គូឡាវយុង“ផ្តុំកម្លាំង” សម្រាប់ការអភិវឌ្ឍតំបន់ជនរួមជាតិ

ស្រុកគូវឡាវយុងបានផ្តុំកម្លាំងចង្អុលការអនុវត្តព្រមៗគ្នាបណ្តាភារកិច្ច ដំណោះស្រាយដើម្បីអភិវឌ្ឍសេដ្ឋកិច្ច-សង្គមនិងចាត់តាំងផ្សព្វផ្សាយអនុវត្តគោលនយោបាយពីការងារជនជាតិ បណ្តាកម្មវិធីទិសដៅជាតិប្រកបដោយប្រសិទ្ធភាព។ តាមនោះ រួមចំណែកធានាសុខុមាលភាពសង្គម លំនឹងជីវភាពរបស់ជនរួមជាតិលើភូមិដ្ឋាន។

គូឡាវយុងយកចិត្តទុកដាក់គិតអានជនជាតិភាគតិច

ប្រសិទ្ធភាពពីគោលនយោបាយ

ដើម្បីធ្វើឱ្យជាក់ស្តែងបណ្តាគោលការណ៍របស់បក្ស ក្រឹត្យច្បាប់របស់រដ្ឋពីគោលនយោបាយជនជាតិ ស្រុកបានផ្សព្វផ្សាយបណ្តាសេចក្តីសម្រេច ផែនការ គម្រោងផ្សព្វផ្សាយអនុវត្តសមស្របជាមួយស្ថានភាពជាក់ស្តែងរបស់ភូមិភាគ។ អាស្រ័យការផ្សព្វផ្សាយមានប្រសិទ្ធភាព ចំមុខសញ្ញាបានរួមចំណែកការអភិវឌ្ឍសេដ្ឋកិច្ច-សង្គម ធ្វើឱ្យផ្លាស់ប្តូរទិដ្ឋភាពជនបទរបស់ស្រុក។ ដោយមានការប្រមូលផ្តុំកសាងកងជួរកម្មាភិបាលជនជាតិភាគតិចដើម្បីនាំគោលការណ៍ សេចក្តីសម្រេចរបស់បក្ស ក្រឹត្យច្បាប់របស់រដ្ឋជិតដិតនឹងជនរួមជាតិ។ លេចធ្លោបំផុតគឺការចលនាប្រជាជនឱ្យផ្លាស់ការគិត ទម្លាប់ក្នុងការផលិតដោយការផ្សព្វផ្សាយអនុវត្តបណ្តាកម្មវិធីបង្វែររចនាសម្ព័ន្ធដាំដុះ ចិញ្ចឹមសត្វផ្សារភ្ជាប់នឹងរចនាសម្ព័ន្ធផ្នែកកសិកម្មដើម្បីអភិវឌ្ឍសេដ្ឋកិច្ច-សង្គមតំបន់ជនរួមជាតិ។ តាមសមមិត្តងោថាញ់ត្វង-អនុប្រធានអនុមន្ទីរកសិកម្មនិងអភិវឌ្ឍន៍ជនបទស្រុកគូឡាវយុង ពេលកន្លង អនុមន្ទីរបានសហការជាមួយគណៈកម្មាធិការប្រជាជនឃុំ ទីរួមស្រុកនានាផ្សព្វផ្សាយបណ្តាកម្មវិធី ទម្រង់ដូច ទម្រង់ចិញ្ចឹមគោ ពពែ ជ្រូក ទម្រង់ដាំឈើហូបផ្លែ (មៀន ដូង) ទម្រង់ចិញ្ចឹមក្តាម ខ្យងជាមួយថវិកាប្រហែល១,៧ពាន់លានដុង។ ទន្ទឹមនោះ នៅទាំងចាត់តាំងបណ្តាថ្នាក់ហ្វឹកហាត់ពីវិទ្យាសាស្រ្តបច្ចេកទេស ដើម្បីជួយមាមីងលើកកម្ពស់ប្រសិទ្ធភាពការផលិត។ លោកឡឹមវ៉ាំងយឿង នៅភូមិប៊ិញយ័ញអា ឃុំអាងថាញ់២ ស្រុកគូឡាវយុងរីករាយឱ្យដឹង៖ ដោយបានជំនួយបុលទុន អភិវឌ្ឍការផលិត បង្វែរវិទ្យាសាស្រ្តបច្ចេកទេស ទើបគ្រួសារបានវិនិយោគចិញ្ចឹមគោនិងកែលម្អជីវភាពគ្រួសារយ៉ាងល្អប្រសើរ។ ក្នុងដំណាក់កាល២០១៩-២០២៤ ដោយប្រភពទុនផ្សព្វផ្សាយអនុវត្តលើភូមិដ្ឋាន ស្រុកបានវិនិយោគកសាងជាង១០០សំណង់ ជួសជុលសាលាសម្រេចបទដ្ឋានជាតិ កសាងនិងជួសជុលទីស្នាក់ការគណៈកម្មាធិការបក្ស គណៈកម្មាធិការប្រជាជនបណ្តាឃុំ តំបន់ជនរួមជាតិ។ តាមនោះ ទិដ្ឋភាពជនបទមានភាពផ្លាស់ថ្មី ហេដ្ឋារចនាសម្ព័ន្ធបានវិនិយោគ គុណភាពអប់រំពីមួយថ្ងៃកាន់តែបានលើកកម្ពស់ ការងារអនក្ខរកម្មជូនជនជាតិភាគតិចបានយកចិត្តទុកដាក់ (ឆ្នាំ២០២៤បើកថ្នាក់អនក្ខរកម្មបាន២ថ្នាក់) ការងារការពារជាតិ សន្តិសុខបានរក្សារឹងមាំ ជីវភាពសម្ភារៈនិងស្មារតីរបស់ប្រជាជនបានលើកកម្ពស់។ មីងត្រឹងធីវិន នៅភូមិប៊ិញយ័ញបេ ឃុំអាងថាញ់២ ស្រុកគូឡាវយុងបានឱ្យដឹង៖ បក្សនិងរដ្ឋមានច្រើនគោលនយោបាយសម្រាប់ជនជាតិភាគតិចយើងខ្ញុំ ម៉្លោះហើយ ជីវភាពប្រជាជនតែងបានកែលម្អ ដងផ្លូវតាមភូមិស្រុកបានវិនិយោគកសាង ដូចេ្នះ មានភាពស្អាតស្អំ នរណាក៏មានក្តីសប្បាយរីករាយ។

កំណត់ទិសអភិវឌ្ឍគ្រប់វិស័យក្នុងតំបន់ជនរួមជាតិ

ដើម្បីអនុវត្តល្អការងារជនជាតិនិងគោលនយោបាយជនជាតិ សមមិត្តឡេត្រុងង្វៀង-សមាជិកបក្សខេត្ត លេខាបក្សស្រុកគូឡាវយុងបានឱ្យដឹង ពេលខាងមុខ នឹងបង្កើនកិច្ចចង្អុលការផ្សព្វផ្សាយអនុវត្តយ៉ាងម៉ឺងម៉ាត់បណ្តាគោលការណ៍របស់បក្សនិងក្រឹត្យច្បាប់របស់រដ្ឋ ខេត្ត ដើម្បីលើកកម្ពស់ការយល់ដឹង ទទួលភារៈចំពោះអង្គការក្នុងប្រព័ន្ធនយោបាយនិងទូទាំងសង្គមពីការងារជនជាតិក្នុងស្ថានភាពថ្មី។ បង្កើនការងារផ្សព្វផ្សាយសៀវភៅ “ពង្រីកប្រពៃណីសាមគ្គីទូទាំងជនជាតិ កសាងប្រទេសជាតិយើងពីមួយថ្ងៃកាន់តែខ្លាំងពូកែ អរិយធម៌ សុភមង្គល” របស់សមមិត្តអគ្គលេខាបក្សង្វៀងភូត្រុង ផែនការរបស់គណៈប្រតិបត្តិការបក្សស្រុកពីការអនុវត្តសេចក្តីសម្រេចលេខ០៤ ចុះថ្ងៃទី៩ កក្កដា ឆ្នាំ២០២១ របស់គណៈប្រតិបត្តិការបក្ខភាគខេត្តសុកត្រាំងនីតិកាលទី១៤ ស្តីពីការដឹកនាំអនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច ដំណាក់កាល២០២១-២០២៥ នឹងឆ្ពោះដល់ឆ្នាំ២០៣០។

ពង្រីកនិងអភិរក្សអត្តសញ្ញាណវប្បធម៌ជនជាតិ

ប្រមូលផ្តុំចង្អុលការផ្សព្វផ្សាយអនុវត្តមានប្រសិទ្ធភាពបណ្តាគម្រោង អនុគម្រោងស្ថិតក្នុងកម្មវិធីទិសដៅជាតិពីបន្ថយក្រដោយចីរភាពនិងអភិវឌ្ឍសេដ្ឋកិច្ច-សង្គមតំបន់ជនជាតិភាគតិចលើភូមិដ្ឋានស្រុក លើកកម្ពស់ប្រាក់ចំណូលឱ្យប្រជាជន។ ប្រមូលផ្តុំបណ្តាប្រភពកម្លាំងអាទិភាព វិនិយោគកសាងហេដ្ឋារចនាសម្ព័ន្ធសេដ្ឋកិច្ច-សង្គម ដងផ្លូវគមនាគមន៍ជនបទតំបន់ជនជាតិភាគតិចរស់នៅកុះករ។ ប្រើប្រាស់ដោយប្រសិទ្ធភាពរាល់ប្រភពកម្លាំង ពង្រីកសក្តានុភាពដើម្បីអភិវឌ្ឍដោយចីរភាពសេដ្ឋកិច្ច-សង្គមតំបន់ជនជាតិភាគតិច។ ប្រឹងប្រែងកម្រិតក្នុងប្រាក់ចំណូលសម្រេចពី៧០លានដុងឡើងទៅ អត្រាគ្រួសារក្រក្នុងជនជាតិភាគតិចរាល់ឆ្នាំថយចុះពី១-២%។

ស្រុកគូឡាវយុងនឹងបន្តការអភិរក្សនិងពង្រីកតម្លៃវប្បធម៌រូបីនិងអរូបីបណ្តាជនជាតិភាគតិចលើភូមិដ្ឋានស្រុក។ ប្រមូលផ្តុំកៀរគរប្រភពកម្លាំងនៃទូទាំងសង្គមចូលរួមអភិរក្សនិងពង្រីកតម្លៃបេតិកភណ្ឌវប្បធម៌បណ្តាជនជាតិភាគតិចដូច ភ្លេងពិណពាទ្យ ចង្វាក់រាំវង់ ពិធីបុណ្យអកអំបុក-ប្រណាំងទូកង កេរដំណែលវប្បធម៌នៃវត្តទក្ខិណនិកាយខ្មែរ(វត្តសុវណ្ណគង្គាមុនីកោះទុង)។ ពង្រីកតម្លៃវប្បធម៌ ជីវភាពបណ្តាជនជាតិរួមចំណែកជំរុញអភិវឌ្ឍសេដ្ឋកិច្ច-សង្គមរបស់ស្រុកនិយាយរួម តំបន់ជនជាតិភាគតិចនិយាយដោយឡែក។

ជាមួយទិសដៅជាក់ស្តែង សង្ឃឹមថា ស្រុកគូឡាវយុងនឹងមានការអភិវឌ្ឍសម្បូររុងរឿង។ ពិសេស ជីវភាពរបស់ជនរួមជាតិមិនបង្អង់លើកកម្ពស់៕

ស៊ើមម៉ាយ-សុផល

គូឡាវយុង“ផ្តុំកម្លាំង” សម្រាប់ការអភិវឌ្ឍតំបន់ជនរួមជាតិ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

គូឡាវយុង“ផ្តុំកម្លាំង” សម្រាប់ការអភិវឌ្ឍតំបន់ជនរួមជាតិ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង