 |
| សាខាបក្សភូមិភុងទឿង១ ប្រជុំសាខាបក្សភូមិរាល់ខែ |
នាំយើងខ្ញុំទៅមណ្ឌលអាសយជនលេខ៤ ភូមិភុងទឿង១ ឃុំសុងភុង ដងផ្លូវជនបទបានចាក់បេតុងរាបរលូនដោយក្តីសប្បាយរីករាយរបស់ប្រជាជននៅទីនេះ សមង្វៀងវ៉ាំងគឹង-លេខាសាខាបក្សភូមិភុងទឿង១ឱ្យដឹង៖ ពីមុន ដងផ្លូវនេះជាផ្លូវដី ពេលថ្ងៃក្តៅគឺធូលីហុយទ្រលោម ពេលខែភ្លៀងភក់ល្បាប់រអិលធ្វើដំណើរមានការលំបាកខ្លាំង។ ជាមួយនឹងពាក្យស្លោក រដ្ឋនិងប្រជាជនរួមធ្វើ ដើម្បីកសាងដងផ្លូវបានស្អាតដូចសព្វថ្ងៃ សាខាបក្សបានចលនាប្រជាជនបរិច្ចាគដី របង ដំណាំព្រមទាំងកម្លាំងពលកម្មដោយតម្លៃរាប់រយលានដុង។ លោកត្រឹងថាញ់ទូ-ប្រជាជននៅមណ្ឌលអាសយជនលេខ៤ ភូមិភុងទឿង១ រីករាយឱ្យដឹង៖ រាល់ការងារក្នុងភូមិតែងបានសាខាបក្សភូមិចាត់តាំងការប្រជុំពិគ្រោះ បើកចំហច្បាស់លាស់ ម្ល៉ោះហើយ មាមីងស្របមតិគប់វាល់នូវបង្គោលភ្លើង កាមេរ៉ាសុវត្ថិភាព ដាំផ្កា ដើមឈើជាម្លប់ធ្វើឱ្យត្រជាក់ភូមិស្រុក ចាប់ពីមានដងផ្លូវនេះជីវភាពរបស់មាមីងពីមួយថ្ងៃកាន់តែបានលើកកម្ពស់កូនចៅបានទៅរៀនគ្រប់គ្នា បណ្តាមុខទំនិញកសិផលតែងបានឈ្មួញមកទិញដល់កន្លែង សន្តិសុខ សណ្តាប់ធ្នាប់ បានលំនឹង មាមីងស្ងប់ចិត្តពលកម្មផលិត ធ្វើអាជីវកម្ម រួមចំណែកកសាងសម្រេចជោគជ័យឃុំជនបទថ្មីលើកកម្ពស់។ ទូទាំងភូមិភុងទឿង១ សព្វថ្ងៃមាន៤ដងផ្លូវដានជនបទ ដោយមានប្រវែងជាង៧គីឡូម៉ែត្រ ទទឹងពី២-៣,៥ម៉ែត្រ ផ្លូវទូលាយងាយស្រួលឱ្យការដឹកជញ្ជូនកសិផលរបស់មាមីង សាខាបក្សនៅទាំងចលនាប្រជាជនគប់វាល់កសាងបង្គោលភ្លើងអុជបំភ្លឺចំនួន៣៥០ដើម ដាំផ្កាជាង៤.០០០ដើម ប្រជាជនគប់វាល់ដាក់កាមេរ៉ាសុវត្ថិភាពចំនួន២ រាល់សប្តាហ៍គណៈផ្នែក អង្គការមហាជនភូមិរួមជាមួយប្រជាជនចូលរួមធ្វើស្មៅ អនាម័យ បរិស្ថាន ថែទាំដងផ្លូវផ្កាគំរូ តាមនោះ រាល់មណ្ឌលអាសយជនក្នុងភូមិពីមួយថ្ងៃកាន់តែរីកចម្រើននិងជ្រះ-ស្អាត-បៃតង-សុវត្ថិភាព។ បណ្តាសកម្មភាពគិតអានជីវភាពជូនប្រជាជនតែងបានសាខាបក្ស បក្ខជនយកចិត្តទុកដាក់អនុវត្តចាប់ពីដើមឆ្នាំមក ដល់សព្វថ្ងៃសាខាបក្សចលនាបណ្តាសប្បុរសជន សាច់ញាតិគប់វាល់កសាងផ្ទះមហាសាមគ្គី៣ខ្នងឱ្យគ្រួសារក្រជួបលំបាកពីផ្ទះនៅ ក្នុងមួយខ្នងតម្លៃ៦២លានដុង សួរសុខទុក្ខ លើកទឹកចិត្ត ជូនអំណោយដល់គ្រួសារក្រ ក្បែរក្រ គ្រួសារគោលនយោបាយ មុខសញ្ញាគាំពារសង្គម។ល។ សព្វថ្ងៃ ភូមិមាន៤៥៣គ្រួសារ ក្នុងនោះមាន៣៦គ្រួសារក្រ និង២៤គ្រួសារក្បែរក្រ។
សមមិត្តង្វៀងវ៉ាំងគឹង-លេខាសាខាបក្សភូមិភុងទឿង១បានឱ្យដឹងបន្ថែម៖ សាខាបក្សតែងជម្រុញការរៀនសូត្រនិងធ្វើតាមគំរូសីលធម៌ ឥរិយាបថហូជីមិញ។ ក្នុងនោះ យកចិត្តទុកដាក់ពង្រីកតួនាទីរបស់កម្មាភិបាល បក្ខជនក្នុងការគិតអានជីវភាពប្រជាជន បន្តការចលនាប្រជាជនរួមជាមួយនឹងរដ្ឋលើកកម្ពស់បណ្តាដងផ្លូវគមនាគមន៍ជនបទ ចលនាប្រជាជនអភិវឌ្ឍសេដ្ឋកិច្ចរួមចំណែកកសាងសាខាបក្សសម្រេចភារកិច្ចឆ្នើម មណ្ឌលអាសយជនពីមួយថ្ងៃកាន់តែរីកចម្រើន៕
ចន្ថា
Thông tin bạn đọc
Đóng Lưu thông tin