 |
| ផ្លូវជនបទចូលភូមិផ្នោរកញ្ជើថ្មី ឃុំថាមដូង ស្រុកមីស្វៀងបានវិនិយោគកសាងរឹងមាំ |
ដើម្បីទទួលបាននូវប្រការនេះគឺដោយគោលនយោបាយបុលទុនផលិតរបស់រដ្ឋាភិបាលដូច កម្មវិធីវិនិយោគហេដ្ឋារចនាសម្ព័ន្ធដឹកជញ្ជូន ទេសភាពបរិស្ថានផ្សារភ្ជាប់ជាមួយការកសាងជនបទថ្មីបានគ្រប់ថ្នាក់ប្រមូលផ្តុំវិនិយោគនាពេលកន្លង។ តាំងពីនោះ ជីវភាពសម្ភារៈ ស្មារតីរបស់ប្រជាជន និយាយរួម ជនរួមជាតិខ្មែរនិយាយដោយឡែកនៅភូមិផ្នោរកញ្ជើថ្មីបានកែលម្អឥតឈប់ឈរ។ បច្ចុប្បន្ន ទូទាំងភូមិមានប្រហែល៣៧៥គ្រួសារ ក្នុងនោះ ជនរួមជាតិខ្មែរស្រូបអត្រាប្រហែល៩៩% ភាគច្រើនមាមីងរស់នៅប្រកបរបរកសិកម្មនិងចិញ្ចឹមសត្វ លក់ដូរតូច។ល។ តាមលោកតាថាញ់តឹម-ប្រធានគណៈប្រជាជនភូមិផ្នោរកញ្ជើថ្មី ឃុំថាមដូងឱ្យដឹង៖ ខ្ញុំនិងសាខាបក្សភូមិតែងសហការជាមួយអង្គការមហាជនភូមិ ឃុំចុះដល់គ្រួសារនីមួយៗចែករំលែកបទពិសោធន៍ធ្វើការរកស៊ី ជំនួយ ឧបត្ថម្ភដើមទុនដើម្បីឱ្យប្រជាជនមានលក្ខណៈផលិតកែលម្អជីវភាព។ តាំងពីនោះ ជីវភាពរបស់មាមីងបានកែលម្អគួរឱ្យកត់សំគាល់ អត្រាគ្រួសារក្រថយនៅត្រឹម២គ្រួសារ ក្បែរក្រនៅត្រឹម៤គ្រួសារ។ល។ ពេលសួរអំពីការកៀរគរប្រជាជនគប់វាល់កសាងជនបទថ្មី។ លោកតឹមចែករំលែក៖ សាទរចលនាការកសាងជនបទថ្មី នាពេលកន្លង ខ្ញុំនិងបណ្តាសមមិត្តក្នុងសាខាបក្សចលនាគប់វាល់ ដាំផ្កាប្រវែង៦០០ម៉ែត្រ។ ទន្ទឹមនឹងនោះ គប់វាល់ថវិកាអនុវត្តសំណង់អគ្គិសនីភ្លើងអុជបំភ្លឺផ្លូវជនបទ មានបង្គោលចំនួន៦៤ដើម បង្កលក្ខណៈឱ្យមាមីងធ្វើដំណើរពេលយប់និងរួមចំណែកធានាសន្តិសុខសណ្តាប់ធ្នាប់នៅភូមិភាគ។ ក្រៅពីនេះ យើងខ្ញុំនៅទាំងចលនាប្រជាជនដែលរងឥទ្ធិពលពីផ្លូវល្បឿនលឿនតែងបានមាមីងគោរពតាមគោលការណ៍របស់រដ្ឋ ដោយឯកភាពតម្លៃសំណងតាមការកំណត់ ដើម្បីរំដោះផ្ទៃដីសម្រាប់អនុវត្តគម្រោងសំខាន់ៗតាមផែនការ។ បច្ចុប្បន្ន ទូទាំងភូមិមាន១២គ្រួសារដែលរងឥទ្ធិពលត្រូវរុះរើទៅកន្លែងផ្សេងនិង៣២គ្រួសារឥទ្ធិពលដីផលិតកសិកម្ម។ សប្បាយរីករាយចំពោះការយកចិត្តទុកដាក់គិតអានរបស់រដ្ឋចំពោះតំបន់ជនជាតិភាគតិច បងត្រាហ៊ីវ ភូមិផ្នោរកញ្ជើថ្មី ឃុំថាមដូង ឱ្យដឹង៖ ដោយគោលនយោបាយឧបត្ថម្ភរបស់រដ្ឋ ម៉្លោះហើយ ផ្លូវជនបទបានចាក់បេតុងធ្វើឱ្យមានភាពងាយស្រួលក្នុងការធ្វើដំណើរនិងដឹកជញ្ជូនទំនិញ ប្រព័ន្ធធារាសាស្ត្រក៏បានជីកស្តារដើម្បីបម្រើដល់ការស្រោចស្រពផលិតកសិកម្ម ប្រជាជនយើងខ្ញុំមានការយល់ស្របខ្លាំងស្ងប់ចិត្តនិងខិតខំ ប្រឹងប្រែងពលកម្មផលិត។ បានដឹង សាខាបក្សភូមិផ្នោរកញ្ជើថ្មីឆ្លៀតការឧបត្ថម្ភរបស់ថ្នាក់លើ ក្នុងឆ្នាំ២០២៣ ឧបត្ថម្ភផ្ទះមហាសាមគ្គីចំនួន២ខ្នងដល់គ្រួសារក្រដែលលំបាកអំពីផ្ទះនៅ ពីប្រភពមូលនិធិ “ដើម្បីអ្នកក្រ” របស់ខេត្ត ផ្ទះនីមួយៗមានតម្លៃ៥០លានដុង ឧបត្ថម្ភធានារ៉ាប់រងសុខាភិបាលទូទាំងជនរួមជាតិខ្មែរ-ហ្វា សម្រេច១០០% រៀងរាល់ឆ្នាំ ចលនាសប្បុរសជនជូនអំណោយ១០០ចំណែក ដល់គ្រួសារក្រ ក្បែរក្រ សរុបថវិកាជាង២០លានដុង។ ដោយការយកចិត្តទុកដាក់របស់ បក្ស រដ្ឋក្នុងការគិតអានជីវភាព សម្ភារៈនិងស្មារតីរបស់មាមីងក្នុងភូមិកាន់តែបានលើកកម្ពស់និងសង់ផ្ទះរឹងមាំមានគ្រួសារជាច្រើនឈានឡើងធូរធារ។
មកផោ្នរកញ្ជើថ្មីសព្វថ្ងៃបានឃើញទិដ្ឋភាពជនបទផ្លាស់ថ្មី ជាមួយនឹងហេដ្ឋារចនាសម្ព័ន្ធរឹងមាំ វាលស្រែធំល្វឹងល្វើយ ប្រកបដោយភាពសប្បាយរីករាយរបស់ប្រជាជនសមិទ្ធផលទាំងនោះរួមចំណែកដល់បក្ខភាគ រដ្ឋអំណាចនិងប្រជាជន ឃុំថាមដូងសម្រេចបាននូវទិសដៅកម្មវិធីកសាងជនបទថ្មីគំរូនាពេលខាងមុខ៕
ដាលីន-លីហាន់
Thông tin bạn đọc
Đóng Lưu thông tin