 |
| ផ្លូវជនបទនៅចូវថាញ់បានរដ្ឋវិនិយោគយ៉ាងរឹងមាំ ដើម្បីមាមីងធ្វើដំណើរទៅមកនិងដឹកជញ្ជូនកសិផលកាន់តែងាយស្រួល។ |
លោកទ្រឿងក្វុកឌៀង-ប្រធានគណៈកម្មាធិការប្រជាជនស្រុកចូវថាញ់(សុកត្រាំង) ឱ្យដឹង៖ ក្នុងប៉ុន្មានឆ្នាំកន្លង ចូវថាញ់តែងកំណត់ច្បាស់ការផ្សព្វផ្សាយគោលនយោបាយដើម្បីបន្ថយអត្រាគ្រួសារក្រក្នុងជនជាតិភាគតិចជាភារកិច្ចសំខាន់ ទាមទារទូទាំងប្រព័ន្ធនយោបាយត្រូវប្តេជ្ញា ផ្តោតលើការអនុវត្តច្រើនដំណោះស្រាយ ជួយអត្រាគ្រួសារជនជាតិភាគតិចក្រលើភូមិដ្ឋានស្រុកថយចុះយ៉ាងឆាប់។ ស្រុកខិតខំដល់ចុងឆ្នាំនេះអត្រាគ្រួសារក្រថយចុះនៅក្រោម៤%។ អនុវត្តកម្មវិធីទិសដៅជាតិអភិវឌ្ឍសេដ្ឋកិច្ចសង្គមតំបន់ជនជាតិភាគតិច ដំណាក់កាល២០២១-២០២៥ ភូមិភាគបានប្រមូលផ្តុំអនុវត្តគម្រោង គម្រោងតូចជាច្រើនឧបត្ថម្ភដល់មាមីងជនជាតិភាគតិចដើម្បីមានលក្ខណៈក្នុងការអភិវឌ្ឍផលិតមុខរបរជួយឧបត្ថម្ភពីដីនៅ ផ្ទះនៅ… មកដល់ពេលនេះ អត្រាផ្តល់ផ្ទេរប្រាក់ចំពោះ គម្រោងសម្រេច១០០% ផែនការទុនដែលបានប្រគល់។ បច្ចុប្បន្ន ឃុំទាំង៧ក្នុងទូទាំងស្រុកបានសម្រេចបទដ្ឋានជនបទថ្មី ក្នុងនោះ ១ឃុំបានសម្រេចបទដ្ឋានជនបទថ្មីលើកកម្ពស់។ យើងខ្ញុំសួរសុខទុក្ខគ្រួសារលក់ពូជដើមទន្លាប់ បងស្រីលីធីថាញ់ស្វឹង នៅភូមិភឿកធ្វឹង ឃុំ ភូតឹង ស្រុកចូវថាញ់ គ្រួសារបានផ្សារភ្ជាប់ជាមួយនឹងដើមទន្លាប់អស់រយៈពេលជាង ៥ឆ្នាំហើយ ពេលបានភូមិភាគបង្កលក្ខណៈបុលទុនដើម្បីផលិតធ្វើអាជីវកម្ម។ ដំបូងបងស្រីគ្រាន់តែទិញផ្លែ ជ្រើសយកគ្រាប់ដើម្បីបណ្តុះពូជ។ ក្រោយពេលផលិតពូជទន្លាប់ បានអភិវឌ្ឍបន្តិចម្តងៗ
បើកទូលាយដាំឡើងដល់រាប់សិបពាន់ដើមពូជ។ បងស្រីស្វឹងឱ្យដឹង៖ បានដឹងថាទន្លាប់ជាឈើហូបផ្លែដែលមានដើមកំណើតដំបូងនៅតំបន់ដីភូតឹង ឃុំភូតឹង ស្រុកចូវថាញ់និងមានប្រជាជនជាច្រើនពេញនិយមទិញយកដាំសម្រាប់ធ្វើជាម្លប់ឬធ្វើអាជីវកម្ម។ នេះជាឈើហូបផ្លែងាយបណ្តុះ អត្រាលូតលាស់ល្អផ្តល់ប្រាក់ចំណូលខ្ពស់។ បច្ចុប្បន្ន ខ្ញុំធ្វើអាជីវកម្មលក់ដុំនិងរាយ អតិថិជនភាគច្រើមកពីភូមិភាគនានាដូចជាស្រុកគូឡាវយុង (សុកត្រាំង) ខេត្តត្រាវិញ ដុងថាប… លក់បានបំផុតនៅរដូវវស្សា។ តាមការស្មានមធ្យមក្នុងមួយឆ្នាំ គ្រួសារខ្ញុំរកបានប្រាក់ចំណេញប្រហែល៧០លានដុងពីការផលិតអាជីវកម្មពូជឈើហូបផ្លែ។ បានរដ្ឋវិនិយោគ កសាងផ្លូវជនបទឆ្លងកាត់វាលស្រែរបស់ខ្លួន ពូឡឹមហ៊ីប នៅឃុំភូតឹង ស្រុកចូវថាញ់រីករាយឱ្យដឹង៖ ខ្ញុំឃើញប្រជាជននៅទីនេះសប្បាយចិត្តខ្លាំងណាស់ ព្រមទាំងប្រជាជនពីស្រុកកេសាច់ មាមីងក៏ធ្វើដំណើរតាមផ្លូវស្រុកលេខ៩៦ ដើម្បីមកខេត្តសុកត្រាំងឬទៅធ្វើកម្មករនៅតំបន់ឧស្សាហកម្មអាងងីប។ រាល់ថ្ងៃខ្ញុំនៅទីនេះ មានអារម្មណ៍សប្បាយរីករាយ ប្រជាជនធ្វើដំណើរទៅមកច្រើន។ ទាំងសងខាងព្រែកនិងវាលស្រែ។ ដល់រដូវប្រមូលផលស្រូវ ឈ្មួញមកប្រមូលទិញកសិផលនិងលក់បានតម្លៃខ្ពស់។
នាពេលកន្លង គណៈកម្មាធិការបក្ស រដ្ឋអំណាចនិងអង្គការមហាជននៅលើភូមិដ្ឋានស្រុកចូវថាញ់ខិតខំប្រឹងប្រែងអនុវត្តល្អនូវគោលនយោបាយរបស់បក្សនិងរដ្ឋចំពោះជនរួមជាតិខ្មែរដូចជា ឧបត្ថម្ភ សង់ផ្ទះនៅ ជួយឧបត្ថម្ភទុនធ្វើការរកស៊ី ផ្លាស់ប្តូររបរ បណ្តុះបណ្តាលរបរ ឧទ្ទេសនាមការងារធ្វើ ឧបត្ថម្ភពីបច្ចេកទេសផលិត… បណ្តាកម្មវិធីទិសដៅជាតិ គោលនយោបាយជនជាតិ ជីវភាពរបស់មាមីងជនរួមជាតិខ្មែរស្រុកចូវថាញ់បានសុខដុម ភូមិស្រុកបានផ្លាស់ប្តូរពីមួយថ្ងៃទៅមួយថ្ងៃ៕
ដាលីន
Thông tin bạn đọc
Đóng Lưu thông tin