 |
| សមមិត្តទោមិញដេ (ខាងឆ្វេង) ទស្សនាទម្រង់ផលិតរបស់សមាជិក |
បច្ចុប្បន្ន បក្ខភាគឃុំទ្វឹងទឹកមាន១១សាខាបក្ស ដោយមានបក្ខជនចំនួន២៥២រូប ក្នុងនោះ បក្ខជនជាជនជាតិខ្មែរគឺ១២៥រូប។ កន្លងហើយ បក្ខជនជាជនជាតិខ្មែរតែងពង្រីកនាទីក្នុងការងារកសាងបក្សនៅតាមសាខាបក្សនិងបក្ខភាគមូលដ្ឋាន ជាកម្លាំងស្នូលក្នុងការងារផ្សព្វផ្សាយចលនាជនរួមជាតិអនុវត្តល្អតាមគោលការណ៍ គោលនយោបាយរបស់បក្ស និងក្រឹត្យច្បាប់របស់រដ្ឋ។ គំរូដូចសមមិត្តទោមិញដេ-ប្រធានសមាគមកសិករឃុំទ្វឹងទឹក ជាមួយនាទីជាកម្មាភិបាល បក្ខជន ក្រៅពីសកម្មធ្វើសេនាធិការឱ្យគណៈកម្មាធិការបក្សនិងរដ្ឋអំណាចនៅភូមិភាគក្នុងការផ្សព្វផ្សាយចលនាសមាជិកកសិករក្នុងការអនុវត្តគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋ អនុវត្តវិទ្យាសាស្រ្តបច្ចេកទេសចូលក្នុងការផលិត សមមិត្តនៅទាំងសហការជាមួយគណៈប្រតិបត្តិការសមាគមកសាងទម្រង់ផលិតផ្សារភ្ជាប់ការចលនាកសិករប្រឡងប្រណាំងផលិតនិងធ្វើអាជីវកម្មពូកែ សាមគ្គីជួយគ្នាធ្វើមាននិងបន្ថយក្រដោយចីរភាព។ សមមិត្តទោមិញដេបានឱ្យដឹង៖ រាល់ឆ្នាំខ្ញុំតែងធ្វើសេនាធិការឱ្យគណៈកម្មាធិការបក្សពង្រឹងសកម្មភាពរបស់ក្រុមសហករណ៍ ចលនាកសិករចូលរួមបង្កើតក្រុមសហការណែនាំឱ្យសមាជិកកសិករបង្កើតក្រុមរបរដូច ក្រុមចិញ្ចឹមអន្ទង់ ចិញ្ចឹមត្រី បង្វែរផ្ទៃដីពីធ្វើស្រែមិនសូវបានផលមកដាំក្រូចឆ្មារ ជំនួយទុន ជំនួយពូជដាំណាំ សត្វចិញ្ចឹម។ តាមនោះ ជួយឱ្យសមាជិកជាច្រើនបង្កើនប្រាក់ចំណូលកែលម្អជីវភាព។
ក៏ជាបក្ខជនអស់ពីចិត្ត តែងលើកកម្ពស់ស្មារតី ភារៈក្នុងការងារ សមមិត្តលីធីលៀងហឿង-លេខាសាខាបក្សភូមិទ្រុងថាញ់ ឃុំទ្វឹងទឹក តែងសកម្មធ្វើសេនាធិការឱ្យគណៈកម្មាធិការបក្ស គណៈកម្មាធិការប្រជាជនឃុំប្រមូលផ្តុំរាល់ប្រភពកម្លាំង បង្វែររចនាសម្ព័ន្ធសេដ្ឋកិច្ច កសិកម្ម គួបផ្សំមានប្រសិទ្ធភាពបណ្តាកម្មវិធី គម្រោងចំណុះកម្មវិធីទិសដៅជាតិ។ សមមិត្តលៀងហឿងបានឱ្យដឹង៖ ជាមួយនាទីជាលេខាសាខាបក្សភូមិ ខ្ញុំមានការព្រួយបារម្ភពីព្រោះឃើញជីវភាពនិងការយល់ដឹងរបស់មាមីងនៅអន់ខ្សោយអាស្រ័យហេតុនោះ ខ្ញុំត្រូវធ្វើជាគំរូក្នុងការអភិវឌ្ឍសេដ្ឋកិច្ច អនុវត្តវិទ្យាសាស្រ្តបច្ចេកទេសក្នុងការផលិតនាំមកនូវប្រសិទ្ធភាព ទន្ទឹមនោះ យើងធ្វើជាគំរូមុន គឺការងារផ្សព្វផ្សាយចលនាទើបសម្រេចបានប្រសិទ្ធភាព។ ផ្តើមពីអត្ថន័យនិងទង្វើជាក់ស្តែងនោះ ម៉្លោះហើយ ប៉ុន្មានឆ្នាំជិតៗនេះ ការយល់ដឹងរបស់មាមីងមានការវិវត្តន៍ ខិតខំធ្វើការបង្កបង្កើនផល ឈានឡើងលំនឹងក្នុងជីវភាព។ ទន្ទឹមនឹងនោះ សមមិត្តហឿងនៅទាំងចូលរួមការងារសម្រុះសម្រួលស្តាប់មតិរបស់មាមីងដើម្បីធ្វើសេនាធិការ ស្នើគណៈកម្មាធិការ បក្ស រដ្ឋអំណាចដោះស្រាយការលំបាក រួមចំណែកបង្កភាពស្របមតិក្នុងសង្គម ពង្រឹងក្តីទំនុកចិត្តរបស់មាមីងចំពោះបក្សនិងរដ្ឋ។
សមមិត្តថាច់តឹម-អនុលេខាប្រចាំការបក្សឃុំទ្វឹងទឹកឱ្យដឹង៖ ដោយការអស់ពីចិត្ត ភារៈរបស់ខ្លួន បក្ខជនជាជនជាតិខ្មែរបានអះអាងនិងពង្រីកល្អនាទីស្នួលជួយឱ្យបក្សនិងរដ្ឋអំណាចភូមិភាគផ្សព្វផ្សាយមានប្រសិទ្ធភាពបណ្តាគោលការណ៍ គោលនយោបាយ ពិសេស គឺបណ្តាគោលនយោបាយទាក់ទិនដល់ការអភិវឌ្ឍសេដ្ឋកិច្ច-សង្គមនៅតំបន់ជនរួមជាតិ។ បណ្តាបក្ខជនទាំងនេះជាស្ពានតភ្ជាប់ដ៏រឹងមាំដើម្បីជំរុញការអភិវឌ្ឍសេដ្ឋកិច្ច កសាងជីវភាពវប្បធម៌ រួមចំណែករក្សាសន្តិសុខនយោបាយ សណ្តាប់ធ្នាប់សុវត្ថិភាពសង្គមនៅភូមិភាគ៕
ថាញ់វ៉ាង
Thông tin bạn đọc
Đóng Lưu thông tin