 |
| ដងផ្លូវជនបទនៅភូមិបឹងកក់ ឃុំភូមី ស្រុកមីទូ(សុកត្រាំង) ដោយមានការគប់វាល់របស់ប្រជាជន |
រយៈពេលកន្លង ជនរួមជាតិខ្មែរនៅឃុំភូមីបានពង្រីកល្អតួនាទី ចូលរួមចលនាកសាងដោយមានទង្វើជាក់ស្តែងដើម្បីឱ្យភូមិស្រុកមួយថ្ងៃកាន់តែរីកចម្រើន។ ផ្តើមពីការគប់វាល់កម្លាំងពលកម្ម ថវិកាសម្រាប់កសាងបណ្តាសំណង់គមនាគមន៍ បរិច្ចាគដីអនុវត្តបណ្តាសំណង់ គម្រោងដើម្បីផលប្រយោជន៍រួមរបស់ភូមិភាគ។ បណ្តាទង្វើជាក់ស្តែងនោះ មានអត្ថន័យយ៉ាងធំធេងនិងមានភាពសាយភាយក្នុងសហគមន៍និងសង្គម។ លោកហ្វិញគីមតៀង ជាគ្រួសារឆ្នើមក្នុងការចលនាកសាងជនបទថ្មីនៅភូមិដើមស្វាយ ឃុំភូមីឱ្យដឹង៖ ដើម្បីរួមជាមួយរដ្ឋអំណាចភូមិភាគក្នុងការកសាងជនបទថ្មី ខ្ញុំបានបរិច្ចាគដីចំនួន៣.០០០ម២សម្រាប់កសាងសាលារៀន ចលនាប្រជាជនគប់វាល់ជាង២០០លានដុង ដាក់អំពូលភ្លើងចំនួន៦៤ កសាងស្ពានជនបទចំនួន៣ដោយតម្លៃជាង១០០លានដុងនិងចូលរួមដាំផ្កាតាមដងផ្លូវជនបទ។ល។ ក្រៅពីគំរូរបស់លោកហ្វិញគីមតៀង នៅមានគំរូជាច្រើន ទៀតនៅលើភូមិដ្ឋានឃុំភូមីបានស្ម័គ្រចិត្តបរិច្ចាគដីគប់វាល់ថវិកាកសាងហេដ្ឋារចនាសម្ព័ន្ធជនបទ។ និយាយដល់ការកសាងជនបទថ្មីនៅឃុំភូមី គឺត្រូវរំលឹកដល់បងលីថាញ់ក៏ជាគ្រួសារគំរូឆ្នើមបានជនរួមជាតិខ្មែរស្ងើចសរសើរនិងរៀនសូត្រតាម។ សំណេះសំណាលជាមួយយើងខ្ញុំ បងថាញ់ចែករំលែក៖ ចូលរួមកសាងជនបទថ្មី ខ្ញុំផ្សព្វផ្សាយចលនាប្រជាជនគប់វាល់ថវិកាបានជាង៣០០លានដុងដាក់បង្គោលភ្លើងអុជបំភ្លឺដងផ្លូវជនបទបានចំនួន១០៦ដើម ដាំផ្កាតាមដងផ្លូវជនបទដោយមានប្រវែង១.៥០០មនិងដាក់កាមេរ៉ាសុវត្ថិភាពចំនួន៣២។ ចំណែកលោកថាច់សែន នៅភូមិដៃដូនអ៊ុយបានបរិច្ចាគដីធ្វើផ្លូវជនបទដោយមានប្រវែង៣.០០០មនិងទទឹង៣ម។ លោកថាច់សែនឱ្យដឹង៖ ពេលបានរដ្ឋអំណាចចលនាខ្ញុំនិងគ្រួសារបានសម្រេចចិត្តបរិច្ចាគដីមួយចំណែកដើម្បីធ្វើផ្លូវជនបទសម្រាប់មាមីងធ្វើដំណើរទៅមកបានងាយស្រួល។ សមមិត្តថាច់ខេមរា-អនុលេខាប្រចាំការបក្សឃុំភូមីឱ្យដឹង៖ ទង្វើរបស់លោកហ្វិញគីមតៀង លីថាញ់និងថាច់សែន រយៈពេលកន្លង បានរួមចំណែកយ៉ាងសំខាន់ជាមួយគណៈកម្មាធិការបក្ស រដ្ឋអំណាចភូមិភាគក្នុងចលនាកសាងជនបទថ្មី។
ទិដ្ឋភាពភូមិស្រុកមិនបង្អង់អភិវឌ្ឍ ហេដ្ឋារចនាសម្ព័ន្ធមូលដ្ឋាន ផ្លូវ សាលារៀន ដំណាក់សុខាភិបាលតែងបានវិនិយោគកសាងរឹងមាំ ជីវភាពរបស់ប្រជាជនបានកែលម្អ។ នេះជាសក្ខីភាពនៃគោលការណ៍ដ៏ត្រឹមត្រូវ បណ្តាទង្វើដ៏សមស្របមានប្រសិទ្ធភាពរបស់រដ្ឋអំណាច ភូមិភាគនិងការចូលរួមកម្លាំង ការស្របមតិរបស់ជនរួមជាតិខ្មែរនៅទីនេះ។ បណ្តាលទ្ធផលដែលសម្រេចបាននោះគឺជាបុព្វហេតុដើម្បីភូមិភាគឆាប់សម្រេចបានទិសដៅក្នុងការកសាងជនបទថ្មី៕
ថាញ់វ៉ាង
Thông tin bạn đọc
Đóng Lưu thông tin