ដើម្បីជួយជនជាតិខ្មែរឈានឡើងក្នុងជីវភាព អនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំដំណាក់កាលឆ្នាំ២០២១-២០២៥ ឃុំតឹងហ៊ឹង ស្រុកឡុងភូបានប្រមូលផ្តុំបណ្តាប្រភពកម្លាំងវិនិយោគអភិវឌ្ឍ បណ្តាសំណង់ហេដ្ឋារចនាសម្ព័ន្ធចាំបាច់សម្រាប់បម្រើប្រជាជនលើភូមិដ្ឋានឃុំ។ ក្នុងនោះ អនុវត្តគម្រោង១ ដោះស្រាយស្ថានភាពខ្វះដីនៅ ផ្ទះនៅ ដីផលិត ទឹកស្អាតប្រើប្រាស់ ថវិកាដែលថ្នាក់លើប្រគល់តាំងពីឆ្នាំ២០២២-២០២៤គឺជាង៦ពាន់លានដុង(ទុនរបស់មជ្ឈិម៥,៥ពាន់លានដុងនិងទុនរបស់ភូមិភាគគឺជាង៥០០លានដុង)។លោកដាំងថាញ់ញាំង-អនុប្រធានគណៈកម្មាធិការប្រជាជនឃុំតឹងហ៊ឹងបានឱ្យដឹង៖ បក្សនិងរដ្ឋតែងយកចិត្តទុកដាក់គិតអានដល់ជីវភាពរបស់ជនជាតិភាគតិច បំផុតគឺគម្រោងជំនួយកសាងផ្ទះនៅឱ្យគ្រួសារក្រ ក្បែរក្រ។ ភូមិភាគបានពិនិត្យបណ្តាគ្រួសារដែលបានជំនួយធានាចំមុខសញ្ញា ត្រឹមត្រូវតាមគោលនយោបាយ ដើម្បីដោះស្រាយការលំបាកបានទាន់ពេលឆ្លើយតបតម្រូវការចាំបាច់ពីជីវភាពរបស់ប្រជាជន ដើម្បីប្រជាជនមានជីវភាពលំនឹង ឈានឡើងចាកផុតក្រ។
 |
| បងស្រីថាច់ធីដេវ នៅភូមិតឹងក្វីអា ឃុំតឹងហ៊ឹងបានជំនួយផ្ទះនៅ |
ភូមិតឹងក្វីអា ឃុំតឹងហ៊ឹង(ឡុងភូ) មានជនជាតិខ្មែររស់នៅជាង៨០% ទូទាំងភូមិមាន៤០គ្រួសារក្រ ក្បែរក្រ។ តាំងពីឆ្នាំ២០២៣-២០២៤ ភូមិបានផ្សព្វផ្សាយអនុវត្តជំនួយផ្ទះនៅឱ្យគ្រួសារក្រ ក្បែរក្រចំនួន១៥ខ្នងសរុបថវិកាជាង៦០០លានដុង។ ជាគ្រួសារបានជំនួយផ្ទះនៅ បងស្រីថាច់ធីដេវ នៅភូមិតឹងក្វីអា ឃុំតឹងហ៊ឹងរីករាយឱ្យដឹង៖ គ្រួសារខ្ញុំមានជីវភាពជួបការលំបាក គ្មានការងារធ្វើលំនឹង គ្មានដីផលិត គ្រួសាររស់នៅក្នុងផ្ទះទ្រុឌទ្រោម មិនសុវត្ថិភាព។ អាស្រ័យបានរដ្ឋជំនួយផ្ទះនៅខ្ញុំមានក្តីសប្បាយរីករាយណាស់។ តាំងពីមានផ្ទះថ្មីទើបជីវភាពគ្រួសារខ្ញុំពីមួយថ្ងៃកាន់តែបានកែលម្អ។
រួមជាមួយក្តីរីករាយនោះ គ្រួសារបងស្រីតាំងធីឡាង នៅភូមិតឹងក្វីបេ ឃុំតឹងហ៊ឹង(ឡុងភូ) ក៏បានជំនួយផ្ទះនៅពីដើមឆ្នាំ២០២៤ បងស្រីបានឱ្យដឹង៖ ប្តីប្រពន្ធខ្ញុំធ្វើការឈ្នួល នរណាជួលអីធ្វើហ្នឹងសម្រាប់ផ្គត់ផ្គង់ជីវភាពគ្រួសារ ប្រសិនបើគ្មានរដ្ឋអំណាចជំនួយផ្ទះនៅយើងខ្ញុំបារម្ភណាស់ពេលភ្លៀងមក។អរគុណរដ្ឋអំណាចដែលបានយកចិត្តទុកដាក់ជំនួយយើងខ្ញុំមានផ្ទះរឹងមាំ ដើម្បីគ្រួសារខ្ញុំស្ងប់ចិត្តពលកម្មផលិត។
 |
| បងស្រីតាំងធីឡាង នៅភូមិតឹងក្វីបេ ឃុំតឹងហ៊ឹងបានជំនួយផ្ទះនៅ |
បណ្តាគោលនយោបាយជំនួយពីកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិច ផ្ទះទ្រុឌទ្រោមលើ ភូមិដ្ឋានឃុំបានជំនួសដោយផ្ទះសង់រឹងមាំ។ គម្រោងជំនួយផ្ទះនៅជូនគ្រួសារក្រ ក្បែរក្របានរួមចំណែកជម្រុញអភិវឌ្ឍសេដ្ឋកិច្ច-សង្គម កែលម្អជីវភាពប្រជាជន ជួយមាមីងមានកន្លែងនៅត្រឹមត្រូវ៕
ហុងទើ-សុផល
Thông tin bạn đọc
Đóng Lưu thông tin