 |
| ដងផ្លូវជនបទនៅភូមិនានារបស់ឃុំដាយតឹម បានប្រជាជនបោសសម្អាតនិងដាំផ្ការួមចំណែកជួយឱ្យដាយតឹមកាន់តែស្រស់បំព្រង |
ភូមិទាំង៨របស់ឃុំដាយតឹមមានដងផ្លូវជាតិ១Aឆ្លងកាត់ ព្រមជាមួយបណ្តាដងផ្លូវខេត្ត ស្រុក ផ្លូវជនបទនិងច្រកនានាតែងបានតភ្ជាប់នឹងគ្នា បង្កជាប្រព័ន្ធផ្លូវគមនាគមន៍យ៉ាងសំខាន់ ឆ្លើយតបតម្រូវការក្នុងការធ្វើដំណើរទៅមកនិងដឹកជញ្ជូនកសិផល។ បណ្តាដងផ្លូវក្រោយពីបានចាក់បេតុង ចាក់កៅស៊ូរួចរាល់ បន្ទប់មកនៅទាំងបានជួសជុលបើកទូលាយតាមដងផ្លូវ បានដាំផ្កា ដាំឈើជាម្លប់និងធ្វើអនាម័យបរិស្ថាន តាមច្រកល្ហកចូលដល់ផ្ទះប្រជាជន។ល។ “ពីមុនដងផ្លូវតូចចង្អៀត ម៉ូតូច្រើន ពេលខ្លះមនុស្សចាស់និងកុមារដើរតាមផ្លូវខ្លាចគ្រោះថ្នាក់ តែសព្វថ្ងៃមាមីងដើរតាមផ្លូវមានភាពសប្បាយរីករាយ ពីព្រោះដងផ្លូវជ្រះស្អាត សុវត្ថិភាពងាយស្រួលណាស់” លោកត្រឹងវ៉ាំងប៉ុង នៅភូមិដាយជី ឃុំដាយតឹមបានឱ្យដឹងដូច្នេះ។ ជីវភាពសម្ភារៈនិងស្មារតីបានកើនឡើង ប្រជាជនជឿជាក់និងអនុវត្តល្អតាមគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋ ពិសេសគឺការស្របមតិចូលរួមគប់វាល់ កម្លាំងនិងថវិកាដើម្បីកសាងបណ្តាសំណង់នានានៅភូមិភាគ។ បណ្តាការចលនាទូទាំងប្រជាជនសាមគ្គីកសាងជីវភាពវប្បធម៌ ទូទាំងប្រជាជនការពារសន្តិសុខមាតុប្រទេស។ល។ តែងបានប្រជាជនចូលរួមយ៉ាងសកម្ម។ អាស្រ័យហេតុនោះ ស្ថានភាពសន្តិសុខ សណ្តាប់ធ្នាប់ សុវត្ថិភាពសង្គមនៅលើភូមិដ្ឋានបានលំនឹង។ មកដល់សព្វថ្ងៃ ទិដ្ឋភាពជនបទនៅដាយតឹមមានការវិវត្តន៍យ៉ាងច្បាស់។ លេចធ្លោគឺប្រព័ន្ធហេដ្ឋារចនាសម្ព័ន្ធអប់រំ សុខាភិបាល វប្បធម៌តែងបានវិនិយោគនិងជួសជុលសមស្របជាមួយអភិវឌ្ឍការផលិតនិងប្រជុំជីវភាពរបស់ប្រជាជន។ លោកត្រឹមសាញ់ នៅភូមិដាយងៀថាំង ឃុំដាយតឹមរីករាយឱ្យដឹង៖ អាស្រ័យកសាងឃុំជនបទថ្មីនិងជនបទថ្មីលើកកម្ពស់ ម៉្លោះហើយ ទិដ្ឋភាពជនបទរបស់ភូមិភាគនឹងមានការអភិវឌ្ឍជាងទៀត។
សព្វថ្ងៃដាយតឹមមិននៅជាឃុំក្រទៀតឡើយ ទន្ទឹមនឹងបណ្តាទម្រង់ផលិតកសិកម្មមានប្រសិទ្ធភាព ពាណិជ្ជកម្ម សេវាកម្មជាសក្តានុភាពរបស់ភូមិភាគ ពីព្រោះនៅលើភូមិដ្ឋានមានវត្តស្រឡូងដែលបានទាក់ទាញភ្ញៀវទេសចរជិតឆ្ងាយយ៉ាងច្រើនកុះករមកទស្សនាទេសភាព សំណង់ក្នុងវត្ត ទិញអតិផលរបស់ភូមិភាគ។ តម្រង់ទិសនៃការអភិវឌ្ឍក្នុងពេលខាងមុខ ដាយតឹមកំពុងធ្វើឱ្យសុក្រឹតបណ្តាលក្ខឋានជនបទថ្មីគំរូ ទន្ទឹមនឹងការងាររៀបចំជួសជុលក្រុងផ្សារ។ សមមិត្តត្រឹងជិញតឹម-ប្រធានគណៈកម្មាធិការប្រជាជនឃុំដាយតឹមឱ្យដឹង៖ ដើម្បីកសាងឃុំជនបទថ្មីគំរូ ទូទាំងប្រព័ន្ធនយោបាយឃុំដាយតឹមបន្តការជំរុញអនុវត្តបណ្តាវិធានការកែលម្អជីវភាពសេដ្ឋកិច្ច-សង្គមរបស់ប្រជាជន វិនិយោគព្រមៗគ្នាការរចនាសម្ព័ន្ធគមនាគមន៍ អភិវឌ្ឍកសិកម្មទំនើបនិងចីរភាព។ ក្នុងនោះការយកចិត្តទុកដាក់ពង្រឹងសកម្មភាពទេសចរណ៍សម្រេចគុណភាពខ្ពស់និងការចងសម្ព័ន្ធហើយបង្កចំណាប់អារម្មណ៍ពីទេសចរណ៍សម្រាប់ភូមិភាគ។
ដើមឆ្នាំ២០២៤ ជាមួយការខិតខំរបស់បក្ខភាគ រដ្ឋអំណាចនិងប្រជាជន ឃុំដាយតឹមបានទទួលស្គាល់ជាឃុំជនបទថ្មីគំរូ សង្ឃឹមថាទិដ្ឋភាពជនបទរបស់ដាយតឹមមួយថ្ងៃកាន់តែមានការផ្លាស់ថ្មី គុណភាពការរស់នៅ កម្រិតទទួលផលពីជីវភាពសម្ភារៈ ស្មារតីពីមួយថ្ងៃកាន់តែខ្ពស់សម្រាប់ប្រជាជននៅជនបទ៕
ចន្ថា
Thông tin bạn đọc
Đóng Lưu thông tin