដូច ឈុតសម្តែងខ្លីៗ បញ្ចាំងទស្សនីយភាព អត្ថាធិប្បាយ។ល។ ចាត់តាំងតិចបំផុតមួយលើក/ខែទាក់ទាញប្រជាជនចូលរួមយ៉ាងច្រើនកុះករ។ ចូលរួមប្រជុំជីវភាពនៅអនុសង្កាត់ បងស្រីថាច់ធីណាស៊ី នៅភូមិសើតាយបេបានឱ្យដឹង៖ ខ្ញុំតែងចូលរួមប្រជុំជីវភាពមិនដែលខានម្ល៉ោះហើយខ្ញុំក្តាប់បានចំណេះដឹងយ៉ាងច្រើនក្នុងការកសាងគ្រួសារសុភមង្គល និងអំពើហឹង្សាក្នុងគ្រួសារ។ ខ្ញុំណែនាំបងប្អូននារីក្នុងអនុសង្កាត់ចូលរួមដើម្បីកសាងគ្រួសារវប្បធម៌ ជៀសវាងប្រើអំពើហឹក្សាក្នុងគ្រួសារ រៀបការមិនគ្រប់អាយុនិងរៀបការក្នុងសាច់សារលោហិត។ ទន្ទឹមនោះដើម្បីធានាអនុវត្តប្រសិទ្ធភាពការងារសារគមនាគមន៍កងជួរអ្នកផ្សព្វផ្សាយបំផុតគឺអ្នកផ្សព្វផ្សាយជាជនជាតិភាគតិច។ សមាគមតែងមានផែនការពង្រឹងបំប៉នចំណេះដឹងជំនាញ គួបផ្សំនឹងបណ្តាគណៈផ្នែកនានាបញ្ជូនកងជួរអ្នកផ្សព្វផ្សាយឱ្យរៀនថ្នាក់លើកកម្ពស់កម្រិតវិជ្ជាជំនាញជួយអ្នកឃោសនាមានចំណេះដឹង បទពិសោធន៍ដើម្បីអនុវត្តការងារឃោសនា។
 |
| អ្នកឃោសនាចូលរួមថ្នាក់ហ្វឹកហាត់ពីទេពកោសល្យឃោសនា សារគមនាគមន៍ពីបញ្ហានារីនិងកុមារ។ |
បងស្រីលឿងធីប៉ិចសៀង-ប្រធានសមាគមនារីសង្កាត់វិញភឿកបានឱ្យដឹង៖ ការបង្កើតក្រុមសារគមនាគមន៍សហគមន៍តំបន់ជនជាតិភាគតិចបានជួយលើកកម្ពស់ចំណេះដឹង ផ្លាស់ប្តូរការគិត របៀបធ្វើនិងមានការវិវត្តន៍យ៉ាងខ្លាំងពីយល់ដឹងក៏ដូចលើកកម្ពស់ភារៈនៃបណ្តាថ្នាក់ គ្រួសារ សហគមន៍ក្នុងការអនុវត្តសមភាពភេទ រួមចំណែកបន្ថយស្ថានភាពប្រើអំពើហឹង្សាគ្រួសារ បំពានលើនារីនិងកុមារ ជម្រុញការងារបង្ការទប់ស្កាត់ និងពិន័យបណ្តាករណីជួញដូរនារីនិងកុមារ។ នាពេលខាងមុខ សមាគមនារីសង្កាត់វិញភឿក នឹងពង្រីកលទ្ធផលដែលសម្រេច សំខាន់ពង្រីកតួនាទីរបស់សមាជិកាក្នុងការអនុវត្តការងារសារគមនាគមន៍តំបន់ជនជាតិភាគតិចរួមចំណេកអនុវត្តប្រសិទ្ធភាពបណ្តាទម្រង់ដូច “កសាងគ្រួសារសុភមង្គល”នារីជាមួយក្រឹត្យច្បាប់”៕
ហុងទើ-សុផល
Thông tin bạn đọc
Đóng Lưu thông tin