 |
| បងសន (ខាងស្តាំ) សង់ផ្ទះជូនគ្រួសារក្រនៅភូមិព្រែកចាក ឃុំលីវទូ ស្រុកត្រឹងដេ (សុកត្រាំង) |
ចែករំលែកពីការមាននិស្ស័យជាមួយនឹងការងារសប្បុរសធម៌គឺពេលអាសន្នជំងឺកូវីដ-១៩កើតឡើង ដោយឃើញមាមីងជួបការលំបាកលើភូមិដ្ឋានស្រុកត្រូវការជំនួយ។ ជាមួយស្មារតី “ជួយគ្នាទៅមក” “អ្នកមានរក្សាខ្សត់” បងសនបានខ្នះខ្នែងមិនខ្លាចនឿយហត់ ចលនាមិត្តភក្តិ សាច់ញាតិនិងសប្បុរសជនដើម្បីឧបត្ថម្ភដល់គ្រួសារក្រ គ្រួសារជួបការលំបាក បំផុតគឺកុមារក្រ អ្នកអនាថា ដោយបានជូនអង្ករ ថវិកា អំណោយ។ល។ ជួយឱ្យពួកគាត់ឆ្លងផុតការលំបាកដើម្បីឈានឡើងក្នុងជីវភាព។
ឆ្នាំ២០២១ ពេលអាសន្នជំងឺកូវីដ-១៩កើតឡើង ជាមួយនឹងថវិកាចលនានិងទឹកប្រាក់ដែលគ្រួសារប្រិតសំចៃបាន បងសនជូនអង្ករចំនួន៣តោនដល់គ្រួសារក្រ អ្នកអនាថា អ្នកវ័យចាស់ក្នុងភូមិជាមួយថវិកាចំនួន៤០លានដុងនិងរបស់របរប្រើប្រាស់ដូចៈ មី ស្ករ ទឹកស៊ីអ៊ីវ ទឹកត្រី។ល។ ជាមួយថវិកាចំនួន១៥លានដុង។ ក្រៅពីនោះ រាល់ឆ្នាំបងសននៅទាំងជូនថវិកាដល់អ្នកអនាថា អ្នកវ័យចាស់ គ្រួសារជួបការលំបាកជាមួយថវិកា១០លានដុង។ ទន្ទឹមនោះ បងនៅទាំងសហការជាមួយរដ្ឋអំណាចភូមិភាគចលនាប្រជាជនកសាងស្ពានក្នុងភូមិជាមួយថវិកាចំនួន១០លានដុង ចលនាសប្បុរសជនដាក់អំពូលភ្លើងថាមពលព្រះអាទិត្យចំនួន៦៥សម្រាប់អុជបំភ្លឺដងផ្លូវជនបទ ដោយតម្លៃ៥០លានដុង។ ចលនាអាណាព្យាបាលសិស្សទិញទូរទស្សន៍ កំព្យួទ័រ ទឹកផឹកឱ្យប្អូនៗសាលាមត្តេយ្យ សាលាបឋមសិក្សាលីវទូបេ ជាមួយថវិកាជិត១០០លានដុង។ ពិសេស ដើមឆ្នាំ២០២៤ បងចលនាគប់វាល់សង់ផ្ទះមួយខ្នងជូនគ្រួសារក្រជួបការលំបាកពីផ្ទះនៅដោយតម្លៃ៣០លានដុង។ បងសនបានឱ្យដឹង៖ ពីមុន គ្រួសារខ្ញុំក៏ជួបការលំបាក ដោយអាណិតស្រឡាញ់គ្រួសារក្រ គ្រួសារដែលមានជីវភាពក្រលំបាកទើបខ្ញុំមានចិត្តមេត្តាជួយតាមសមត្ថភាពរបស់ខ្លួន។
វាយតម្លៃពីបងឡឹមសន លោកយឿងលន់-លេខាសាខាបក្សភូមិព្រែកចាកបានឱ្យដឹង៖ បងសនជាអ្នកមានស្មារតីទទួលបន្ទុកខ្ពស់ក្នុងការចលនាប្រជាជនគប់វាល់ការងារសង្គមនៅភូមិភាគ។ រួមចំណែកជាមួយរដ្ឋអំណាចភូមិភាគអនុវត្តការងារបំបាត់អត់បន្ថយក្រ។ ស្មារតីសកម្មខ្នះខ្នែងដើម្បីជីវភាពសហគមន៍របស់បងសនពិតជាគំរូគួរឱ្យស្ងើចសរសើរ។
ជាមួយទង្វើជាក់ស្តែងខាងលើ បងសនបានគណៈកម្មាធិការប្រជាជនខេត្តសុកត្រាំងជូនប័ណ្ណសរសើរពី “សម្រេចស្នាដៃឆ្នើមក្នុងការកសាងឃុំសម្រេចជនបទថ្មីឆ្នាំ២០២៣” ។ ជាមួយទឹកចិត្តសប្បុរសធម៌របស់បងសននិងគ្រួសារពិតជាគួរឱ្យគោរព៕
លីហាន់-សុផល
Thông tin bạn đọc
Đóng Lưu thông tin