 |
| បងស៊ើងហុងលិន នៅភូមិទ្រុងប៊ិញ ឃុំទ្វឹងទឹក មានភាពសប្បាយរីករាយពេលបានរដ្ឋសង់ផ្ទះជូន |
ប៉ុន្មានថ្ងៃជិតៗនេះ មានជនរួមជាតិខ្មែរជាច្រើននៅភូមិទ្រុងប៊ិញ ឃុំទ្វឹងទឹកមានភាពសប្បាយរីករាយព្រោះទទួលផ្ទះថ្មីពីប្រភពទុនកម្មវិធី។ ជាគ្រួសារដែលបានទទួលពីគោលនយោបាយ បងស៊ើងហុងលិន នៅភូមិទ្រុងប៊ិញ ឃុំទ្វឹងទឹករីករាយឱ្យដឹង៖ ជីវភាពគ្រួសារខ្ញុំជួបការលំបាក គ្មានដីផលិត ប្រពន្ធក៏ឈឺទៀត ម៉្លោះហើយ រាល់ការប្រជុំជីវភាពប្រចាំថ្ងៃនិងថ្នាំពេទ្យសម្រាប់ប្រពន្ធតែងពឹងលើប្រាក់ធ្វើការឈ្នួលរបស់ខ្ញុំរកបានមិនគ្រប់ចាយវាយប្រចាំថ្ងៃផង ម៉្លោះហើយខ្ញុំមិនដែលប្រាថ្នាសង់បានផ្ទះថ្មីឡើយ។ សព្វថ្ងៃបានបក្សនិងរដ្ឋយកចិត្តទុកដាក់ឧបត្ថម្ភ៤៤លានដុង រួមជាមួយនឹងប្រាក់ដែលខ្ញុំសន្សំបាន២០លានដុងក៏សង់បានផ្ទះមួយខ្នងយ៉ាងសមរម្យ ខ្ញុំមានក្តីសប្បាយរីករាយណាស់ មិនខ្លាចភ្លៀងខ្យល់ ទឹកលេចទៀតឡើយ ខ្ញុំអរគុណបក្សនិងរដ្ឋណាស់ ដែលយកចិត្តទុកដាក់ដល់គ្រួសារខ្ញុំ។
ប៉ុន្មាឆ្នាំកន្លង គ្រួសារបងយ័ញដាវ នៅភូមិទ្រុងប៊ិញ ឃុំទ្វឹងទឹករស់ក្នុងផ្ទះទ្រុឌទ្រោម ប្រពន្ធឈឺទៀត ការចាយវាយប្រចាំថ្ងៃពឹងលើធ្វើការឈ្នួលរបស់បង ចែករំលែកពីជីវភាពគ្រួសារ បងដាវឱ្យដឹង៖ ប៉ុន្មានឆ្នាំមុន គ្រួសារខ្ញុំរស់ក្នុងផ្ទះទ្រុឌទ្រោម ពេលភ្លៀងម្តងៗលេចមុខលេចក្រោយ ពេលខ្លះក៏រត់ទៅផ្ទះអ្នកជិតខាងសុំជ្រកអាស្រ័យ។ ចំពោះស្ថានភាពលំបាកនោះ ដើមឆ្នាំ២០២៣ គ្រួសារបងបានរដ្ឋជំនួយសង់ផ្ទះជូនមួយខ្នង សង្ឃឹមថានេះជាការជំនួយប្រកបដោយអត្ថន័យជួយឱ្យគ្រួសារបងស្ងប់ចិត្តពលកម្មផលិត ឈានឡើងក្នុងជីវភាព។ ដំណាក់កាល២០២២-២០២៣ ដោយការបែងប្រភពទុនពីកម្មវិធី គណៈកម្មាធិការបក្ស រដ្ឋអំណាចឃុំទ្វឹងទឹកគ្រប់ថ្នាក់បានផ្សព្វផ្សាយអនុវត្ត គម្រោង១ កសាងសង់ផ្ទះនៅជូនអ្នកក្រចំនួន៣៨ខ្នង ជំនួយធុងតម្កល់ទឹកប្រជុំជីវភាពជូនគ្រួសារចំនួន៣៥គ្រួ ដោយមានទឹកប្រាក់ជាង៩៦លានដុង។ ដោយឡែកគម្រោង៤ឃុំបានវិនិយោគ កសាងផ្លូវថាច់កីនៅភូមិទ្រុងប៊ិញមានប្រវែង១,៥គីឡូម៉ែត្រ សរុបថវិកាជាង១ពាន់លានដុង បើកទូលាយនិងជួសជុលដងផ្លូវជនបទដោយមានប្រវែង២,៥គីឡូម៉ែត្រ ដោយសរុបថវិកា២៦៨លានដុង។ តាមសមមិត្តលីធី-អនុប្រធានគណៈកម្មាធិការប្រជាជនឃុំទ្វឹងទឹកឱ្យដឹង៖ ការផ្សព្វផ្សាយ អនុវត្តកម្មវិធីតែងបានយកចិត្តទុកដាក់ចង្អុលការរបស់គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជនស្រុកនិងការឧបត្ថម្ភរបស់ផ្នែកនានាក្នុងស្រុក ការសាមគ្គីឯកភាពរបស់គណៈកម្មាធិការបក្ស រដ្ឋអំណាចភូមិភាគ ការស្របមតិរបស់ប្រជាជនក្នុងការចាត់តាំងអនុវត្ត។ តាមនោះ អនុវត្តមានប្រសិទ្ធភាពខ្លឹមសារនៃកម្មវិធីតាមផែនការដែលបានដាក់ចេញ។ ឆ្នាំ២០២៣ ឃុំបានផ្សព្វផ្សាយអនុវត្តជិតសម្រេចគម្រោង១ (ដោះស្រាយស្ថានភាពខ្វះដីនៅ ផ្ទះនៅ បង្វែររបរ ទឹកស្អាត)។
អាចឃើញច្បាស់ថា កម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច បានរួមចំណែកលើកកម្ពស់ជីវភាពសម្ភារៈនិងស្មារតីរបស់មាមីង ទិដ្ឋភាពភូមិស្រុកពីមួយថ្ងៃកាន់តែផ្លាស់ថ្មី។ ដើម្បីអនុវត្តប្រសិទ្ធភាពកម្មវិធីក្នុងពេលខាងមុខ គណៈកម្មាធិការបក្ស រដ្ឋអំណាចភូមិភាគតែងសហការផ្សព្វផ្សាយអនុវត្តដើម្បីជនរួមជាតិខ្មែរមានលក្ខណៈពង្រីកសេដ្ឋកិច្ច៕
ថាញ់វ៉ាង
Thông tin bạn đọc
Đóng Lưu thông tin