 |
| ទិដ្ឋភាពនៃអង្គប្រជុំ។ |
នៅក្នុងពិធីប្រជុំ គណៈចាត់តាំងពិធីប្រឡងបានអនុម័តសេចក្តីសម្រេចបង្កើតគណៈចាត់តាំង ក្រុមលេខាធិការ ក្រុមពិនិត្យ ចងក្រងសំណួរ-ចម្លើយពិធីប្រឡង ផែនការចាត់តាំងពិធីប្រឡង លក្ខន្តិកៈ ។ល។ តាមផែនការ ពិធីប្រឡងបម្រុងនឹងប្រព្រឹត្តឡើងនិងសម្រេចមុនថ្ងៃទី៣១ ធ្នូ ឆ្នាំ២០២៤ បានចាត់តាំងតាមរូបភាពវេទិកាឆាក រួមមាន៤ផ្នែកប្រឡងៈ ឈុតជម្រាបសួរ ប្រឡងធ្វើពិសោធន៍ វិនិច្ឆ័យហេតុការណ៍ វណ្ណកម្មខ្លីផ្សព្វផ្សាយគោលនយោបាយ-ច្បាប់តាមប្រធានបទ។ ខ្លឹមសារពិធីប្រឡងជុំវិញបណ្តាសេចក្តីកំណត់ច្បាប់ពីវិស័យជនជាតិ ចម្បង គឺកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ ដំណាក់កាល២០២១-២០៣០ ដំណាក់កាលទី១ (២០២១-២០២៥)។
បណ្តាសេចក្តីកំណត់របស់ច្បាប់ទាក់ទិនផ្ទាល់ដល់ជីវភាពរបស់ជនជាតិភាគតិចដូច អាពាហ៍ពិពាហ៍និងគ្រួសារ បង្ការទប់ស្កាត់បទល្មើស បង្ការ ទប់ស្កាត់អំពើហឹង្សាគ្រួសារ សមភាពភេទ ពង្រីកតួនាទីរបស់ប្រជាជនក្នុងការពារប្រទេស សន្តិសុខ ការពារព្រៃ បរិស្ថានជីវស្ថាន បណ្តាគោលនយោបាយទាក់ទិនផ្ទាល់ដល់តំបន់ជនជាតិភាគតិចសមស្របជាមួយស្ថានភាពជាក់ស្តែងរបស់ភូមិភាគ។
ថ្លែងការណ៍ក្នុងអង្គប្រជុំ សមមិត្តឡឹមហ្វាងម៉ូវ បានអះអាងថា “ពិធីប្រឡង “ស្វែងយល់ច្បាប់ពីវិស័យការងារជនជាតិឆ្នាំ២០២៤-២០២៥” លើភូមិដ្ឋានខេត្តសុកត្រាំង ជារូបភាពមួយដែលអប់រំច្បាប់មានប្រសិទ្ធភាពបំផុតនៅតំបន់ជនជាតិភាគតិច។ ឆ្លងតាមពិធីប្រឡងនេះ នឹងជួយកងជួរកម្មាភិបាល បុគ្គលិក ពលករនិងប្រជាជនមានឱកាសដោះដូរ រៀនសូត្រ ចែករំលែកបទពិសោធន៍ក្នុងការងារផ្សព្វផ្សាយច្បាប់ដល់ជនជាតិភាគតិចនៅលើភូមិដ្ឋានខេត្ត។ ទន្ទឹមនឹងនោះ សមមិត្តក៏បានកត់សំគាល់ស្មារតីទទួលបន្ទុករបស់តំណាងទាំងឡាយក្នុងការចូលរួមបំពេញបន្ថែម គប់វាល់យោបល់ ដើម្បីសម្រេចផែនការនៃពិធីប្រឡង”៕
ហុងទើ-សុផល
Thông tin bạn đọc
Đóng Lưu thông tin