ជនរួមជាតិខ្មែរសុកត្រាំងទទួលបុណ្យសែនដូនតាសុខដុម សុភមង្គល

បុណ្យសែនដូនតាឆ្នាំនេះ បានប្រារព្ធឡើងចាប់ពីថ្ងៃ១៤រោច ខែភទ្របទដល់ថ្ងៃ១កើត ខែអស្សុជ ឆ្នាំរោង។ បានចាត់ទុកថាជាពិធីបុណ្យប្រពៃណីពោរពេញដោយអត្តសញ្ញាណវប្បធម៌របស់ជនរួមជាតិខ្មែរ ហើយបានរក្សាទុកមកជាច្រើនជំនាន់។

នាឱកាសបុណ្យចូលឆ្នាំថ្មីនិងបុណ្យសែនដូនតា គណៈកម្មាធិការបក្ស រដ្ឋអំណាចភូមិភាគគ្រប់ថ្នាក់តែងប្រគេនអំណោយដល់វត្តទក្ខិណនិកាយខ្មែរនិងមាមីងពុទ្ធបរិស័ទខ្មែរក្រ នៅលើភូមិដ្ឋានខេត្ត

នាឱកាសបុណ្យចូលឆ្នាំថ្មីនិងបុណ្យសែនដូនតា គណៈកម្មាធិការបក្ស រដ្ឋអំណាចគ្រប់ថ្នាក់តែងប្រគេនអំណោយដល់វត្តទក្ខិណនិកាយខ្មែរនិងមាមីងពុទ្ធបរិស័ទខ្មែរក្រនៅលើភូមិដ្ឋានខេត្ត

តាមដងផ្លូវចូលទៅកាន់ភូមិស្រុកនៅតំបន់មានជនរួមជាតិខ្មែររស់នៅច្រើនយើងនឹងបានឃើញ “ការផ្លាស់ថ្មី” នៅគ្រប់វិស័យនៃជីវភាពរបស់មាមីង។ បណ្តាផ្ទះថ្មីរឹងមាំ ផ្លូវចាក់កៅស៊ូ វាលស្រែខៀវស្រស់ សិស្សានុសិស្សស្លៀកពាក់យ៉ាងស្អាតស្អំ នាំគ្នាទៅសាលាដោយសប្បាយរីករាយ។ បណ្តារូបភាពដ៏រស់រវើកនោះបានបង្ហាញពីជីវភាពសេដ្ឋកិច្ច-វប្បធម៌របស់ជនរួមជាតិខ្មែរនៅសុកត្រាំងមួយថ្ងៃកាន់តែរីកចម្រើនឈានឡើង។ នោះជាលទ្ធផលនៃការយកចិត្តទុកដាក់គិតអានរបស់បក្ស រដ្ឋ និងការខិតខំរបស់ប្រជាជន។ល។ មកដល់ដាយតឹម ស្រុកមីស្វៀង (សុកត្រាំង) ជាឃុំមួយក្នុងចំណោមឃុំចំនួនពីរដែលបានខេត្តទទួលស្គាល់សម្រេចបទដ្ឋានជនបទថ្មីគំរូនៅដើមឆ្នាំ២០២៤។ ប៉ុន្មានថ្ងៃបុណ្យសែនដូនតាប្រពៃណីរបស់ជនរួមជាតិខ្មែរ យើងខ្ញុំមានអារម្មណ៍សប្បាយរីករាយនិងក្តីរំភើបរបស់មាមីងនៅទីនេះ។ ពិសេស ពេលឃើញភូមិស្រុកប្រែថ្មី ហេដ្ឋារចនាសម្ព័ន្ធកសាងរឹងមាំ ផលិត ធ្វើអាជីវកម្ម កសិកម្មមានការរីកចម្រើនឥតឈប់ឈរ ជីវភាពសម្ភារៈ ស្មារតីរបស់ប្រជាជនបានលើកកម្ពស់។ ពូត្រឹងវ៉ាំងបុង អ្នកមានប្រិយភាពនៅឃុំដាយតឹមបាននិយាយដោយរីករាយ៖ បើធៀបនឹងកាលពីមុន បច្ចុប្បន្ន ជីវភាពរបស់ជនរួមជាតិខ្មែរបានផ្លាស់ប្តូរច្រើន។ ប៉ុន្មានឆ្នាំជិតៗនេះ ជាមួយនឹងការអនុវត្តគម្រោង កម្មវិធី ជីវភាពរស់នៅរបស់ប្រជាជនបានវិនិយោគកាន់តែច្រើន ទិដ្ឋភាពជនបទមានភាពរីកចម្រើន ជីវភាពជនរួមជាតិខ្មែរនៅទីនេះបានកែលម្អយ៉ាងសកម្ម។ បុណ្យសែនដូនតាឆ្នាំនេះ គ្រួសារខ្ញុំនិងមាមីងនៅឃុំដាយតឹមមានក្តីរំភើបជាខ្លាំងនិងរៀបចំយ៉ាងម៉ត់ចត់ជាងឆ្នាំមុនៗព្រោះសេដ្ឋកិច្ចគ្រួសារកាន់តែធូរធារ។ ប៉ុន្មានថ្ងៃមុនពិធីបុណ្យសែនដូនតាប្រពៃណីរបស់ជនរួមជាតិខ្មែរ ព្រះសង្ឃក្នុងវត្តតុបតែងផ្កា ទង់ លាបពណ៌ ជួសជុលសំណង់ផ្សេងៗ សម្អាតអនាម័យបរិស្ថានដើម្បីបង្កទិដ្ឋភាពថ្មីក្នុងវត្ត។ នាឱកាសអំណរពិធីបុណ្យសែនដូនតា នៅតាមភូមិភាគមានជនរួមជាតិខ្មែររស់នៅច្រើន គណៈកម្មាធិការបក្ស រដ្ឋអំណាចភូមិភាគគ្រប់ថ្នាក់ក៏មានសកម្មភាពជាច្រើនគួរឱ្យយកចិត្តទុកដាក់ ឧបត្ថម្ភទាន់ពេលចំពោះគ្រួសារមានស្ថានភាពលំបាក គ្រួសារគោលនយោបាយដើម្បីមាមីងមានឱកាសទទួលបុណ្យគ្រប់គ្រាន់ កក់ក្តៅ។ ទន្ទឹមនឹងនោះ នៅទាំងសហការជាមួយវត្តនានាដើម្បីចាត់តាំងសកម្មភាពលេងល្បែងកម្សាន្តជាច្រើនដែលពោរពេញដោយអត្តសញ្ញាណវប្បធម៌ជនជាតិដូចៈ ចាត់តាំងប្រកួតកីឡា សិល្បៈ ល្បែងប្រជាប្រិយពោរពេញដោយអត្តសញ្ញាណវប្បធម៌របស់ជនរួមជាតិខ្មែរ។ ព្រះតេជគុណលីឌឹក សមាជិករដ្ឋសភានីតិកាលទី១៥ អាណត្តិកាល២០២១-២០២៦ សមាជិកប្រចាំការក្រុមប្រឹក្សាអភិបាលមជ្ឈឹមសមាគមពុទ្ធសាសនាវៀតណាមអនុប្រធានគណៈអភិបាលសមាគមពុទ្ធសាសនាវៀតណាមខេត្ត អនុប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង ព្រះចៅអធិការវត្តបទុមវង្សាសំរោង សង្កាត់៥ ទីក្រុងសុកត្រាំង មានសង្ឃដីកា៖ ឆ្នាំនេះ បរិយាកាសទទួលបុណ្យរបស់មាមីងមានភាពសប្បាយរីករាយនិងរំភើបខ្លាំងណាស់។ ពេលកន្លង គណៈកម្មាធិការបក្ស រដ្ឋអំណាចភូមិភាគបានផ្សព្វផ្សាយអនុវត្តគម្រោង កម្មវិធីជាច្រើនដើម្បីឧបត្ថម្ភដល់ជនរួមជាតិ។ មកដល់ពេលនេះ ជីវភាពសម្ភារៈ ស្មារតីបានកែលម្អមួយជំហានម្តង ភូមិស្រុកកាន់តែផ្លាស់ថ្មីនិងសម្បូរសប្បាយ។

បរិយាកាសនៃវត្តទក្ខិណនិកាយខ្មែរក្នុងប៉ុន្មានថ្ងៃជិតដល់ពិធីបុណ្យសែនដូនតា

បរិយាកាសនៃវត្តទក្ខិណនិកាយខ្មែរក្នុងប៉ុន្មានថ្ងៃបុណ្យសែនដូនតា

ដើម្បីជួយជនរួមជាតិខ្មែរឈានឡើងក្នុងជីវភាព ផ្សព្វផ្សាយកម្មវិធីទិសដៅជាតិ អភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ (ហៅកាត់ថាកម្មវិធី) ដំណាក់កាល២០២១-២០៣០ ដំណាក់កាលទី១ ពីឆ្នាំ២០២១-២០២៥ ខេត្តសុកត្រាំងបានប្រមូលផ្តុំប្រភពកម្លាំងវិនិយោគអភិវឌ្ឍបណ្តាសំណង់ហេដ្ឋារចនាសម្ព័ន្ធសំខាន់ៗដើម្បីបម្រើការរស់នៅរបស់ប្រជាជនលើភូមិដ្ឋានលំបាកនៅតំបន់ជនជាតិភាគតិច។ គិតដោយឡែក៦ខែដើមឆ្នាំ២០២៤ ការអនុវត្តកម្មវិធី ខេត្តបានផ្តោតសំខាន់លើការឧបត្ថម្ភដីនៅជូនប្រជាជនចំនួន៤គ្រួសារ ផ្ទះនៅជូន៣១៤គ្រួសារ ផ្លាស់ប្តូរមុខរបរជូន១៥២គ្រួសារ ទឹកស្អាតស្របអនាម័យជូន៨៦គ្រួសារ វិនិយោគបន្ថែម បើកទូលាយបណ្តាញបំពង់ទឹកស្អាតប្រមូលផ្តុំចំនួន៤សំណង់ បន្តរក្សាទម្រង់អភិវឌ្ឍផលិតសម្បូរបែបសហគមន៍ ឆ្នាំ២០២២-២០២៣។ ផ្សព្វផ្សាយអនុវត្តសំណង់ហេដ្ឋារចនាសម្ព័ន្ធបន្តនិងកសាងថ្មីចំនួន៥៨សំណង់ (ក្នុងនោះស្ពាន ផ្លូវជនបទចំនួន៥២សំណង់ អគារសកម្មភាពសហគមន៍ចំនួន២ សង់ផ្សារថ្មីចំនួន៤) នៅតំបន់ជនជាតិភាគតិច។ល។ សមមិត្តឡឹមហ្វាងម៉ូវ-អនុប្រធានគណៈជនជាតិខេត្តសុកត្រាំងឱ្យដឹង៖ ប៉ុន្មានឆ្នាំកន្លង ដោយការអនុវត្តព្រមៗគ្នា ប្រសិទ្ធភាពនៃកម្មវិធីគោលនយោបាយជនជាតិ គួបផ្សំជាមួយលទ្ធផលកសាងជនបទថ្មីនិងកម្មវិធីបន្ថយក្រស្ថេរភាព ទិដ្ឋភាពភូមិស្រុកនៅតំបន់ជនរួមជាតិខ្មែរកាន់តែរីកចម្រើន ជីវភាពសម្ភារៈនិងស្មារតីរបស់ប្រជាជនកាន់តែឈានឡើង។ ដោយមានការចូលរួមរបស់ទូទាំងប្រព័ន្ធនយោបាយនិងការខិតខំប្រឹងប្រែងរបស់ជនរួមជាតិ បានរួមចំណែកក្នុងការលើកកម្ពស់ប្រសិទ្ធភាពនៃកម្មវិធី។ អាស្រ័យហេតុនេះ ឆ្នាំ២០២៣ ទូទាំងខេត្តបន្ថយគ្រួសារខ្មែរក្រជិត២.០០០គ្រួ និងគ្រួសារខ្មែរក្បែរក្រ៤.១២៥គ្រួ។

មកភូមិស្រុកនៅតំបន់ជនរួមជាតិខ្មែរ ក្នុងប៉ុន្មានថ្ងៃដែលចាត់តាំងពិធីបុណ្យសែនដូនតាឆ្នាំនេះបានប្រព្រឹត្តឡើងដោយសុខក្សេមក្សាន្ត វិបុលសុខ បង្ហាញពីជីវភាពផ្លាស់ថ្មីមួយថ្ងៃកាន់តែអភិវឌ្ឍនិងសម្បូរសប្បាយ។ ដោយមានការយកចិត្តទុកដាក់គិតអានរបស់បក្សនិងរដ្ឋ មាមីងខ្មែរនៅភូមិស្រុកកំពុងមានពិធីបុណ្យអធិកអធម សប្បាយរីករាយជាមួយជីវភាពសុខដុមពោរពេញដោយសុភមង្គល៕

ចន្ថា-លីហាន់

ជនរួមជាតិខ្មែរសុកត្រាំងទទួលបុណ្យសែនដូនតាសុខដុម សុភមង្គល

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

ជនរួមជាតិខ្មែរសុកត្រាំងទទួលបុណ្យសែនដូនតាសុខដុម សុភមង្គល

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង