 |
| ទិដ្ឋភាពតាមភូមិស្រុកដែលកសាងជនបទថ្មីនៅស្រុកចូវថាញ់ (សុកត្រាំង) |
ប៉ុន្មានឆ្នាំ្នកន្លង ចូវថាញ់បានប្រមូលផ្តុំវិនិយោគប្រព័ន្ធគមនាគមន៍ជនបទព្រមៗគ្នា បម្រើការអភិវឌ្ឍសេដ្ឋកិច្ច-សង្គមនៅតំបន់ជនបទ។ គិតមកដល់សព្វថ្ងៃ នៅលើភូមិដ្ឋានស្រុកមានដងផ្លូវចូលដល់មជ្ឈមណ្ឌលបានចាកបេតុងសម្រេច១០០% និងមានដងផ្លូវតាមភូមិបានចាក់បេតុងរាបរលូនទាំង១០០% ធានាធ្វើដំណើរទៅមកបានជុំឆ្នាំ។ ដល់ចុងឆ្នាំ២០២៣ ឃុំនានាមានប្រព័ន្ធធារាសាស្រ្តស្តារប្រឡាយ ផ្គត់ផ្គង់ទឹកសាបសម្រាប់បម្រើ ការផលិតកសិកម្មក៏ដូចជាការចិញ្ចឹមជលផល ដាំដុះ។ បងទ្រឿងភូវិញ ឃុំអាងហ៊ីប ស្រុកចូវ ថាញ់ឱ្យដឹង៖ ចាប់ពីមានប្រឡាយធារាសាស្រ្ត មាមីងមិនខ្លាចខ្វះទឹកស្រោចស្រពមានឱកាសដើម្បីថែទាំការដាំដុះ ម្ល៉ោះហើយទិន្នផលខ្ពស់ សម្រេច៦៣,៨ថាំង/ហិកតា។ អាស្រ័យហេតុនោះ សេដ្ឋកិច្ចគ្រួសារពីមួយថ្ងៃកាន់តែមានភាពធូរធារ។ ប្រព័ន្ធមូលដ្ឋានសម្ភារៈវប្បធម៌ កីឡានៅលើភូមិដ្ឋានស្រុកពីមួយថ្ងៃកាន់តែសុក្រឹត មានភាពរីកចម្រើនទាំងបរិមាណ។ ហេដ្ឋារចនាសម្ព័ន្ធពាណិជ្ជកម្មជនបទមានការអភិវឌ្ឍដោយមានផ្សារចំនួន៥បម្រើការលក់ដូរទំនិញ។ អត្រាប្រជាជនប្រើប្រាស់ទឹកស្អាតសម្រេចជាង៨០% និងប្រើប្រាស់ទឹកស្របអនាម័យសម្រេច១០០%។ ព្រមជាមួយនោះស្រុកនៅទាំងវិនិយោគការជួសជុលមូលដ្ឋានសម្ភារៈសាលារៀនទើបសាលាសម្រេចបទដ្ឋានជាតិ៩៧%។
លោកហាយៀង នៅឃុំភូតឹម ស្រុកចូវថាញ់បានឱ្យដឹង៖ ចាប់ពីមានកម្មវិធីកសាងជនបទថ្មី ប្រជាជនយើងខ្ញុំធ្វើការបង្កបង្កើនផលមានភាពធូរធារ ជីវភាពពីមួយថ្ងៃកាន់តែលើកកម្ពស់។ ផ្ទះទ្រុឌទ្រោមពីមុន បានជំនួសដោយផ្ទះថ្ម ចំណែកគ្រួសារក្របានរដ្ឋសង់ផ្ទះមហាសាមគ្គីជូនយ៉ាងសមរម្យ។ បណ្តាទម្រង់ផលិតថ្មី សេដ្ឋកិច្ចសហការមួយថ្ងៃកាន់តែច្រើនជួយមាមីងមានលក្ខណៈជួយគ្នាទៅវិញទៅមក ទន្ទឹមនោះ ជួយបន្ថយក្នុងការផលិត លើកកម្ពស់ទិន្នផលកែលម្អគុណភាពផលិតផល អនុវត្តរចនាសម្ព័ន្ធ កសិកម្មតាមទិសតម្លៃទីផ្សារនិងអភិវឌ្ឍដោយចីរភាព។ ប៉ុន្មានឆ្នាំកន្លង ស្រុកបានម្ចាស់ការផ្សព្វផ្សាយផែនការជម្រុញកសិករបង្វែររចនាសម្ព័ន្ធតាមរដូវកាលកសាង បង្ហាញបណ្តាទម្រង់ជឿនលឿនពីកម្មវិធីអភិវឌ្ឍ អនុវត្តវិទ្យាសាស្រ្តបច្ចេកវិជ្ជាដូច ទម្រង់ត្រសក់ស្រូវក្នុងរោងសំណាញ់ ដាំឈូកយកមើម ដាំដំណាំក្នុងវាលស្រែ។ល។ មកដល់សព្វថ្ងៃ បង្កើតបានក្រុមសហករណ៍ចំនួន១៦ក្រុមកំពុងសកម្មភាពលើវិស័យកសិកម្មដោយមានសមាជិកចំនួន១.២០០រូប។ ផ្សព្វផ្សាយកសាងវាលស្រែឈ្លាសវៃនៅសហករណ៍ភឿកអាងដោយមានផ្ទៃដីចំនួន៦០ហិកតា បានអនុវត្តដោយយន្តកម្មព្រមៗគ្នា ស្រុកកំពុងអភិវឌ្ឍភូមិរបរផ្សារភ្ជាប់នឹងទេសចរណ៍ជីវស្ថានដើម្បីទាញយកផលពីសក្តានុភាពរបស់ភូមិភាគលើកកម្ពស់តម្លៃកសិផល ផលិតផលប្រពៃណី។
លោកទ្រឿងក្វុកឌៀង-ប្រធានគណៈកម្មាធិការប្រជាជនស្រុកចូវថាញ់ឱ្យដឹង៖ ដើម្បីសម្រេចបទដ្ឋានជនបទថ្មី ក្នុងឆ្នាំ២០២៤ ស្រុកនឹងខិតខំ ពង្រីកឱ្យមានប្រសិទ្ធភាពបណ្តាប្រភពទុនរបស់មជ្ឈិមប្រភពកម្លាំងពីអង្គភាពនានានិងកម្លាំងផ្ទៃក្នុងរបស់ភូមិភាគដើម្បីប្តេជ្ញាក្នុងការកសាងហេដ្ឋារចនាសម្ព័ន្ធ ផ្លាស់ប្តូរការគិតរបស់កសិករ បន្ថយក្រឱ្យបានឆាប់រហ័ស ចីរភាព។ ក្នុងនោះ ស្រុកតែងយកចិត្តទុកដាក់ដល់ការកសាងបណ្តាផលិតផលពិសេស ផលិតផល OCCOP ជំនួយសេដ្ឋកិច្ចសមូហភាព។ល។ ជាមួយបណ្តាវិធានការព្រមៗគ្នា ចូវថាញ់ខិតខំនឹងសម្រេចភារកិច្ចកសាងស្រុកជនបទថ្មី៕
ចន្ថា
Thông tin bạn đọc
Đóng Lưu thông tin