ព្រឹកថ្ងៃទី៦ ខែវិច្ឆិកា នៅឃុំហ៊ឹង ភូស្រុកមីទូ(សុកត្រាំង) គណៈការងាររណសិរ្សភូមិភឿងប៊ិញ២ បានចាត់តាំងថ្ងៃបុណ្យមហាសាមគ្គីទូទាំងជនជាតិនិងថ្ងៃបុណ្យវប្បធម៌កងទ័ពប្រជាជន ដោយប្រធានបទគុណសម្បត្តិកងទ័ពអំហូភ្លឺជានិច្ច ពង្រឹងការងារសុខុមាលភាពសង្គម យកចិត្តទុកដាក់គិតអានគ្រួសារគោលនយោបាយ។ អញ្ជើញចូលរួមមានបណ្តាស.ម:ងោហុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្ត ង្វៀងវ៉ាំងថុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការត្រួតពិនិត្យបក្សខេត្ត ថ្នាក់ដឹកនាំមន្ទីរ គណៈផ្នែក អង្គការមហាជនខេត្ត ថ្នាក់ដឹកនាំស្រុកមីទូ ឃុំហ៊ឹងភូនិងប្រជាជនភូមិភឿងប៊ិញ២។
នៅថ្ងៃបុណ្យ តំណាងទាំងឡាយរីករាយទស្សនាសិល្បៈពិសេសដែលសម្តែងដោយក្រុមសិល្បៈអគ្គមេបញ្ជាការយោធាខេត្ត។ បន្ទាប់មក គណៈការងាររណសិរ្សភូមិភឿងប៊ិញ២ បានរំលឹកឡើងវិញនូវប្រពៃណីរណសិរ្សមាតុភូមិវៀតណាម បូកសរុបកិច្ចចលនាទូទាំងប្រជាជនកសាងជនបទថ្មី ទីក្រុងអរិយធម៌ឆ្នាំ២០២៤។ អនុវត្តចលនានេះ គណៈការងាររណសិរ្សភូមិបានសហការឃោសនា ផ្សព្វផ្សាយគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ បណ្តាការកំណត់របស់ភូមិភាគចំនួន១៥លើក មានប្រជាជនចូលរួមចំនួន៥៧២នាក់។ កៀរគរ២៧៣គ្រួសារឱ្យចុះឈ្មោះអនុវត្តលក្ខឋានគ្រួសារវប្បធម៌ លទ្ធផលមាន២៦២គ្រួសារសម្រេចកិត្តិនាមជាគ្រួសារវប្បធម៌ ១៨៥គ្រួសារសម្រេចកិត្តិនាមជាគ្រួសារវប្បធម៌ជនបទថ្មី។ ទន្ទឹមនឹងនោះ ចលនាសង់ស្ពានជនបទចំនួន២ឧបត្ថម្ភអំណោយ១៥០ចំណែក ពិនិត្យ ព្យាបាលជំងឺ ជូនថ្នាំដោយឥតគិតថ្លៃដល់ប្រជាជន១២៥នាក់ សង់ផ្ទះ៥ខ្នងដល់គ្រួសារក្បែរក្រ គ្រួសារដែលជួបការលំបាកអំពីផ្ទះនៅ។
 |
| ស.ម: ងោហុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង ជូនអំណោយដល់គ្រួសារក្រគ្រួសារក្បែរក្រនៅភូមិភាគ។ |
ថ្លែងប្រសាសន៍នៅថ្ងៃបុណ្យ ស.មង្វៀងវ៉ាំងថុង បានកត់សំគាល់ ស្ងើចសរសើរចំពោះស្នាដៃរបស់សហគមន៍តំបន់អាសយជនភឿងប៊ិញ២ ក្នុងការអនុវត្តចលនាប្រឡងប្រណាំងស្នេហាជាតិនាពេលកន្លង។ ស.មសង្ឃឹមថា សហគមន៍តំបន់អាសយជនភូមិភឿងប៊ិញ២ ត្រូវបន្តលើកកម្ពស់ស្មារតីសាមគ្គី ជួយគ្នាទៅវិញទៅមក ចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិនៅភូមិភាគ។
ក្នុងឱកាសនេះ គណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្តសុកត្រាំង ជូនអំណោយ១ចំណែកដល់តំបន់អាសយជនភូមិភឿងប៊ិញ២ អំណោយ១០ចំណែកដល់គ្រួសារគោលនយោបាយ អំណោយ៤០ចំណែកដល់គ្រួសារក្រ គ្រួសារក្បែរក្រ អំណោយ១៥ចំណែក អាហារូបករណ៍ដល់ប្អូនៗសិស្សានុសិស្សនៅភូមិភាគ។ គណៈកម្មាធិការបក្សស្រុក ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមស្រុកមីទូ ជូនអំណោយ១ចំណែកដល់តំបន់អាសយជនភូមិភឿងប៊ិញ២ ផ្ទះមហាសាមគ្គីចំនួន២ខ្នង អំណោយ៤ចំណែកដល់គ្រួសារក្រគ្រួសារក្បែរក្រ៕
តឹងផាក-លីហាន់
Thông tin bạn đọc
Đóng Lưu thông tin