 |
| គ្រួសារបងលីវីណា នៅអនុសង្កាត់៤ សង្កាត់៥(ទីក្រុងសុកត្រាំង) មានចំណូលស្ថេរភាពដោយបានការឧបត្ថម្ភផ្លាស់ប្តូរទម្រង់សេដ្ឋកិច្ច |
ទីក្រុងសុកត្រាំង មានប្រជាជនសរុបជាង១៤៤.០០០នាក់ ក្នុងនោះ ជនរួមជាតិខ្មែរ ស្រូបអត្រាជាង២៣%។ ដោយបានយកចិត្តទុកដាក់របស់គណៈផ្នែកគ្រប់ថ្នាក់ ជីវភាពរបស់មាមីងនៅតំបន់ជនរួមជាតិខ្មែរមានការផ្លាស់ប្តូរយ៉ាងសកម្មលើគ្រប់វិស័យ។ ជាក់ស្តែង ពីប្រភពទុននៃកម្មវិធីទិសដៅជាតិអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិច បណ្តាសង្កាត់បានវិនិយោគគម្រោងជាច្រើន បង្កលក្ខណៈសម្រាប់ប្រជាជនអភិវឌ្ឍសេដ្ឋកិច្ច លើកកម្ពស់ជីវភាព។
នៅសង្កាត់៥ (ទីក្រុងសុកត្រាំង) ប៉ុន្មានឆ្នាំជិតៗនេះ ពិសេស ចាប់ពីឆ្នាំ២០២១ មកដល់ពេលនេះ ដោយផ្អែកលើប្រភពទុនពីកម្មវិធីទិសដៅជាតិ ទីក្រុងបានកសាងសំណង់ គម្រោងជាច្រើននិងបណ្តុះបណ្តាលរបរ ដោះស្រាយការងារធ្វើឱ្យពលករជាជនជាតិភាគតិចនៅលើភូមិដ្ឋាន។ ឆ្លងតាមនោះ បង្កការផ្លាស់ប្តូរជាសារវ័ន្តនិងលើកកម្ពស់ជិវភាពសដេ្ឋកិច្ច-សង្គមរបស់ជនរួមជាតិនៅភូមិភាគឱ្យមានការអភិវឌ្ឍ ឆ្លងតាមការវិនិយោគទាំងនេះ ដំបូងបង្កការលេចធ្លោ សាយភាយទម្រង់សេដ្ឋកិច្ចជាច្រើន រួមចំណែកផ្លាស់ប្តូរទិដ្ឋភាព ជីវភាពរបស់ជនរួមជាតិនិយាយរួម។
តាមសមមិត្តឡេអាញ់ទ្វឹង-ប្រធានគណៈកម្មាធិការប្រជាជនសង្កាត់៥ (ទីក្រុងសុកត្រាំង) ឱ្យដឹង៖ ពេលកន្លង បណ្តាគោលនយោបាយអភិវឌ្ឍន៍តំបន់ជនជាតិភាគតិចលើភូមិដ្ឋានសង្កាត់៥ តែងទទួលបានការយកចិត្តទុកដាក់ពីគណៈកម្មាធិការបក្ស រដ្ឋអំណាចគ្រប់ថ្នាក់ផ្សព្វផ្សាយអនុវត្តព្រមៗគ្នា ទាន់ពេលនិងទទួលបានលទ្ធផលយ៉ាងសកម្ម។ មកដល់ពេលនេះ ផ្លូវនៅលើភូមិដ្ឋានបានចាក់បេតុង១០០% អត្រាគ្រួសារជនជាតិភាគតិចប្រើប្រាស់បណ្តាញអគ្គិសនីសម្រេច១០០% អត្រាធានារ៉ាប់រងសុខាភិបាលជនជាតិសម្រេច៩៥% សុខាភិបាលសង្កាត់ធានាតម្រូវការល្អចំពោះការងារថែទាំសុខភាពដំបូងឱ្យប្រជាជន បណ្តាញសាលារៀន មជ្ឈមណ្ឌលសិក្សាសហគមន៍ធានាបានតម្រូវការសិក្សានិងផ្សព្វផ្សាយចំណេះដឹងដល់ប្រជាជន។ល។ អាស្រ័យហេតុនេះ មានការផ្លាស់ប្តូរយ៉ាងសកម្ម ពិសេស ជីវភាពរស់នៅរបស់ជនរួមជាតិខ្មែរមានភាពអភិវឌ្ឍថ្មី លំនឹងជាងមុន។
ចែករំលែកអំពីការអភិវឌ្ឍរបស់គ្រួសារបន្ទាប់ពីទទួលបានផលគោលនយោបាយវិនិយោគពីកម្មវិធីទិសដៅជាតិ បងលីវីណា នៅអនុសង្កាត់៤ សង្កាត់៥ឱ្យដឹង៖ កាលពីមុន គ្រួសារក៏មានការលំបាក ឆ្លងតាមការឧបត្ថម្ភរបស់រដ្ឋ រដ្ឋអំណាចភូមិភាគ គ្រួសារខ្ញុំបានទទួលពូជកង្កែបចំនួន៤.០០០ក្បាល ចំណីចិញ្ចឹមសត្វនិងថ្នាំឱ្យកង្កែប។ លើកលក់ដំបូង ខ្ញុំទទួលបានប្រាក់ចំណេញជាង១០លានដុង ខ្ញុំឃើញទម្រង់នេះមានប្រសិទ្ធភាព ផ្តល់ប្រាក់ចំណូលក៏លំនឹង បច្ចុប្បន្នខ្ញុំកំពុងបន្តបើកទូលាយទម្រង់ចិញ្ចឹមកង្កែប។
ដើម្បីលើកកម្ពស់ឱ្យជនរួមជាតិខ្មែរ ពិសេស គ្រួសារក្រ ក្បែរក្រ គណៈកម្មាធិការបក្ស រដ្ឋអំណាចគ្រប់ថ្នាក់ ទីក្រុងសុកត្រាំងបានផ្សព្វផ្សាយអនុវត្តដំណោះស្រាយជាច្រើន ក្នុងនោះ ផ្តោតលើការឧបត្ថម្ភដីនៅ សង់ផ្ទះនៅ ដីផលិត បណ្តុះបណ្តាលរបរ ឧទ្ទេសនាមការធ្វើដល់ពលករក្នុងវ័យធ្វើការ។ ទន្ទឹមនឹងនោះ បង្កលក្ខណៈសម្រាប់ឧបត្ថម្ភបុលទុន ឧបត្ថម្ភដើមឈើ កូនពូជ សម្ភារៈបម្រើការផលិត រួមចំណែកជួយប្រជាជនបង្កើនប្រាក់ចំណូល កែលម្អជីវភាព។ ទន្ទឹមនឹងនោះ ទីក្រុងនៅទាំងប្រមូលផ្តុំកម្លាំង យកចិត្តទុកដាក់វិនិយោគព្រមៗគ្នាលើហេដ្ឋរចនាសម្ព័ន្ធ នៅតំបន់ដែលមានជនជាតិភាគតិចរស់នៅច្រើនដូច ផ្លូវគមនាគមន៍ អគ្គិសនី ទឹកស្អាត ប្រព័ន្ធធារាសាស្ត្រ សាលារៀន ដំណាក់សុខាភិបាល បង្កលក្ខណៈងាយស្រួលឱ្យជនរួមជាតិអភិវឌ្ឍផលិត ដឹកជញ្ជូនកសិផល។
មកដល់ពេលនេះ ផ្លូវច្រកតំបន់អាសយជននៅសង្កាត់ដែលមានជនរួមជាតិខ្មែររស់នៅច្រើន ចាក់បេតុងរាបរលូន។ សំណង់ស្ថាបត្យកម្មសាសនាជាច្រើនរបស់ជនរួមជាតិខ្មែរបានវិនិយោគកសាង ជួសជុល កែលម្អ ដោយឡែកឱកាសបុណ្យទាន បុណ្យចូលឆ្នាំថ្មីរបស់ជនរួមជាតិខ្មែរ រៀងរាល់ឆ្នាំ គណៈកម្មាធិការបក្ស គណៈកម្មាធិការប្រជាជនទីក្រុងបានចាត់តាំងពិធីជួបជុំ បង្កើតក្រុមប្រតិភូទៅសួរសុខទក្ខ ប្រគេនអំណោយដល់វត្ត គ្រួសារគោលនយោបាយ កម្មាភិបាលខ្មែរចូលនិវត្តន៍។
ទីក្រុងសុកត្រាំង ក៏ឆ្លៀតរាល់ប្រភពទុនវិនិយោគឧបត្ថម្ភពីកម្មវិធី គម្រោងរបស់មជ្ឈិម ខេត្ត គួបផ្សំជាមួយថវិកាភូមិភាគដើម្បីអភិវឌ្ឍព្រមៗគ្នានូវហេដ្ឋារចនាសម្ព័ន្ធសេដ្ឋកិច្ច-សង្គម បានធ្វើឱ្យផ្លាស់ប្តូរទិដ្ឋភាពទីក្រុងប្រភេទ២នៃខេត្តសុកត្រាំង។ បច្ចុប្បន្ន ១០០%សង្កាត់ដែលនៅលើភូមិដ្ឋានទីក្រុងមានផ្លូវម៉ូតូទៅដល់មជ្ឈមណ្ឌល។ ១០០%សាលា ថ្នាក់និងដំណាក់សុខាភិបាលបានកសាងរឹងមាំ គ្រប់គ្រួសារតែងមានបណ្តាញអគ្គិសនីជាតិនិងមានទឹកស្អាតស្របអនាម័យសម្រាប់ប្រើប្រាស់ប្រចាំថ្ងៃ គោលនយោបាយធានារ៉ាប់រងសុខាភិបាលបានអនុវត្តយ៉ាងគ្រប់គ្រាន់ ត្រូវតាមការកំណត់ បច្ចុប្បន្ន បានជូនជាង៤៥.០០០ប័ណ្ណធានារ៉ាប់រងសុខាភិបាលដល់គ្រួសារក្រ ក្បែរក្រនិងជនជាតិភាគតិចនៅលើភូមិដ្ឋាន។
ដោយឡែកការផ្សព្វផ្សាយ២កម្មវិធីទិសដៅជាតិបន្ថយក្រស្ថេរភាពនិងអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិច បានធ្វើឱ្យប្រសើរឡើងបន្តិចម្តងៗនូវជីវភាពសម្ភារៈ ស្មារតីរបស់ប្រជាជននៅសង្កាត់ដែលមានជនរួមជាតិខ្មែររស់នៅច្រើន។ លទ្ធផលឧបត្ថម្ភគ្រួសារក្រ ក្បែរក្រជិត៤០០គ្រួសារ នៅសង្កាត់២ សង្កាត់៤ សង្កាត់៥ សង្កាត់៧ សង្កាត់៨និងសង្កាត់១០ ដើម្បីសង់ផ្ទះនៅ ផ្លាស់ប្តូររបរ អភិវឌ្ឍផលិត ធ្វើអាជីវកម្ម ផ្លាស់ប្តូរជីវភាពរស់នៅជាមួយនឹងថវិកាជាង៤ពាន់លានដុង។ ការងារបណ្តុះបណ្តាលរបរ ដោះស្រាយការធ្វើ បណ្តាគោលនយោបាយសុខុមាលភាពសង្គមដល់ជនរួមជាតិខ្មែរក៏បានទីក្រុងអនុវត្តទាន់ពេល។
 |
| ទីក្រុងសុកត្រាំងបានផ្តល់ប័ណ្ណធានារ៉ាប់រងសុខាភិបាលជា៤៥.០០០ ជូនដល់គ្រួសារក្រ គ្រួសារក្បែរក្រនិងជនជាតិភាគតិចនៅលើភូមិដ្ឋាន |
សមមិត្តយឿងធីង៉ុកយីម-អនុប្រធានគណៈកម្មាធិការប្រជាជនទីក្រុងសុកត្រាំងឱ្យដឹង៖ ពង្រីកបណ្តាលទ្ធផលដែលសម្រេចបាន នាពេលខាងមុខ បន្តបង្កើនការអប់រំសតិអារម្មណ៍នយោបាយឱ្យកម្មាភិបាល បក្ខជន សមាជិក សម្ព័ន្ធយុវជន អ្នកមុខអ្នកការសាសនា សិស្សនិស្សិត បញ្ញវន្តជាជនជាតិភាគតិចឱ្យយល់បានត្រឹមត្រូវ អំពីគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋនិងជំរុញការងារក្នុងប្រព័ន្ធរណសិរ្សនិងអង្គការមហាជន ពិសេស បណ្តាគោលនយោបាយដែលមានផលប្រយោជន៍ផ្ទាល់ដល់ជីវភាពសម្ភារៈ ស្មារតីរបស់ជនរួមជាតិ។ ជំរុញការរៀបចំរចនាសម្ព័ន្ធសេដ្ឋកិច្ច កសាងទីក្រុងអរិយធម៌ បន្តការអភិវឌ្ឍយ៉ាងឆាប់រហ័សនូវប្រភេទបណ្តុះបណ្តាល បំប៉ន បង្រៀនរបរឱ្យជនជាតិភាគតិច ចលនាជនរួមជាតិពង្រីកប្រពៃណីសាមគ្គី ស្មារតីខ្លួនទីពឹងខ្លួនឈានឡើងដោយខ្លួនឯង។
ដោយការយកចិត្តទុកដាក់និងបង្កលក្ខណៈងាយស្រួលរបស់គណៈកម្មាធិការបក្ស រដ្ឋអំណាចភូមិភាគ ហេដ្ឋារចនាសម្ព័ន្ធនិងជីវភាពនៅតំបន់ជនរួមជាតិខ្មែរទីក្រុងសុកត្រាំងបានផ្លាស់ប្តូរយ៉ាងខ្លាំង។ នេះជាកម្លាំង ជាទំនុកចិត្តដើម្បីជនរួមជាតិខ្មែរស្របមតិក្នុងការអភិវឌ្ឍ បន្ថយក្រស្ថេរភាពនិងរួមចំណែកកសាងមាតុភូមិសុកត្រាំងមួយថ្ងៃកាន់តែសម្បូរសប្បាយ អរិយធម៌៕
ហ្វិញញឺ-លីហាន់
Thông tin bạn đọc
Đóng Lưu thông tin