 |
| ព្រះតេជគុណ ថាច់ពេជ្រ ព្រះចៅអធិការវត្តព្រហ្មវិសាល នៅភូមិសុកលាវបេ ឃុំលិតហូយធឿង ស្រុកត្រឹងដេ (សុកត្រាំង) |
អស់រយៈកាលជាង៤២ឆ្នាំបួសរៀនក្នុងវត្ត ឆ្នាំ១៩៨២ (អាយុ១៦ឆ្នាំ) យុវជនថាច់ពេជ្របានសុំឪពុកម្តាយទៅវត្តព្រហ្មសាលបួសរៀន។ អស់រយៈច្រើនឆ្នាំខិតខំរៀនសូត្រធម៌អាថ៌និងអក្សរសាស្រ្តខ្មែរ រក្សាយ៉ាងខ្ជាប់ខ្ជួននូវធម៌វិន័យរបស់ព្រះពុទ្ធ។ ឆ្នាំ២០០២ ព្រះតេជគុណថាច់ពេជ្របានគណៈកម្មការនិងមាមីងពុទ្ធបរិស័ទតែងតាំងធ្វើជាចៅអធិការវត្តព្រហ្មសាលរហូតមកដល់សព្វថ្ងៃ។ ពេលទទួលនាទីជាព្រះចៅអធិការវត្ត ព្រះអង្គតែងយកព្រះទ័យក្នុងការកសាងវត្តអារាមនិងគិតអានព្រះសង្ឃរៀនសូត្រ។ ព្រះតេជគុណថាច់ពេជ្រមានសង្ឃដីកា៖ ប៉ុន្មានឆ្នាំកន្លង អាត្មាតែងចលនាមាមីងពុទ្ធបរិស័ទក្នុងនិងក្រៅភូមិភាគចំនួនទឹកប្រាក់ជាង២១ពាន់លានដុងដើម្បីកសាង ជួសជុលព្រះវិហារ កុដិ សាលា ខ្លោងទ្វារ របង បង្គោលទង់ ក្រាលឥដ្ឋក្នុងបរិវេណវត្ត កសាងឈាបនដ្ឋាន កសាងចេតិយសង្គម រោងភត្តនិងសំណង់មួយចំនួនទៀត។ល។ រួមចំណែកកសាងវត្តព្រហ្មវិសាលពីមួយថ្ងៃកាន់តែល្អប្រណីត។ ជាមួយតួនាទីជាសមាជិកគណៈប្រតិបត្តិការសមាគមព្រះសង្ឃសាមគ្គីស្នេហាជាតិខេត្តនិងជាអនុប្រធានសាខាសមាគមព្រះសង្ឃសាមគ្គីស្នេហាជាតិស្រុកត្រឹងដេ។ ពេលកន្លង ព្រះតេជគុណថាច់ពេជ្របានសហការជាមួយគណៈផ្នែកនានា ចាត់តាំងផ្សព្វផ្សាយក្រឹត្យច្បាប់ដល់ព្រះសង្ឃ គណៈកម្មការវត្តនិងមាមីងពុទ្ធបរិស័ទរាប់រយអង្គ រូបចូលរួម។ នាឱកាសបុណ្យទាន ក្នុងវត្តមានពុទ្ធបរិស័ទមកវត្តយ៉ាងច្រើនកុះករ ព្រះអង្គឆ្លៀតពេលផ្សព្វផ្សាយចលនាមាមីងឱ្យអនុវត្តល្អបណ្តាគោលនយោបាយរបស់បក្សនិងក្រឹត្យច្បាប់របស់រដ្ឋនិងចូលរួមការចលនានៅភូមិភាគ ខិតខំធ្វើការបង្កបង្កើនផល ដើម្បីឈានឡើងលំនឹងជីវភាព ចលនាមាមីងកសាងផ្នត់រស់នៅអរិយធម៌ គ្រួសារវប្បធម៌ ជីដូនជីតាគំរូ កូនចៅសុភាពរាបសា បង្ការទប់ស្កាត់បណ្តាល្បែងអបាយមុខសង្គម រក្សាសន្តិសុខ សណ្តាប់សង្គមនៅភូមិភាគ។ លោកស៊ើងយ៉ែន បរិស័ទនៅវត្តព្រហ្មវិសាលឱ្យដឹង៖ ពេលយើងខ្ញុំទៅវត្ត ព្រះតេជគុណតែងណែនាំយើងខ្ញុំរស់នៅឱ្យចេះប្រិតសំចៃ ខិតខំពលកម្មផលិត អនុវត្តល្អតាមគោលនយោបាយរបស់បក្សនិងក្រឹត្យច្បាប់របស់រដ្ឋនិងសេចក្តីកំណត់របស់ភូមិភាគនិងជៀសឆ្ងាយពីអបាយមុខសង្គម។ ទន្ទឹមនឹងនោះ ព្រះអង្គនៅទាំងចលនាកសាងវត្តអារាមបានស្អាតសមរម្យ សម្រាប់មាមីងពុទ្ធបរិស័ទមានកន្លែងធ្វើបុណ្យទាន។ល។ ក្រៅពីការងារកសាងបណ្តាសំណង់ក្នុងវត្ត ព្រះអង្គនៅទាំងគិតអានការរៀនសូត្ររបស់ព្រះសង្ឃនិងកូនចៅពុទ្ធបរិស័ទរក្សានូវទំនៀមទម្លាប់ប្រពៃណីរបស់ជនជាតិនិងពិធីកិច្ចក្នុងព្រះពុទ្ធសាសនា ចាត់តាំងថ្នាក់បង្រៀនអប់រំវិន័យនិងថ្នាក់អនក្ខរកម្មដល់ព្រះសង្ឃ កូនចៅពុទ្ធបរិស័ទចំនួន៦៥អង្គ រូប។ ទន្ទឹមនឹងនោះ ចលនាមាមីងពុទ្ធបរិស័ទគប់វាល់សៀវភៅ ប៊ិច។ល។ សម្រាប់ជំនួយសិស្សក្ររៀនពូកែ ដើម្បីលើកទឹកចិត្តកូនចៅពុទ្ធបរិស័ទក្រ។ ព្រះអង្គនៅទាំងចលនាមាមីងរួមជាមួយរដ្ឋអំណាចភូមិភាគកសាងជនបទដូច គប់វាល់ថវិកាកសាងស្ពានជនបទ សង់ផ្ទះជូនគ្រួសារក្រក្នុងភូមិ ចលនាមាមីងដាំផ្កាមុខផ្ទះ។ល។ រួមចំណែកក្នុងការកសាងភូមិស្រុកស្អាត បៃតង។
 |
| ព្រះតេជគុណថាច់ពេជ្រ ព្រះចៅអធិការវត្តព្រហ្មវិសាល នៅភូមិសុកលាវបេ ឃុំលិតហូយធឿង ស្រុកត្រឹងដេ(សុកត្រាំង) ជូនលិខិតបញ្ជាក់និងសិក្ខូបករណ៍ដល់សិស្សានុសិស្សរៀនភាសាខ្មែរ |
ព្រះឧបជ្ឈាយ៍ថាច់សុង-ប្រធានសាខាសមាគមព្រះសង្ឃសាមគ្គីស្នេហាជាតិស្រុកត្រឹងដេមានសង្ឃដីកា៖ ព្រះតេជគុណថាច់ពេជ្រតែងអនុវត្តល្អតាមការណែនាំរបស់សមាគមព្រះសង្ឃសាមគ្គីស្នេហាជាតិខេត្ត ប្រតិបត្តិយ៉ាងខ្ជាប់ខ្ជួននូវធម៌វិន័យរបស់ព្រះពុទ្ធ សកម្មចលនាមាមីងពុទ្ធបរិស័ទអនុវត្តល្អតាមគោលនយោបាយរបស់បក្សនិងក្រឹត្យច្បាប់របស់រដ្ឋ លើកទឹកចិត្តមាមីងឱ្យខិតខំពង្រីកសេដ្ឋកិច្ចគ្រួសារកសាងគ្រួសារវប្បធម៌ អប់រំកូនចៅលុះក្នុងដំបូន្មាន មិនលង់ក្នុងអាបាយមុខសង្គម ចលនាមាមីងសាមគ្គី ជួយគ្នាក្នុងគ្រាលំបាក។ល។ ចំពោះព្រះសង្ឃ ព្រះតេជគុណតែងអប់រំឱ្យប្រតិបត្តិល្អតាមធម៌វិន័យរបស់អ្នកបួស។
ជាមួយទង្វើគិតអានដល់វត្តអារាម ភូមិស្រុក ព្រះតេជគុណថាច់ពេជ្របានគណៈកម្មាធិការរណសិរ្សមាតុភូមិវៀតណាមខេត្តសុកត្រាំងប្រគេនប័ណ្ណសរសើរ “ដោយសម្រេចស្នាព្រះហស្តឆ្នើមក្នុងការអនុវត្តបណ្តាកម្មវិធីសុខុមាលភាពសង្គមនិងការងាររបស់សមាគមព្រះសង្ឃសាមគ្គីស្នេហាជាតិខេត្តសុកត្រាំងដំណាក់កាល២០១៧-២០២២៕
លីហាន់-សុផល
Thông tin bạn đọc
Đóng Lưu thông tin