 |
| មីងថាច់ធីចន្ធី នៅភូមិហាបូ ឃុំតាយវ៉ាំង ស្រុកត្រឹងដេ (សុកត្រាំង)បានឧបត្ថម្ភផ្ទះនៅឆ្នាំ២០២៣ |
ឃុំតាយវ៉ាំង ស្រុកត្រឹងដេ ជាភូមិភាគដែលមានជនរួមជាតិខ្មែររស់នៅច្រើន ស្រូបអត្រាជាង៧៥%។ ជាមួយនឹងការប្តេជ្ញា ខិតខំប្រឹងប្រែងរបស់ភូមិភាគគ្រប់ថ្នាក់ក្នុងការផ្តោតលើការគិតអានអភិវឌ្ឍសេដ្ឋកិច្ច-សង្គមដល់ជនជាតិភាគតិច បាននាំមកនូវប្រសិទ្ធភាពជាក់ស្តែង។ ពីប្រភពទុននៃកម្មវិធី ទិសដៅជាតិអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល (២០២១- ២០២៥) ពីឆ្នាំ២០២២ដល់ឆ្នាំ២០២៤ ផែនការបែងចែកទុនថវិកាដែលបានប្រគល់ឱ្យឃុំគឺជិត១៦ពាន់លានដុង (ទុនថវិកាមជ្ឈិមជិត១៤ពាន់លានដុង ទុនថវិកាភូមិភាគជិត២ពាន់លានដុង) ដើមឆ្នាំ២០២៤ ចំពោះគម្រោង១ ឃុំផ្តោតសំខាន់លើការឧបត្ថម្ភ ផ្ទះនៅដល់២០គ្រួសារក្រ ក្បែរក្រ សរុបថវិកាជាង ១ពាន់លានដុង។ ជាគ្រួសារបានឧត្ថម្ភផ្ទះនៅពីប្រភពទុននៃកម្មវិធី មីងថាច់ធីចន្ធី នៅភូមិហាបូ ឃុំតាយវ៉ាំង បានចែករំលែកយ៉ាងសប្បាយរីករាយ៖ ដោយឃើញស្ថានភាពលំបាករបស់គ្រួសារខ្ញុំ ពូកម្មាភិបាលឃុំបានចុះមកសួរសុខទុក្ខស្ថានភាព បន្ទាប់មកបានឧបត្ថម្ភផ្ទះនៅតម្លៃ៤០លានដុងខ្ញុំសប្បាយចិត្តណាស់ព្រោះពីពេលនេះទៅគ្រួសារខ្ញុំមានទីកន្លែងនៅរឹងមាំអរគុណរដ្ឋដែលយកចិត្តទុកដាក់គិត អានជីវភាពប្រជាជន ទើបយើងខ្ញុំស្ងប់ចិត្តក្នុងការអភិវឌ្ឍសេដ្ឋកិច្ច។
រួមជាមួយនោះ ឃុំនៅទាំងឧបត្ថម្ភផ្លាស់ប្តូររបរដល់៤៩គ្រួសារ ជាគ្រួសារក្រ គ្រួសារក្បែរក្រ គ្រួសារមានស្ថានភាពគ្រួសារលំបាកតាមការកំណត់របស់រដ្ឋ សរុបទុនជិត៥០០លានដុង។ គ្រួសារពូគីមហួង នៅភូមិហាបូ ឃុំតាយវ៉ាំង មានស្ថានភាពគ្រួសារលំបាក គ្មានដីផលិត រៀងរាល់ថ្ងៃប្រពន្ធពូជិះកង់ទៅធ្វើការឈ្នួល ពូឈឺមិនអាចធ្វើការ។ ឃើញស្ថានភាពបែបនោះ ឃុំបានជួយឧបត្ថម្ភគ្រួសារពូចំនួន១០លានដុង ទិញម៉ូតូមួយគ្រឿង ដើម្បីគ្រួសារងាយស្រួលទៅធ្វើការ។ ពូហួងឱ្យដឹង៖ មានម៉ូតូប្តីប្រពន្ធខ្ញុំសប្បាយចិត្តណាស់ អរគុណរដ្ឋអំណាចភូមិភាគដែលតែងបង្កលក្ខណៈងាយស្រួលដើម្បីយើងខ្ញុំមានមធ្យោបាយជួយដល់ការអភិវឌ្ឍសេដ្ឋកិច្ចគ្រួសារ។
តាមសមមិត្តថាច់ក្វុកថាយ-ប្រធានគណៈកម្មាធិការប្រជាជនឃុំតាយវ៉ាំងឱ្យដឹង៖ ដោយការយកចិត្តទុកដាក់ដឹកនាំចង្អុលការរបស់រដ្ឋអំណាចគ្រប់ថ្នាក់ក្នុងការប្រមូលផ្តុំគិតអានជីវភាពសម្ភារៈនិងស្មារតីរបស់ប្រជាជន គួបផ្សំជាមួយការខិតខំឈានឡើងរបស់ប្រជាជន បាននាំមកនូវប្រសិទ្ធភាពជាក់ស្តែង។ ពីប្រភពទុនកម្មវិធីបានជួយឧបត្ថម្ភការអនុវត្តគម្រោងដល់មុខសញ្ញាទទួលផលជាគ្រួសារក្រ ក្បែរក្រនៅលើភូមិដ្ឋានឃុំ រួមចំណែកស្ថេរភាពសង្គម ជំរុញកំណើនសេដ្ឋកិច្ច ធានាសុខុមាលភាពសង្គម។ ទន្ទឹមនឹងនោះ ឃុំនៅទាំងបន្តជំរុញផ្តល់ផ្ទេរថវិកាសម្រាប់អនុវត្តគម្រោងផ្សេងៗចំណុះកម្មវិធី ត្រួតពិនិត្យដំណើរការអនុវត្ត វាយតម្លៃលទ្ធផលការអនុវត្តគម្រោង។ តាំងពីនោះ ដាក់ចេញទិសដៅដំណោះស្រាយទាន់ពេល អនុវត្តទិសដៅត្រឹមត្រូវ ចំមុខសញ្ញាដើម្បីឧបត្ថម្ភទាន់ពេលដល់មាមីងកំពុងជួបការលំបាក ទំនុកចិត្តក្នុងការឈានឡើងអភិវឌ្ឍសេដ្ឋកិច្ច កែលម្អជីវភាពគ្រួសារ។
ដោយការផ្សព្វផ្សាយមានប្រសិទ្ធភាពផ្តោតលើការគិតអានជីវភាព អភិវឌ្ឍសេដ្ឋកិច្ចរបស់មាមីងនៅលើភូមិដ្ឋាន បានរួមចំណែកផ្លាស់ប្តូរទិដ្ឋភាពជនបទ។ ដោយមានការយកចិត្តទុកដាក់របស់គណៈកម្មាធិការបក្ស រដ្ឋអំណាចភូមិភាគនិងស្មារតីសាមគ្គី ផ្សារភ្ជាប់រវាងបណ្តាជនជាតិ ជឿជាក់ថា ឃុំតាយវ៉ាំង នឹងសម្រេចបានជោគជ័យនូវទិសដៅ ភារកិច្ចអភិវឌ្ឍសេដ្ឋកិច្ច-សង្គមកសាងជនបទថ្មីនាពេលខាងមុខ៕
ហុងទើ-លីហាន់
Thông tin bạn đọc
Đóng Lưu thông tin