ក្នុងផ្ទះតូចប្រហែល៦៥ម២ ប្រក់ស័ង្កសី ក្រាលឥដ្ឋនិងជញ្ចាំងថ្មមានសម្លេងសើចរីករាយរបស់គ្រួសារបងត្រឹងភេន នៅឃុំ វិញគ្វើយ ទីរួមខេត្តង៉ាណាំ (សុកត្រាំង)។ បងភេនជាគ្រួសារខ្មែរក្រ គ្មានដីផលិត មុខរបរធ្វើការឈ្នួល ដូច្នេះដើម្បីសង់បានផ្ទះរឹងមាំសម្រាប់នៅមានការលំបាកណាស់។ អាស្រ័យទុនបុលអាទិភាពចំនួន៣០លានដុង ពីធនាគារគោលនយោបាយសង្គមស្រុកង៉ាណាំរួមនឹងប្រាក់ដែលគ្រួសារសន្សំបានពីធ្វើការឈ្នួលបងសង់បានផ្ទះរឹងមាំដូចសព្វថ្ងៃ។
 |
| ពីប្រភពទុនបុលធនាគារគោលនយោបាយសង្គម មានច្រើនគ្រួសារជនរួមជាតិខ្មែរ កសាងទម្រង់សេដ្ឋកិច្ចបង្កបង្កើនផលស្ថេរភាព។ |
ចំណែកគ្រួសារបងស្រី ថាច់មីង៉ឹង នៅឃុំមីធ្វឹង ស្រុកមីទូ ពីមុន លក់ដូរតូចតាចក្នុងផ្សារជនបទម្ល៉៉៉ោះហើយជីវភាពជួបការលំបាក។ ចុងឆ្នាំ២០២២ បងស្រីថាច់មីង៉ឹងបានទទួលពីប្រភពបុលទុនអាទិភាពចំនួន២០លានដុង ដើម្បីបង្វែររបរសម្រាប់ផលិត។ បងង៉ឹងបានឱ្យដឹង៖ គ្រួសារបងស្រីសម្រេចចិត្តជួលដីស្រែ៤កុងសម្រាប់ដាំឈូកយកមើម យកផ្កា យកក្រអ។ ក្រោយពីដាំបាន៣ខែ ប្រមូលផលក្រអៅឈូកពី២០-៣០គ.ក រកបានប្រាក់ចំណូលជិត៥០០ពាន់ដុង/ថ្ងៃ។
ក៏តាមបងស្រីង៉ឹង អាស្រ័យប្រភពទុនបុលអាទិភាពម្លោះហើយទើបគ្រួសារបង្វែររបរផលិត និងជីវភាពបានធូរធារជាបណ្តីរៗក្នុងប៉ុន្មានឆ្នាំនេះ សព្វថ្ងៃ គ្រួសារសន្សំប្រាក់សម្រាប់ទិញដីចំនួន២.០០០ម២ដើម្បីដាំឈូក។
បងស្រីទ្រិញប៉ិចទ្វៀង-នាយករងធនាគារគោលនយោបាយសង្គមខេត្តសុកត្រាំងបានឱ្យដឹង ប្រភពទុនបុលអាទិភាពបានអនុវត្តតាមសេចក្តីសម្រេចលេខ២៨របស់រដ្ឋាភិបាលមានអត្ថន័យមនុស្សសាស្រ្តយ៉ាងជ្រាលជ្រៅ រួមចំណែកយ៉ាងសំខាន់ក្នុងការអនុវត្តមានប្រសិទ្ធភាពបណ្តាគោលការណ៍ គោលនយោបាយ ទិសដៅភារកិច្ចដែលបក្សនិងរដ្ឋដើម្បីបន្ថយក្រចំពោះជនជាតិភាគតិច។
សរុបប្រភពទុនសម្រាប់ឱ្យបុលចាប់ពីឆ្នាំ២០២៣ដល់ចុងខែកញ្ញាកន្លងគឺជាង៣.០៣៩ពាន់លានដុងដោយមានប្រជាជនក្រនិងមុខសញ្ញាគោលនយោបាយដទៃទៀតបុលចំនួន៨០.០០០នាក់។ សរុបប្រភពទុនសម្រាប់ឱ្យបុលដល់ចុងខែកញ្ញា ឆ្នាំ២០២៤ គឺ៥.៦០៨ពាន់លានដុង ប្រមូលផ្តុំកម្មវិធីឱ្យបុលទុនសម្រាប់ផលិត ធ្វើអាជីវកម្ម បង្កការងារធ្វើ បម្រើជីវភាពសម្ភារៈ កម្មវិធីឱ្យគ្រួសារក្រ ក្បែរក្រ សិស្ស និស្សិតបុលនិងជំនួយផ្ទះនៅ។ល។
តាមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តសុកត្រាំង ទន្ទឹម៣កម្មវិធីទិសដៅជាតិរួមមាន បន្ថយក្រដោយចីរភាព កសាងជនបទថ្មីនិងអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ ប៉ុន្មានឆ្នាំកន្លង ដោយការយកចិត្តទុកដាក់ដឹកនាំចង្អុលការអនុវត្តមានប្រសិទ្ធភាពបណ្តាសារាចរ សេចក្តីសម្រេចរបស់គណៈលេខាបក្ស នាយករដ្ឋមន្រី្តនៃរដ្ឋាភិបាលស្តីពីការអនុវត្តគោលនយោបាយបុលទុនសម្រាប់គ្រួសារក្រ និងមុខសញ្ញាដទៃ ពិសេសគឺពេលមានសារាចរលេខ៤០របស់គណៈលេខាបក្ស ខេត្តបានបែងបទប្រភពកម្លាំងសម្រាប់អនុវត្តគោលនយោបាយអាទិភាពសម្រេចផែនការដាក់ចេញរាល់ឆ្នាំ ចង្អុលការបណ្តាគណៈកម្មាធិការបក្ស រដ្ឋអំណាច រណសិរ្សមាតុភូមិនិងអង្គការមហាជនក្នុងខេត្តផ្សព្វផ្សាយអនុវត្តល្អបណ្តាដំណោះស្រាយគ្រប់គ្រងទុនបុលគោលនយោបាយសង្គម ធានាគ្រួសារបុលប្រើប្រាស់ទុនចំគោលដៅ ពង្រីកប្រសិទ្ធភាពបុលទុន ប្រមូលផ្តុំដោះស្រាយបំណុលចាស់ដើម្បីលើកកម្ពស់គុណភាពបុលទុនតាមគោលនយោបាយសង្គម។
 |
| ជីវភាពជនរួមជាតិខ្មែរនៅខេត្តសុកត្រាំងមិនបង្អង់កែលម្អ។ |
សព្វថ្ងៃខេត្តសុកត្រាំង បន្ថយអត្រាគ្រួសារក្ររាល់ឆ្នាំពី២-៣% ក្នុងនោះ បន្ថយអត្រាគ្រួសារជនជាតិខ្មែរពី៣-៤%។ គិតដល់ចុងឆ្នាំ២០២៣ ខេត្តនៅប្រហែល៣០.០០០គ្រួសារក្រ និងក្បែរក្រ និងបន្តបន្ថយក្នុងឆ្នាំនេះ។ ក្រៅពីនោះ ខេត្តមាន៤អង្គភាពថ្នាក់ស្រុកសម្រេចបទដ្ឋាន/សម្រេចភារកិច្ចកសាងជនបទថ្មី មាន៧០/៨០ឃុំសម្រេចជនបទថ្មី ក្នុងនោះមាន២០ឃុំបានទទួលស្គាល់ឃុំជនបទថ្មីលើកកម្ពស់ ២ឃុំសម្រេចជនបទថ្មីគំរូ។ល។
សមមិត្តអនុលេខាប្រចាំការបក្សខេត្តហូធីកឹមដាវ សង្កត់ធ្ងន់ ប្រភពទុនបុលគោលនយោបាយសង្គមគឺជាគោលនយោបាយបានផ្សព្វផ្សាយយ៉ាងទូលំទូលាយបំផុត ឆ្លើយតបតម្រូវការបុលទុនរបស់គ្រួសារក្រនិងនាំមកនូវប្រសិទ្ធភាពជាក់ស្តែងជា “បង្គោល” យ៉ាងសំខាន់ជា “ចំណុចភ្លឺ” ក្នុងបណ្តាគោលនយោបាយបន្ថយក្រ៕
ថាច់ហុង-សុផល
Thông tin bạn đọc
Đóng Lưu thông tin