ភាពផ្លាស់ថ្មីនៅតំបន់ជនរួមជាតិខ្មែរ

ប៉ុន្មានឆ្នាំកន្លង គណៈកម្មាធិការបក្ស រដ្ឋអំណាចគ្រប់ថ្នាក់និងអង្គការមហាជនក្នុងខេត្តបានកៀរគរប្រភពកម្លាំង ប្រមូលផ្តុំកម្មវិធី គម្រោងជាច្រើនអនុវត្តប្រសិទ្ធភាពនូវគោលនយោបាយជនជាតិរបស់បក្សនិងរដ្ឋ។ បានទទួលផលពីកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិច ដំណាក់កាល២០២១-២០៣០ ទិដ្ឋភាពជនបទដែលមានជនរួមជាតិខ្មែររស់នៅច្រើនកាន់តែបានប្រែថ្មី ជីវភាពសម្ភារៈ ស្មារតីរបស់ប្រជាជនបានលើកកម្ពស់។

ដងផ្លូវជនបទ នៅតំបន់ដែលមានជនរួមជាតិខ្មែររស់នៅច្រើនបានវិនិយោគរឹងមាំ

សុកត្រាំងជាខេត្តដែលមានជនរួមជាតិខ្មែរច្រើន ស្រូបអត្រា៣០,១៨% ប្រជាជនភាគច្រើនរស់នៅប្រមូលផ្តុំនៅតំបន់ជនបទ។ ប៉ុន្មានឆ្នាំជិតៗនេះ ដោយយកចិត្តទុកដាក់គិតអានដល់ជនជាតិភាគតិចរបស់បក្សនិងរដ្ឋ ជនរួមជាតិខ្មែរសុកត្រាំងបានអាទិភាពក្នុងការទទួលបានគោលនយោបាយឧបត្ថម្ភអភិវឌ្ឍជាច្រើន ដើម្បីចាកផុតពីភាពក្រ បញ្ចូលផ្សំកម្មវិធី គម្រោងអភិវឌ្ឍសេដ្ឋកិច្ច-សង្គម គួបផ្សំជាមួយនឹងការជំរុញឧបត្ថម្ភទុន ដើម្បីមាមីងមានប្រភពកម្លាំងវិនិយោគអនុវត្តជឿនលឿនវិទ្យាសាស្ត្រ បច្ចេកទេសក្នុងផលិត។ ការគិតអានសុខុមាលភាពសង្គម មួយជំហានម្តងៗ ផ្លាស់ថ្មីទម្លាប់អនុវត្តកសិកម្មអន់ថយ រួមចំណែកយ៉ាងសកម្មដល់ការបំបាត់អត់បន្ថយក្រ លើកកម្ពស់ជីវភាព សម្ភារៈនិងស្មារតីរបស់ជនរួមជាតិ។ ហេតុដូច្នេះ ជីវភាពជនរួមជាតិខ្មែរសុកត្រាំងបានអភិវឌ្ឍន៍ឥតឈប់ឈរ សេដ្ឋកិច្ចគ្រួសារឈានឡើងរៀងរាល់ថ្ងៃ ទិដ្ឋភាពជនបទតំបន់ជនរួមជាតិខ្មែរកំពុងបានផ្លាស់ថ្មីយ៉ាងឆាប់រហ័ស។ តាមលោកឡឹមហ្វាងមូវ -ប្រធានគណៈជនជាតិខេត្តឱ្យដឹង៖ ប៉ុន្មាឆ្នាំកន្លង ខេត្តតែងយកចិត្តទុកដាក់អាទិភាពគិតអានទាំងសម្ភារៈស្មារតីឱ្យជនជាតិភាគតិចនិយាយរួម ជនរួមជាតិខ្មែរនិយាយដោយឡែក។ ទន្ទឹមនឹងនោះ ខេត្តបានផ្សព្វផ្សាយគោលនយោបាយជាច្រើនដើម្បីឧបត្ថម្ភជនជាតិភាគតិច បង្កលក្ខណៈងាយស្រួលសម្រាប់ជនរួមជាតិអភិវឌ្ឍសេដ្ឋកិច្ចគ្រួសារ ឈានឡើងលំនឹងជីវភាព។ ក្រៅពីនេះ ប្រមូលផ្តុំអាទិភាពអនុវត្តនូវគោលនយោបាយ គម្រោងកម្មវិធី។ ដោយឡែកកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចដំណាក់កាល២០២១-២០៣០ សរុបថវិកា២.១៣០ពាន់៧៨១លានដុង ក្នុងនោះ ឆ្នាំ២០២២-២០២៣ បានបែងចែកជាង៦៥៦ពាន់លាន ដុង បានអនុវត្តកសាង១១៣សំណង់ និងជួសជុល ថែទាំហេដ្ឋារចនាសម្ព័ន្ធចំនួន៥០ នៅតំបន់ដែលមានជនជាតិភាគតិចរស់នៅច្រើន ឧបត្ថម្ភការអភិវឌ្ឍផលិត ដោះស្រាយការធ្វើឱ្យជនជាតិភាគតិច... ឆ្លងតាមនោះ ស្ថានភាពសេដ្ឋកិច្ច-សង្គមតំបន់ជនជាតិភាគតិចមានការប្រែថ្មីយ៉ាងសកម្ម ជីវភាពសម្ភារៈ ស្មារតីបានលើកកម្ពស់ ទិដ្ឋភាពជនបទកាន់តែរីកចម្រើន។

ក្រៅពីការយកចិត្តទុកដាក់ដឹកនាំចង្អុលការផ្សព្វផ្សាយអនុវត្តកម្មវិធីទិសដៅជាតិនិងគោលនយោបាយដទៃផ្សេងនៅតំបន់ជនជាតិភាគតិច គណៈជនជាតិខេត្តក៏បានជំនួយការជូនគណៈកម្មាធិការបក្សខេត្ត គណៈកម្មាធិការប្រជាជនខេត្តធ្វើល្អការងារគិតអានអភិវឌ្ឍបុព្វហេតុអប់រំ អភិរក្សនិងពង្រីកអត្តសញ្ញាណវប្បធម៌ជនជាតិ ណែនាំជនរួមជាតិអនុវត្តល្អតាមការកំណត់របស់ច្បាប់ ធានាសន្តិសុខសណ្តាប់ធ្នាប់ អនាម័យបរិស្ថាននិងអនុវត្តផ្នត់រស់នៅវប្បធម៌ ធ្វើសេនាធិការអំពីការចាត់តាំងពិធីជួបជុំអំណរបុណ្យចូលឆ្នាំថ្មី បុណ្យសែនដូនតានិងពិធីបុណ្យធំៗរបស់ជនរួមជាតិខ្មែររៀងរាល់ឆ្នាំ។ ព្រះតេជគុណលីឌឹក-សមាជិកតំណាងរដ្ឋសភានីតិកាលទី១៥ខេត្តសុកត្រាំង សមាជិកប្រចាំការក្រុមប្រឹក្សាអភិបាលមជ្ឈិមសមាគមពុទ្ធសាសនាវៀតណាម អនុប្រធានគណៈអភិបាលសមាគមពុទ្ធសាសនាវៀតណាមខេត្ត អនុប្រធានសមាគមព្រះសង្ឃសាមគ្គីស្នេហាជាតិខេត្ត ព្រះចៅ អធិការវត្តសំរោង (សង្កាត់៥) ទីក្រុងសុកត្រាំងមានសង្ឃដីកា៖បច្ចុប្បន្នបក្សនិងរដ្ឋបានយកចិត្តទុកដាក់ដល់ជីវភាពជនរួមជាតិខ្មែរពិសេសគិតអានឱ្យមាមីងអភិវឌ្ឍសេដ្ឋកិច្ចដូចជា ឧបត្ថម្ភទុនវិនិយោគអភិវឌ្ឍផលិត ផ្លាស់ប្តូរវិជ្ជាជីវៈ ចិញ្ចឹមសត្វ ឧបត្ថម្ភផ្ទះនៅ ដីនៅ ដីផលិត អាទិភាពផ្តោតសំខាន់លើប្រភពកម្លាំង ដើម្បីឧបត្ថម្ភវិនិយោគអភិវឌ្ឍគ្រប់វិស័យនូវសំណង់ហេដ្ឋារចនាសម្ព័ន្ធនៅតំបន់ជនជាតិភាគតិច... តាំងពីនោះ រួមចំណែកធ្វើឱ្យទិដ្ឋភាពតំបន់ជនរួមជាតិមិនបង្អង់អភិវឌ្ឍន៍។

ជាមួយគោលនយោបាយកចិត្តទុកដាក់វិនិយោគរបស់បក្សនិងរដ្ឋ ជីវភាពរបស់មាមីងប្រែថ្មីរៀងរាល់ថ្ងៃ ច្រើនគ្រួសារដឹងពីរបៀបអនុវត្តល្អវិទ្យាសាស្ត្របច្ចេកទេសក្នុងផលិត អភិវឌ្ឍសេដ្ឋកិច្ចគ្រួសារ គិតគូរធ្វើការរកស៊ីប្រសិទ្ធភាព ចំណេះវិជ្ជាបានលើកកម្ពស់។ មានគោលនយោបាយល្អ ជនរួមជាតិតែងរីករាយ ជឿជាក់លើការដឹកនាំរបស់បក្ស ការគ្រប់គ្រងរបស់រដ្ឋនិងមានស្មារតីជាមួយសហគមន៍ រួមកម្លាំងកសាងជនបទថ្មី កសាងមាតុភូមិសុកត្រាំងមួយថ្ងៃកាន់តែរីកចម្រើន៕

ដាលីន

ភាពផ្លាស់ថ្មីនៅតំបន់ជនរួមជាតិខ្មែរ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ភាពផ្លាស់ថ្មីនៅតំបន់ជនរួមជាតិខ្មែរ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង