 |
|
ពិធីបុណ្យសែនដូនតារបស់ជនរួមជាតិខ្មែរប្រារព្ធឡើង៣ថ្ងៃ គឺថ្ងៃ១៤-១៥រោច ខែភទ្របទនិង១កើត ខែអស្សុជ(ត្រូវនឹងថ្ងៃទី១,២,៣ ខែតុលាតាមសុរិយាគតិ) |
នៅខេត្តសុកត្រាំង ឆ្នាំនេះ មាមីងខ្មែរនៅបណ្តាភូមិស្រុកទទួលបុណ្យសែនដូតាយ៉ាងសប្បាយរីករាយ ដោយបានការយកចិត្តទុកដាក់របស់គណៈកម្មាធិការបក្ស រដ្ឋអំណាចមជ្ឈិមនិងភូមិភាគ។ ភូមិស្រុកនានារបស់មាមីង ហេដ្ឋារចនាសម្ព័ន្ធជាច្រើនបានវិនិយោគរឹងមាំ ទំនើប គោលនយោបាយជនជាតិបានផ្សព្វផ្សាយអនុវត្តទាន់ពេល មានប្រសិទ្ធភាព ដើម្បីជួយមាមីងមានលក្ខណៈក្នុងការអភិវឌ្ឍផលិតឈានឡើងលំនឹងជីវភាព…។
ទទួលយើងខ្ញុំក្នុងផ្ទះថ្មី ពូត្រឹងយីវ នៅភូមិតាឃ្វឹចអា ទីរួមស្រុកចូវថាញ់ ស្រុកចូវថាញ់មិនអាចលាក់បាំងភាពសប្បាយរីករាយបាន ព្រោះនេះជាឆ្នាំដំបូងដែលគ្រួសាររបស់ពូបានទទួលបុណ្យសែនដូនតាយ៉ាងកក់ក្តៅបំផុត។ សំឡឹងមើលផ្ទះថ្មី ពូយីវរំជួលចិត្តនិយាយ៖ គ្រួសារក្រគ្មានដីផលិត ទើបត្រូវចាកចេញពីស្រុកកំណើតធ្វើកា។ ភ្លាមនេះសោះក៏ជាង៦ឆ្នាំហើយ ទោះបីមានការខំប្រឹងសន្សំប្រាក់ឱ្យបានគ្រប់គ្រាន់ដើម្បីសង់ផ្ទះរឹងមាំ សម្រាប់បាំងក្តៅ បាំងភ្លៀងជាការលំបាកចំពោះគ្រួសារ។ ឆ្នាំ២០២៣ ពេលដែលឮថារដ្ឋឧបត្ថម្ភផ្ទះនៅពីកម្មវិធីទិសដៅជាតិអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល២០២១-២០៣០ រួមជាមួយនឹងចំនួនប្រាក់ដែលសន្សំច្រើនឆ្នាំមក ខ្ញុំសង់បានផ្ទះថ្មីនេះ។ទទួលបុណ្យសែនដូនតាឆ្នាំនេះ កូនៗមកលេងផ្ទះ ចាត់តាំងសែនជីដូនជីតា ក៏កក់ក្តៅជាង។ ខ្ញុំអរគុណរដ្ឋយ៉ាងខ្លាំងដែលបានយកចិត្តទុកដាក់ឧបត្ថម្ភសង់ផ្ទះ។ សប្បាយរីករាយទទួលបុណ្យសែនដូនតា គ្រួសារពូត្រឹងង៉ុកភឿង នៅឃុំធ្វឹងហ្វា ស្រូវចូវថាញ់។ ថ្មីៗនេះ គ្រួសារពូភឿង បានរដ្ឋឧបត្ថម្ភគោពូជ២ក្បាលពីគម្រោងបង្កបង្កើនផល អភិវឌ្ឍទម្រង់បន្ថយក្រពីកម្មវិធីទិសដៅជាតិបន្ថយក្រស្ថេរភាព ដំណាក់កាល២០២១-២០២៥។ ពូត្រឹងង៉ុកភឿង ចែករំលែក៖ ដោយការឧបត្ថម្ភនេះ គ្រួសារខ្ញុំមានលក្ខណៈបន្ថែមដើម្បីលំនឹងជីវភាព។ បច្ចុប្បន្ន ខ្ញុំដាំស្មៅបន្ថែមធ្វើជាចំណីឱ្យគោ ទន្ទឹមនឹងនោះ ជួលដីចម្ការ៣កុងដាំពុទ្រា ដើម្បីបង្កើនប្រាក់ចំណូលដល់គ្រួសារ។
 |
| ជនរួមជាតិខ្មែរប្រារព្ធពិធីកិច្ចបុណ្យសែនដូនតានៅវត្ត |
សុកត្រាំង ជាភូមិភាគដែលមានជនរួមជាតិខ្មែររស់នៅច្រើន ស្រូបអត្រាជាង៣០%។ ប៉ុន្មានឆ្នាំកន្លង ខេត្តតែងយកចិត្តទុកដាក់ផ្សព្វផ្សាយអនុវត្តគោលនយោបាយរបស់បក្សនិងរដ្ឋចំពោះជនរួមជាតិ។ អាស្រ័យហេតុនេះ ជីវភាពរបស់ជនរួមជាតិខ្មែរកាន់តែបានកែលម្អ លើកកម្ពស់។
ជាឃុំដែលមានជនជាតិភាគតិចរស់នៅច្រើនរបស់ស្រុកមីទូ ជនរួមជាតិខ្មែរ ស្រូបអត្រាជាង៩២% នៃចំនួនប្រជាជនទូទាំងឃុំ បច្ចុប្បន្ន តំបន់ជនបទឃុំភូមីមិនបង្អង់“ផ្លាស់ថ្មី” ជាមួយនឹងទិដ្ឋភាពថ្មីខែងរ៉ែង។ ស.មបាន់ឌឹកក្វាង-អនុប្រធានគណៈកម្មាធិការប្រជាជនឃុំភូមី ឱ្យដឹង៖ ដោយមានប្រភពទុនវិនិយោគ ពិសេស គឺ៣កម្មវិធីទិសដៅជាតិ រួមមានកសាងជនបទថ្មី អភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំនិងកម្មវិធីបន្ថយក្រស្ថេរភាព បច្ចុប្បន្ន ភូមីបានចាក់កៅស៊ូឬចាក់បេតុងរាបរលូន គ្រប់ផ្លូវឃុំ ផ្លូវភូមិធានាបានយានជំនិះចេញចូលងាយស្រួលជុំឆ្នាំជុំខែ តាមនោះ ជំរុញការអភិវឌ្ឍសេដ្ឋកិច្ចនៅភូមិភាគ។
គ្រួសារបងលីឌឿង នៅភូមិបឹងកក់ ក្រៅពីធ្វើស្រែ១០កុង ថែមទាំងដាំដុះនិងប្រកបរបរប្រមូលបន្លែរបស់មាមីងនៅជិតខាង ដើម្បីទៅប្រគល់នៅឯផ្សារមជ្ឈមណ្ឌលទីក្រុងសុកត្រាំង។ បងឌឿង រីករាយចែករំលែក៖ បើធៀបនឹងកាលពីមុន ផ្លូវក្នុងឃុំសព្វថ្ងៃបានវិនិយោគរឹងមាំ បើកទូលាយ ពិសេស ជាផ្លូវគមនាគមន៍ជនបទ កសាងដល់ភូមិនានាឆ្លងកាត់ចម្ការបន្លែរបស់មាមីង ដូច្នេះ រថយន្ត ម៉ូតូចេញចូលដល់ចម្ការ ដើម្បីដឹកបន្លៃផ្លែឈើយ៉ាងងាយស្រួលដោយមិនចាំបាច់ខ្វល់ពីការដឹកជញ្ជូនតាមទូកឬធ្វើដំណើរ លំបាកដូចពីមុនទៀតឡើយ។ ស.មបាន់ឌឹកក្វាង បានសង្កត់បន្ថែមការផ្លាស់ថ្មីទិដ្ឋភាពនៃតំបន់ជនបទ នាដើមឆ្នាំនេះ ភូមីបានទទួលស្គាល់សម្រេចបទដ្ឋានជនបទថ្មី៖ បច្ចុប្បន្ន សាលាទាំង៤ក្នុងឃុំតែងសម្រេចបទដ្ឋានជាតិពីមូលដ្ឋានសម្ភារៈកម្រិត១ ដូច្នេះ គុណភាពសិក្សារបស់សិស្សក៏មានភាពប្រសើរជាងមុន។ ក្រៅពីហេដ្ឋារចនាសម្ព័ន្ធបានវិនិយោគរឹងមាំ មាមីងនៅទីនេះក៏បានកសាងទម្រង់ជាច្រើនដែលនាំមកនូវប្រសិទ្ធភាពសេដ្ឋកិច្ចខ្ពស់ ដូចជាទម្រង់ធ្វើស្រែគុណភាពខ្ពស់ តំបន់ជំនាញដាំបន្លែ ដំណាំនៅតាមវាលស្រែ ចិញ្ចឹមគោសាច់ គោទឹកដោះ។ល។ អាស្រ័យហេតុនេះ រួមចំណែកបង្កើនប្រាក់ចំណូលជាមធ្យមក្នុងមនុស្សម្នាក់ជិត៥៧លានដុង/ម្នាក់/ឆ្នាំ។ គិតដល់ចុងឆ្នាំ២០២៣ ចំនួនគ្រួសារក្ររបស់ឃុំភូមី នៅត្រឹមតែ០,១៤%គ្រួ គ្រួសារក្បែរក្រ នៅត្រឹមតែ៣,៥២%។
តាមស.មឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង បានឆ្លងកាត់ដំណាក់កាលដ៏លំបាក២០១៩-២០២៤ ជាមួយនឹងការផ្លាស់ប្តូរច្រើន បញ្ហាជាច្រើនបានកើតឡើងដែលមិនធ្លាប់មានពីមុនមកនិងពិបាកព្យាករណ៍ ពិសេស អាសន្នជំងឺកូវីដ-១៩ ការប្រែប្រួលអាកាសធាតុកាន់តែធ្ងន់ធ្ងរបានឥទ្ធិពលយ៉ាងសកម្មដល់ជីវភាពរស់នៅរបស់ប្រជាជន។ ក្នុងនោះ ក្រោមការដឹកនាំរបស់គណៈកម្មាធិការបក្ស រដ្ឋអំណាចគ្រប់ថ្នាក់និងប្រជាជនក្នុងខេត្ត ពិសេស បណ្តាជនជាតិភាគតិចបានពង្រីកប្រពៃណីសាមគ្គី ស្មារតីស្នេហាជាតិបញ្ចេញកម្លាំងប្រឡងប្រណាំង ខិតខំប្រឹងប្រែងជម្នះការលំបាក បញ្ហាប្រឈមមុខតាំងពីនោះទទួលបានស្នាដៃដ៏ធំ។ ក្នុងដំណាក់កាល២០១៩-២០២៤ សេដ្ឋកិច្ចរបស់ខេត្តបន្តកើនឡើងជាបន្តបន្ទាប់។ ដោយឡែក៦ខែដើមឆ្នាំ២០២៤ សម្រេចជាង៦,៥% ខ្ពស់ជាងបើធៀបនឹងកម្រិតមធ្យមរួមទូទាំងប្រទេស(៦,៤២%) ឈរចំណាត់ថ្នាក់ទី៦នៅក្នុងតំបន់វាលរាបទន្លេគីវឡុង។ GRDP មធ្យមមនុស្សម្នាក់គិតដល់ចុងឆ្នាំ២០២៣ សម្រេចជាង៦០លានដុង/ម្នាក់/ឆ្នាំ។
ស.មលេខាបក្សខេត្តឡឹមវ៉ាំងម៉ឹង បានសង្កត់ធ្ងន់បន្ថែមពីប្រភពកម្លាំងនៃកម្មវិធីទិសដៅជាតិទាំង៣បានគួបផ្សំផ្សព្វផ្សាយអនុវត្តមានប្រសិទ្ធភាព ដើម្បីវិនិយោគជួសជុលធ្វើឱ្យផ្លាស់ថ្មីនូវហេដ្ឋារចនាសម្ព័ន្ធសេដ្ឋកិច្ច-សង្គម នៅតំបន់ជនជាតិភាគតិចមកដល់ពេលនេះ ឃុំទាំងអស់មានផ្លូវរថយន្តដល់មជ្ឈមណ្ឌល ជាង៩៩%គ្រួសារតំបន់ជនជាតិភាគតិចបានប្រើប្រាស់បណ្តាញអគ្គិសនីជាតិ អត្រាគ្រួសារប្រើប្រាស់ទឹកស្អាតស្របអនាម័យសម្រេចជាង៩៩,៦%។ ពិសេស ការបន្ថយក្រនៅតំបន់ជនជាតិភាគតិចមានការផ្លាស់ប្តូរយ៉ាងសកម្ម។ ទូទាំងខេត្តបានជំនួយឧបត្ថម្ភផ្លាស់របរឱ្យគ្រួសារចំនួន៤.៦០០គ្រួ ជាមួយ៦៧ទម្រង់អភិវឌ្ឍផលិត រួមចំណែកដល់ការបង្កបង្កើនផលសហគមន៍និងបន្ថយក្រស្ថេរភាព។ គិតដល់ចុងឆ្នាំ២០២៣ នៅលើភូមិដ្ឋានខេត្តនៅមានគ្រួសារជនជាតិភាគតិចក្រជាង៤.០០០គ្រួថយចុះជាង៦.៥០០គ្រួសារបើធៀបនឹងឆ្នាំ២០២១ អត្រាគ្រួសារក្រមធ្យមបានថយចុះ២%/ឆ្នាំ ក្នុងនោះ បន្ថយអត្រាគ្រួសារខ្មែរក្រ៣%/ឆ្នាំ។ បណ្តាគោលនយោបាយសុខុមាលភាពសង្គម បានអនុវត្តទាន់ពេល ចំមុខសញ្ញា។ ក្នុងដំណាក់កាល២០១៩-២០២៤ ខេត្តបានឧបត្ថម្ភសង់ផ្ទះនៅជូនគ្រួសារក្រចំនួន១៤.៨២៦ខ្នង ក្នុងនោះ មាន៦.១៨៤ខ្នង សម្រាប់គ្រួសារជនជាតិភាគតិច។ល។
 |
|
ការអប់រំនៅតំបន់ជនរួមជាតិខ្មែរបានយកចិត្តទុកដាក់ |
បណ្តាលទ្ធផលដែលសម្រេចបានគឺការប្តេជ្ញានយោបាយនិងកិច្ចចង្អុលការ ដឹកនាំយ៉ាងប្តូរផ្តាច់របស់គណៈកម្មាធិការបក្ស រដ្ឋអំណាចគ្រប់ថ្នាក់ក្នុងខេត្តសុកត្រាំង ទន្ទឹមនោះ ការខិតខំប្រឹងប្រែងជម្នះការលំបាកឈានឡើងរបស់ប្រជាជន បណ្តាជនជាតិនៅលើភូមិខេត្ត ឆ្លងតាមនោះ មួយជំហានម្តងៗ“ភាពវិវឌ្ឍន៍ថ្មី” នៅតំបន់ជនជាតិភាគតិច។
ការផ្លាស់ថ្មីក្នុងតំបន់ជនរួមជាតិខ្មែរសព្វថ្ងៃ ក៏បានបញ្ជាក់ពីការយកចិត្តទុកដាក់ គិតអានរបស់បក្សនិងរដ្ឋ បណ្តារដ្ឋអំណាចភូមិភាគគ្រប់ថ្នាក់ ដើម្បីភាពសុខដុមរបស់ជនរួមជាតិ ជួយភូមិស្រុក គ្រួសារជនរួមេជាតិខ្មែរទទួលបុណ្យសែនដូនតាយ៉ាងសប្បាយរីករាយនិងសុភមង្គល៕
ថាច់ហុង-លីហាន់
Thông tin bạn đọc
Đóng Lưu thông tin