 |
| សាខាបក្សភូមិទឹកប្រៃកណ្តាល ធ្វើស្មៅនិងថែទាំផ្កាតាមដងផ្លូវ |
ភូមិទឹកប្រៃកណ្តាលសព្វថ្ងៃមាន៥២៤គ្រួសារ ក្នុងនោះជនរួមជាតិខ្មែរមានជិត៩០% ជីវភាពរបស់ប្រជាជនពឹងលើរបរកសិកម្ម ដូច្នេះ ជីវភាពនៅជួបការលំបាកច្រើន។ ពេលទទួលនាទីជាលេខាសាខាបក្សភូមិ ទូទាំងភូមិមានគ្រួសារក្រចំនួន៥០គ្រួ និងគ្រួសារក្បែរក្រចំនួន៤៥គ្រួ។ រំពឹងគិតធ្វើយ៉ាងណាដើម្បីប្រជាជនមានលក្ខណៈពង្រីកសេដ្ឋកិច្ចឈានឡើងចាកផុតក្រ បងទុងតែងសួរសុខទុក្ខ ចលនានិងក្តាប់មតិយោបល់របស់ប្រជាជន។
តាមនោះ រួមជាមួយថ្នាក់ដឹកនាំភូមិភាគដាក់ចេញដំណោះស្រាយជាក់ស្តែង បង្កលក្ខណៈដើម្បីមាមីងបានទទួលពីប្រភពទុនបុល ចលនាប្រជាជនចូលរួមបណ្តាថ្នាក់បណ្តុះបណ្តាលរបរ សហការបង្វែរវិទ្យាសាស្រ្តបច្ចេកទេសពីការចិញ្ចឹមសត្វ ដាំដុះនិងកសាងទម្រង់មានប្រសិទ្ធភាពដូច ចិញ្ចឹមមាន់ក្នុងទ្រុង ចិញ្ចឹមគោ ចិញ្ចឹមជ្រូក ដាំបន្លែ។ល។ ភូមិភាគយកចិត្តទុកដាក់គិតអានសង់ផ្ទះជូនគ្រួសារក្រ គ្រួសារក្បែរក្រ គ្រួសារគោលនយោបាយ ជួយឱ្យពួកគាត់លំនឹងជីវភាព។ លោកហ្វិញខេន នៅភូមិទឹកប្រៃកណ្តាល ឃុំឡុងភូបានឱ្យដឹង៖ បងទុងតែងយកចិត្តទុកដាក់ដល់ប្រជាជនក្នុងភូមិ នរណាជួបការលំបាកបងតែងជួយភ្លាម។ ខ្ញុំក៏បានបងទុងស្នើថ្នាក់លើជំនួយសង់ផ្ទះមួយខ្នង តម្លៃ៥០លានដុង ដូច្នេះ ខ្ញុំមានក្តីរីករាយណាស់ មានផ្ទះថ្មីគ្រួសារនឹងខិតខំធ្វើការ បង្កបង្កើនផល។ ជាអ្នកអស់ពីចិត្ត រហ័សរហួន នឹងការងារ ក្នុងពេលចូលរួមបំពេញការងារ បងទុងបានជ្រួតជ្រាបបណ្តាសារាចរ សេចក្តីសម្រេចរបស់បក្ស គំរូចលនាកម្មាភិបាល ប្រជាជនអនុវត្តការចលនាប្រឡងប្រណាំងដែលថ្នាក់លើបំផុសចលនា។ ដើម្បីលើកកម្ពស់សមត្ថភាពដឹកនាំ ចង្អុលការសាខាបក្សភូមិទឹកប្រៃកណ្តាលអនុវត្តល្អធ្វើជាគំរូ ពង្រីកនាទីឈានមុខ គំរូរបស់បក្ខជន តាមនោះ ពង្រឹងក្តីទំនុកចិត្តចំពោះប្រជាជន កសាងវប្បធម៌ សីលធម៌ក្នុងបក្ស។ ដើម្បីព្រួតដៃក្នុងការកសាងជនបទថ្មី បំផុតគឺបង្កលក្ខណៈសម្រាប់មាមីងធ្វើដំណើរទៅមក ដឹកជញ្ជូនកសិផល កុមារទៅរៀនបានងាយស្រួល ពិសេស គឺការគប់វាល់កម្លាំងដើម្បីឃុំឡុងភូឆាប់សម្រេចឃុំជនបទថ្មី សាខាបក្សចលនាបក្ខជននិងមាមីងបរិច្ចាគដី គប់វាល់កម្លាំងពលកម្មសម្រាប់កសាងដងផ្លូវ។ ក្រោយពីបានដាក់ឱ្យប្រើ ប្រាស់ដងផ្លូវនេះ សាខាបក្សភូមិនៅទាំងចុះកិច្ចសន្យាជាមួយគណៈកម្មាធិការបក្សឃុំឡុងភូកសាង “ដងផ្លូវផ្កាគំរូ” សមូហភាពសាខាបក្សនិងមាមីងបានដាំផ្កានិងថែទាំផ្កាតាមដងផ្លូវ ចលនាគប់វាល់កសាងបង្គោលនិងអំពូលភ្លើងអគ្គិសនីបាន៩២ដើមនិងខ្លោងទ្វាររបស់ភូមិដោយតម្លៃជាង១០០លានដុង។ ដងផ្លូវផ្កានេះមិនត្រឹមតែជាការលម្អនៅទាំងបង្កភាពសាយភាយសម្រាប់ភូមិដទៃយកតម្រាប់តាម។ មីងហ្វិញធីសៀម ប្រជាជននៅភូមិទឹកប្រៃកណ្តាល ឃុំឡុងភូ បានឱ្យដឹង៖ រាល់ថ្ងៃ ទោះបីភ្លៀងឬក្តៅខ្ញុំតែងមកមើលនិងថែទាំផ្កា។ ប្រសិនបើមានឱកាសមកតំបន់ជនបទនេះនឹងឃើញវាលស្រែចម្រុះ នឹងផ្កាតាមដងផ្លូវរាបរលូននេះ។ មិនត្រឹមតែខ្ញុំ មាមីងនៅទីនេះក៏មានក្តីរីករាយនិងមានអត្ថន័យពេលបានគប់វាល់កម្លាំងរបស់ខ្លួនដើម្បី្ផផ្លាស់ថ្មីទិដ្ឋភាពភូមិស្រុក។
សមមិត្តង្វៀងវ៉ាំងធ្វឹង-លេខាបក្សឃុំឡុងភូបានឱ្យដឹង៖ ពីមុន ទឹកប្រៃកណ្តាលជាភូមិក្ររបស់ឃុំ សេដ្ឋកិច្ចរបស់ប្រជាជននៅជួបការលំបាក។ ក្រោមការដឹកនាំរបស់គណៈកម្មាធិការបក្ស រដ្ឋអំណាចឃុំ ការស្របមតិរបស់ប្រជាជន បំផុតគឺការច្នៃប្រឌិត សាមគ្គីរបស់សាខាបក្ស គណៈប្រជាជនភូមិក៏ដូចអង្គការមហាជន ក្នុងនោះ មានការគប់វាល់យ៉ាងច្រើនរបស់លេខាសាខាបក្សភូមិ បងស៊ើងទុងមានការផ្លាស់ថ្មី អភិវឌ្ឍន៍ច្រើន ជីវភាពរបស់ប្រជាជនតែងបានលំនឹងនិងជាជំហានលើកកម្ពស់សន្តិសុខសណ្តាប់ធ្នាប់តែងបានធានា។
“ពលរដ្ឋល្អមួយរូប បក្ខជនគំរូមួយរូប លេខាសាខាបក្សអស់ពីចិត្តគិតអានប្រជាជន” នោះជាការស្ងើចសរសើររបស់ប្រជាជននៅភូមិទឹកប្រៃកណ្តាលនិយាយពីបងស៊ើងទុងគំរូភ្លឺសម្រាប់អ្នកដទៃរៀនសូត្រនិងយកតម្រាប់តាម៕
ចន្ថា-សុផល
Thông tin bạn đọc
Đóng Lưu thông tin