 |
| ពូយឿងលន់-លេខាសាខាបក្សភូមិព្រែកចាក ឃុំលីវទូ ស្រុកត្រឹងដេ (សុកត្រាំង) កំពុងស្រាវជ្រាវឯកសារច្បាប់និងផែនការរបស់ថ្នាក់លើ |
មុនពេលទទួលនាទីលេខាសាខាបក្សភូមិព្រែកចាក ពូយឿងលន់ជាកម្មាភិបាលឃុំ ទទួលនាទីប្រធានគណៈកម្មាធិការរណសិរ្សមាតុភូមិវៀតណាមឃុំលីវទូ។ ពេលចូលនិវត្តន៍ ឆ្នាំ២០១៤ពូបានបន្តចូលរួមការងារនៅភូមិបានរដ្ឋអំណាចនិងប្រជាជនទំនុកចិត្តជម្រើសធ្វើជាលេខាសាខាបក្សភូមិព្រែកចាករហូតមកដល់សព្វថ្ងៃ។ ក្នុងនាទីណាពូលន់ក៏សម្រេចភារកិច្ចដែលបានប្រគល់។ សព្វថ្ងៃភូមិព្រែកចាកមានចំនួន៨៤៨គ្រួសារ មានប្រជាជន៣.៥៧៥រូប ក្នុងនោះ ជនរួមជាតិខ្មែរចំនួន៦៣៣គ្រួសារ ស្រូបអត្រា៧៤,៦៥%។ ជាមួយនាទីជាលេខាសាខាបក្សភូមិ ពូលន់តែងផ្សព្វផ្សាយបណ្តាកម្មវិធីសកម្មភាពរបស់គណៈកម្មាធិការបក្សឃុំ កសាងផែនការអនុវត្តភារកិច្ចជាក់ស្តែង ច្បាស់លាស់ជិតដិតនឹងស្ថានភាពរបស់ភូមិ។ ក្នុងការងារពូតែងជាគំរូឈានមុខ អនុវត្តល្អភារកិច្ច ជម្នះការលំបាក ស្តាប់មតិយោបល់របស់បក្ខជន ប្រជាជនដើម្បីរាយការណ៍ជូនថ្នាក់លើ។ រាល់ការងារពូតែងពិគ្រោះដោយប្រជាធិបតេយ្យ ដោះស្រាយច្បាស់លាស់ សមស្រប។ ក្នុងដំណាក់កាលអនុវត្តភារកិច្ច ពូតែងដាក់ចេញគោលការណ៍ “និយាយត្រូវតែធ្វើ” “គំរូឈានមុខរាល់សកម្មភាពរបស់សាខាបក្ស”។ ក្នុងការកសាងភូមិជនបទថ្មី កំណត់នាទី ភារៈរបស់ខ្លួន ពូរួមជាមួយសមមិត្តក្នុងសាខាបក្សអនុវត្តតាមឯកសារច្បាប់របស់ថ្នាក់លើ សកម្មផ្សព្វផ្សាយចលនាប្រជាជនព្រួតដៃស្របមតិ កសាងជនបទថ្មី។ ក្រៅពីនោះ ពូនៅទាំងចលនាប្រជាជនក្នុងភូមិបរិច្ចាគដីកសាងសាលារៀន គប់វាល់កសាងស្ពានចំនួន៣ ជាមួយថវិកា៤៥០លានដុងនិងដងផ្លូវក្នុងភូមិប្រវែង៣៣០ម៉ែត្រ សរុបថវិកា១៥០លានដុង។ ទន្ទឹមនោះ ភូមិនៅទាំងឆ្លៀតពីប្រភពទុនរបស់ក្រសួងនគរបាល រណសិរ្សមាតុភូមិ ជំនួយផ្ទះនៅឱ្យគ្រួសារក្រជួបលំបាកពីផ្ទះនៅសព្វថ្ងៃលើភូមិដ្ឋានភូមិគ្មាននៅគ្រួសារផ្ទះទ្រុឌទ្រោមទៀតឡើយ។ ពូនៅទាំងចលនាប្រជាជនដោយទឹកប្រាក់រាប់រយលានដុងសម្រាប់ជំនួយគ្រួសារក្រ អ្នកអនាថា ។ល។ជួយអ្នកទាំងឡាយឈានឡើងក្នុងជីវភាព។
ជាមួយនឹងការខិតខំរបស់លេខាសាខាបក្សយឿងលន់ សព្វថ្ងៃ ដងផ្លូវជនបទរបស់ភូមិព្រែកចាកបានចាក់បេតុងរាបរលូន ប្រជាជនប្រើប្រាស់អគ្គិសនីចំនួន៩៨% ប្រើប្រាស់ទឹកស្អាតចំនួន៩៥%និងប្រើប្រាស់បង្គន់ស្របអនាម័យ។ ពិសេស ជីវភាពរបស់ប្រជាជនពីមួយថ្ងៃកាន់តែបានកើនឡើង ទូទាំងភូមិមានគ្រួសារក្រនៅត្រឹមតែ១៣គ្រួ។
តាមការវាយតម្លៃរបស់អនុលេខាប្រចាំការបក្សឃុំលីវទូ ង្វៀងវ៉ាំងម៉ឹម៖ សមមិត្តយឿងលន់ ជាលេខាសាខាបក្សភូមិគំរូអស់ពីចិត្តនឹងការងារ។ ក្នុងការងារដឹកនាំ ចង្អុលការ សមមិត្តមានបទពិសោធន៍ច្រើនបានបក្ខជននិងប្រជាជនវាយតម្លៃខ្ពស់និងចូលរួមយ៉ាងសកម្ម។ តាមនោះ ការ ចលនា សកម្មភាពនៃអង្គការមហាជនក្នុងសាខាបក្សតែងសម្រេចលទ្ធផលល្អ។ ព្រែកចាកជាភូមិដែលមានជនរួមជាតិខ្មែររស់នៅកុះករអាស្រ័យការងារដឹកនាំបានល្អ ម៉្លោះហើយ ការងារអនុវត្តលក្ខឋានកសាងជនបទថ្មី ភារកិច្ចអភិវឌ្ឍសេដ្ឋកិច្ច វប្បធម៌ សិល្បៈ កីឡាតែងឈានមុខរបស់ឃុំ។ ចំពោះលេខាសាខាបក្សភូមិយឿងលន់បានទទួលប័ណ្ណសរសើររបស់គណៈកម្មាធិការប្រជាជនខេត្តសុកត្រាំងនិងលិខិតសរសើររបស់ស្រុកនិងរបស់ឃុំលីវទូទៀតផង៕
លីហាន់-សុផល
Thông tin bạn đọc
Đóng Lưu thông tin