 |
| អ្នកមានប្រិយភាពនៅតំបន់ជនជាតិភាគតិច តែងបានរដ្ឋអំណាចស្រុកឡុងភូយកចិត្តទុកដាក់គិតអាន |
ជាឃុំមានអត្រាគ្រួសារជនជាតិភាគតិចច្រើនបំផុតក្នុងស្រុក ស្រូបអត្រាជាង៧៨%នៃចំនួនប្រជាជន ប៉ុន្មានឆ្នាំកន្លង រួមជាមួយនឹងការគិតអានអភិវឌ្ឍសេដ្ឋកិច្ច-សង្គម ឃុំឡុងភូតែងយកចិត្ត ទុកដាក់លើការកសាងជីវភាពវប្បធម៌។ សមមិត្តត្រឹងវ៉ាំងសង-អនុប្រធានគណៈកម្មាធិការប្រជាជនឃុំឡុងភូចែករំលែក៖ ចាប់តាំងពីផ្សព្វផ្សាយអនុវត្តកម្មវិធីកសាងជនបទថ្មី ជនរួមជាតិខ្មែរនៅឃុំឡុងភូនិយាយដោយឡែក បានអភិវឌ្ឍសេដ្ឋកិច្ចយ៉ាងសកម្មនិងកសាងផ្នត់រស់នៅវប្បធម៌ថ្មីនៅតំបន់អាសយជន។ ភូមិជាច្រើនមានចលនាវប្បធម៌ សិល្បៈនិងកីឡាដូចៈ ភូមិបឹងធំ ទឹកប្រៃដើម ទឹកប្រៃកណ្តាល តឹងឡឹប បឹងឡុង ភូឌឹក។ល។ តាំងពីនោះ បង្កភាពសាយភាយយ៉ាងខ្លាំង។
ដូចជនរួមជាតិខ្មែរនៅឃុំឡុងភូ ជនរួមជាតិខ្មែរនៅឃុំតឹងហ៊ឹង តែងសកម្មកសាងជីវភាពវប្បធម៌នៅតំបន់អាសយជន។ ដោយការផ្សព្វផ្សាយគោលនយោបាយជនជាតិមានប្រសិទ្ធភាព បច្ចុប្បន្ន នៅឃុំតឹងហ៊ឹង ចំនួនគ្រួសារក្រក្នុងជនរួមជាតិខ្មែរមានការថយចុះគួរឱ្យកត់សំគាល់ មាមីងមានស្មារតីរក្សានូវលក្ខណៈវប្បធម៌ប្រពៃណីដូច អភិរក្សភាសា អក្សរ វប្បធម៌ សិល្បៈ មាមីងអនុវត្តល្អនូវគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ អនុវត្តផ្នត់រស់នៅវប្បធម៌ក្នុងពិធីមង្គលការ ពិធីបុណ្យសព យកចិត្តទុកដាក់ក្នុងការសួរសុខទុក្ខ្ខ ជួយគ្នាទៅវិញទៅមកពេលជួបការលំបាកនិងលើកទឹកចិត្តកូនចៅសកម្មក្នុងការសិក្សាពលកម្មផលិត-ធ្វើអាជីវកម្ម។
មីងលីវធីហៀង ប្រជាជននៅភូមិតឹងគ្វីអា ឃុំតឹងហ៊ឹង ស្រុកឡុភូឱ្យដឹង៖ គ្រួសារខ្ញុំតែងរក្សាភាពស្រុះស្រួល ជៀសវាងជម្លោះ ធ្វើតាមគំរូរបស់ឪពុកម្តាយ កូនៗរបស់ខ្ញុំតែងស្តាប់បង្គាប់លុះក្នុងដំបូន្មាន រក្សាសណ្តាប់ធ្នាប់គ្រួសារ បច្ចុប្បន្នកូនទាំង៣របស់ខ្ញុំបានបញ្ចប់ការសិក្សាមហាវិទ្យាល័យ ម្នាក់មានចំណេះដឹងថ្នាក់បណ្ឌិត ហើយទាំងអស់មានការងារធ្វើលំនឹង។ អាស្រ័យហេតុដូច្នេះ មួយផ្នែកដោយកម្មាភិបាលឃុំតែងយកចិត្តទុកដាក់សួរសុខទុក្ខ្ខ លើកទឹកចិត្តយើងខ្ញុំកសាងគ្រួសារសុភមង្គល ប្រៀនប្រដៅកូនចៅសុភាពរាបសា។ មកឃុំទ្រឿង ខាញ់សព្វថ្ងៃ ធ្វើដំណើរតាមដងផ្លូវពោរពេញដោយផ្ការីកទាំងសងខាង ពេលយប់ មានភ្លើងអគ្គិសនី ផ្ទះថ្មរឹងមាំបានសង់ជាជួរ ឃើញឡានដឹកជញ្ជូនកសិផលតាមវាលស្រែ គំរូធំចម្ការក្រូចឆ្មា ដូង ក្រូចថ្លុង ឪឡឹក ត្រសក់ ស្ពៃមើមនិងបន្លែគ្រប់ប្រភេទ។ល។ របស់មាមីង ធ្វើដំណើរតាមដងផ្លូវក្រាល កៅស៊ូ ផ្លូវចាក់បេតុង គ្មាននរណាសង្ស័យពីប្រសិទ្ធភាពចលនា “ទូទាំងប្រជាជនសាមគ្គីកសាងជនបទថ្មី ទីក្រុងអរិយធម៌” ដោយផលប្រយោជន៍ជាក់ស្តែងដែលចលនានាំមកជូនភូមិភាគដ៏ធំធេង ជីវភាពសម្ភារៈនិងស្មារតីរបស់ប្រជាជនកាន់តែបានលើកកម្ពស់ ទ្រឿងខាញ់កំពុងឈានដល់ឃុំជនបទថ្មីលើកកម្ពស់។ ដើម្បីចលនា “ទូទាំងប្រជាជនសាមគ្គីកសាងជីវភាពវប្បធម៌” ក្នុងជីវភាពរបស់ជនជាតិភាគតិច រាល់ផ្នែកសមត្ថកិច្ចរបស់ស្រុកតែងជំរុញការឃោសនា ក្នុងនោះផ្តោតលើខ្លឹមសារកសាងជីវភាពវប្បធម៌និងរក្សាអត្តសញ្ញាណជនជាតិ ផ្សព្វផ្សាយលើកកម្ពស់ការយល់ដឹងឱ្យជនរួមជាតិអំពីការអនុវត្តផ្នត់រស់នៅវប្បធម៌ថ្មីក្នុងពិធីមង្គលការ ពិធីបុណ្យសពនិងពិធីបុណ្យនានា ស្ងើចសរសើរអ្នកមានប្រិយភាពក្នុងជនរួមជាតិ បណ្តាគំរូជឿនលឿនក្នុងការកសាងជីវភាពវប្បធម៌ ផ្សព្វផ្សាយច្បាប់ស្តីពីបង្ការ ទប់ស្កាត់អំពើហិង្សាក្នុងគ្រួសារ ច្បាប់សមភាពភេទ។ល។ ដើម្បីកៀរគរជនរួមជាតិខ្មែរសកម្មក្នុងចលនាកសាងជនបទថ្មី តួនាទីរបស់ព្រះសង្ឃ អាចារ្យ អ្នកមានប្រិយភាព គណៈកម្មការវត្ត។ល។ មានសារៈសំខាន់យ៉ាងខ្លាំង។
 |
| តំបន់ជនរួមជាតិខ្មែរមានការអភិវឌ្ឍឥតឈប់ឈរ ដោយការជំរុញចលនាទូទាំងប្រជាជនសាមគ្គីកសាងជីវភាពវប្បធម៌ |
ព្រះតេជគុណថាច់ធឿន-ព្រះចៅអធិការវត្តសោភ័ណរង្សី បឹងក្រចាប់ថ្មី ឃុំតឹងហ៊ឹង មានសង្ឃដីកា៖ ដោយការទទួលខុសត្រូវរបស់ព្រះចៅអធិការ អាត្មាតែងអំពាវនាវ មាមីងពុទ្ធបរិស័ទគោរពតាមគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ អាត្មាបានចលនាពុទ្ធបរិស័ទចូលរួមកសាងជនបទថ្មីដោយសកម្មភាពជាក់ស្តែងដូចៈ ដាំដើមឈើ គប់វាល់ថ្ងៃពលកម្មជាមួយរដ្ឋអំណាចភូមិភាគ ដើម្បីអនុវត្តបណ្តាសំណង់ជនបទ ចូលរួមយ៉ាងសកម្មក្នុងសកម្មភាពស្ម័គ្រចិត្តជួយគ្រួសារក្រមានស្ថានភាពលំបាក។ល។ តាំងពីនោះ ពុទ្ធបរិស័ទក្នុងភូមិស្រុកកាន់តែសកម្មមានការទទួលខុសត្រូវ ស្ម័គ្រចិត្តចូលរួមការគប់វាល់កាន់តែច្រើនក្នុងដំណើរការកសាង ជនបទថ្មីនៅភូមិភាគ។ លោកហូក្វុកហ៊ុង-ប្រធានអនុមន្ទីរវប្បធម៌និងឃោសនាស្រុកឡុងភូឱ្យដឹង៖ គិតដល់ឆ្នាំ២០២៣ ចំនួនគ្រួសារដែលសម្រេចតាមស្តង់ដារវប្បធម៌ចំនួន២៥.៤២៨/២៦.៥៤១គ្រួសារ ស្រូបអត្រា៩៥,៨%នៃចំនួនគ្រួសារលើភូមិដ្ឋានទូទាំងស្រុក ក្នុងនោះ គ្រួសារជនរួមជាតិខ្មែរស្រូបអត្រាជាង៩៤% មាន១០០%ភូមិតំបន់អាសយជនមានជនរួមជាតិខ្មែររស់នៅច្រើន តែងសម្រេចស្តង់ដារភូមិវប្បធម៌ ទូទាំងស្រុកមានភូមិចំនួន២៨បានទទួលស្គាល់ជាភូមិវប្បធម៌ជនបទថ្មី។
អាចបញ្ជាក់បានថា ការងារកសាងគ្រួសារវប្បធម៌ ភូមិ តំបន់អាសយជនវប្បធម៌តំបន់ជនជាតិភាគតិចលើភូមិដ្ឋានស្រុកឡុងភូ មួយជំហានម្តងៗបានលើកកម្ពស់គុណភាព រួមចំណែកជំរុញសេដ្ឋកិច្ចលើកកម្ពស់តម្លៃសីលធម៌ ពង្រីកប្រពៃណីល្អស្អាតនៃគ្រួសារសហគមន៍។ បណ្តាទំនៀមទម្លាប់ដែលអន់ថយដូចជា រៀបការមិនទាន់គ្រប់អាយុ អបិយជំនឿ អបាយមុខសង្គម បានបំបាត់ចោលបន្តិចម្តងៗ បរិស្ថានវប្បធម៌ល្អ ទេសភាពភ្លឺ បៃតង ស្អាតបានជនរួមជាតិរួមកម្លាំងកសាង៕
សុក្កា-លីហាន់
Thông tin bạn đọc
Đóng Lưu thông tin