អញ្ជើញចូលរួមនៅមជ្ឈមណ្ឌលវប្បធម៌និងសន្និបាតខេត្ត មានបណ្តាសមមិត្តៈ ឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ប្រធានគណៈចង្អុលការអនុវត្តបំបាត់ផ្ទះបណ្តោះអាសន្ន ផ្ទះទ្រុឌទ្រោមខេត្ត ហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត ត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្ត ងោហុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្ត បណ្តាសមមិត្តដែលជាសមាជិកគណៈចង្អុលការនិងតំណាងអ្នកឧបត្ថម្ភ។
 |
| បណ្តាសមមិត្តថ្នាក់ដឹកនាំខេត្តសុកត្រាំងនិងតំណាងចូលរួមសន្និបាតនៅមជ្ឈមណ្ឌលវប្បធម៌និងសន្និបានខេត្ត។ |
តាមរបាយការណ៍របស់មន្ទីរពលកម្ម-យុទ្ធជនពិការនិងសង្គម ឆ្លងតាមការបូកសរុបបណ្តោះអាសន្ន ទូទាំងខេត្តបម្រុងឧបត្ថម្ភផ្ទះបណ្តោះអាសន្ន ផ្ទះទ្រុឌទ្រោមជូនប្រជាប្រហែល៨.៤៥២គ្រួសារ ដោយមានតម្រូវការថវិកាសម្រាប់អនុវត្តផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋានខេត្តជាង៤៤៥ពាន់លានដុង។ ក្នុងនោះ ឧបត្ថម្ភផ្ទះនៅដល់អ្នកមានសុគណចំនួន៨៤៥គ្រួសារ សរុបថវិកាអនុវត្តជាង៣៧ពាន់លានដុង ពីប្រភពទុនថវិកាមជ្ឈិម ឧបត្ថម្ភផ្ទះនៅដល់គ្រួសារក្រ គ្រួសារក្បែរក្រចំនួន៦.៧២៦គ្រួសារ សរុបថវិកាអនុវត្តជាង៣៦៥,៧ពាន់លានដុង (ពីមូលនិធិជាតិរួមកម្លាំងបំបាត់ផ្ទះបណ្តោះអាសន្ន ផ្ទះទ្រុឌទ្រោមពីធនាគារពាណិជ្ជកម្មភាគហ៊ុនឧស្សាហ ពាណិជ្ជកម្មវៀតណាម ធនាគារពាណិជ្ជកម្មភាគហ៊ុនសាយហ្គង-ហាណូយនិងធនាគារពាណិជ្ជកម្មភាគហ៊ុនវៀតណាមធិញវឿងព្រមទាំងប្រភពគៀរគរឆ្លងតាមមូលនិធិដើម្បីអ្នកក្ររបស់ខេត្ត) ឧបត្ថម្ភផ្ទះនៅតាមកម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិច៤៧៩គ្រួសារ ថវិកាបម្រុងជាង២៨,៧ពាន់លានដុង។
 |
| សមមិត្តៈ ឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្តសុកត្រាំង (ទី៧ពីស្តាំ) និងតំណាងធនាគារពាណិជ្ជកម្មភាគហ៊ុនសាយហ្គង-ហាណូយជូនតារាងនិមត្តរូប បែងថវិកា (លើកទី២) ដល់អង្គភាពរណសិរ្សមាតុភូមិវៀតណាមបណ្តាស្រុក ទីរួមខេត្ត ទីក្រុង។ សមមិត្តហូធីកឹមដាវ-អនុប្រធានលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត (ទី៦ពីឆ្វេង) ជូនផ្កាថ្លែងអំណរគុណដល់អ្នកឧបត្ថម្ភ។ |
ក្រៅពីប្រភពថវិកាពីមជ្ឈិមនិងប្រភពមូលនិធិរបស់ទូទាំងប្រទេសរួមកម្លាំងបំបាត់ផ្ទះបណ្តោះអាសន្ន ផ្ទះទ្រុឌទ្រោមខេត្តសុកត្រាំង ត្រូវកៀរគរថវិកាបន្ថែមជាង១០៦,៧ពាន់លានដុង ដើម្បីធានាគោលដៅបំបាត់ផ្ទះបណ្តោះអាសន្នដល់មុខសញ្ញានៅលើភូមិដ្ឋានខេត្ត។ នេះជាការលំបាកខ្លាំងក្នុងការអនុវត្ត ព្រោះខេត្តសុកត្រាំងជាខេត្តដែលមានស្ថានភាពសេដ្ឋកិច្ច-សង្គមលំបាកច្រើន។ ក្រៅពីនេះ នៅមានប្រហែល៧២៩ករណីមិនទាន់មានដីនៅឬដីនៅមិនគ្រប់លក្ខណៈចាំបាច់ក្នុងការសាងសង់ផ្ទះនៅតាមការកំណត់។
នៅពិធីប្រជុំ ថ្នាក់ដឹកនាំគណៈកម្មាធិការរណសិរ្សមាតុភូមិវៀតណាមខេត្តនិងបណ្ដាមន្ទីរ ផ្នែកបានរាយការណ៍អំពីផែនការចលនានិងទទួលថវិកាឧបត្ថម្ភ ការអនុម័តសេចក្តីណែនាំនិងសហការជាមួយនឹងភូមិភាគ ដើម្បីដោះស្រាយការលំបាក បញ្ហានានាពីបែបបទគតិយុត្តិពាក់ព័ន្ធនឹងដីធ្លី ស្ថានភាពរចនាគំរូផ្ទះនៅមួយចំនួន ដើម្បីអនុវត្តការឧបត្ថម្ភដល់អ្នកទទួលផលកម្មវិធី ណែនាំគួបផ្សំ បង្វែរនិងប្រើប្រាស់ថវិការដ្ឋ ប្រភពសង្គមូបនីយកម្មសម្រាប់សាងសង់ ជួសជុលផ្ទះនៅចំណុះកម្មវិធី។ គណៈចង្អុលការថ្នាក់ដឹកនាំស្រុកក៏បានរាយការណ៍អំពីល្បឿនផ្សព្វផ្សាយអនុវត្ត ការលំបាក បញ្ហានានានៅភូមិភាគនិងបានស្នើដោះស្រាយមួយចំនួន ដើម្បីផ្សព្វផ្សាយអនុវត្តកម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោមធានាត្រូវតាមដំណើរការ ផែនការដែលបានដាក់ចេញ។
 |
| សមមិត្តឡឹមវ៉ាំងម៉ឹង-សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានក្រុមតំណាងរដ្ឋសភាខេត្ត ប្រធានគណៈចង្អុលការអនុវត្តបំបាត់ផ្ទះបណ្តោះអាសន្ន ផ្ទះទ្រុឌទ្រោមខេត្តសុកត្រាំង ថ្លែងប្រសាសន៍ចង្អុលការនៅសន្នបាត។ |
ថ្លែងប្រសាសន៍នៅសន្និបាត លេខាបក្សខេត្ត បានថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំបក្ស រដ្ឋ ថ្នាក់ដឹកនាំធនាគារពាណិជ្ជកម្មដែលបាយកចិត្តទុកដាក់និងបានរួមដំណើរឧបត្ថម្ភភូមិភាគក្នុងពេលកន្លង។ ទន្ទឹមនឹងនោះ សាទរចំពោះទង្វើដ៏ថ្លៃថ្លូររបស់ស្ថាប័ន អង្គការ បុគ្គលក្នុងនិងក្រៅខេត្ត ដែលបានចូលរួមសាទរយ៉ាងសកម្ម ឧបត្ថម្ភដល់អ្នកក្រ អ្នកដែលជួបលំបាកអំពីផ្ទះនៅលើភូមិដ្ឋានខេត្ត។
ការផ្សព្វផ្សាយបំបាត់ផ្ទះបណ្តោះអាសន្ន ផ្ទះទ្រុឌទ្រោមដល់គ្រួសារដែលមានសគុណ គ្រួសារក្រ គ្រួសារក្បែរក្រ គឺជាភារកិច្ចនយោបាយដ៏សំខាន់ មានអត្ថន័យមនុស្សសាស្ត្រយ៉ាងជ្រាលជ្រៅ បង្ហាញពីការទទួលខុសត្រូវនិងសីលធម៌ “តបស្នងសងគុណ” និង “ស្រឡាញ់អ្នកដទៃឱ្យដូចស្រឡាញ់ខ្លួនឯង” រួមចំណែកកសាងផ្ទះនៅជូនអ្នកមានគុណ អ្នកក្រ អ្នកក្រខ្សត់ ដើម្បីមិនទុកចោលនរណាម្នាក់។ នេះក៏ជាសកម្មភាពសាទរព្រឹត្តិការណ៍សំខាន់ៗរបស់ប្រទេសនិងរបស់ខេត្តក្នុងឆ្នាំ២០២៥ ដែលជាឆ្នាំប្រព្រឹត្តមហាសន្និបាតបក្សគ្រប់ថ្នាក់ មហាសន្និបាតបក្ខភាគខេត្ត លើកទី១៥ អាណតិ្តកាល២០២៥-២០៣០ ឆ្ពោះដល់មហាសន្និបាតបក្សទូទាំងប្រទេស លើកទី១៤ បង្កបុព្វភាគ ជាមូលដ្ឋានគ្រឹះដ៏រឹងមាំ ដើម្បីប្រទេសជាតិឈានចូលយុគសម័យថ្មីយុគសម័យឈានឡើងរបស់ជនជាតិ។
 |
| សមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្តសុកត្រាំង (ទី៦ពីឆ្វេង) ជូនផ្កាថ្លែងអំណរគុណដល់អ្នកឧបត្ថម្ភ។ សមមិត្តត្រឹងវ៉ាំងឡូវ-អនុលេខាបក្សខេត្ត ប្រធានគណៈកម្មាធិការប្រជាជនខេត្តសុកត្រាំង (ទី៦ពីស្តាំ) និងតំណាងធនាគារពាណិជ្ជកម្មភាគហ៊ុនវៀតណាមធិញវឿង ជូនតារាងនិមិត្តរូបបែងថវិកា (លើកទី១) ដល់អង្គភាពរណសិរ្សមាតុភូមិវៀតណាមបណ្តាស្រុក ទីរួមខេត្ត ទីក្រុង។ |
ជាមួយអត្ថន័យខាងលើ លេខាបក្សខេត្ត បានស្នើដល់មន្ទីរហិរញ្ញវត្ថុយោងតាមប្រភពទុន ទុនថវិការដ្ឋរបស់មជ្ឈិម របស់ខេត្តជំនួយការដល់គណៈកម្មាធិការប្រជាជនខេត្ត ដើម្បីបែងដល់ផ្នែក ភូមិភាគចាត់តាំងផ្សព្វផ្សាយអនុវត្ត។ មន្ទីរសាងសង់ណែនាំស្រុក ទីរួមខេត្ត ទីក្រុងអនុវត្តគំរូផ្ទះដែលបានរចនាមួយចំនួន ត្រួតពិនិត្យ តាមដានការសាងសង់ ដើម្បីធានាបាននូវគុណភាព សុវត្ថិភាពតាមការកំណត់នៃច្បាប់។ បណ្តាស្រុក ទីរួមខេត្ត ទីក្រុង ចង្អុលការសហការពិនិត្យ ចុះឈ្មោះក្នុងបញ្ជីធានាចំមុខសញ្ញា បែងប្រភេទមុខសញ្ញាជាបន្ទាន់ រៀបចំ អាទិភាព ដំណើរការសាងសង់ជាបន្ទាន់។ ក្នុងនោះ អាទិភាពដល់គ្រួសារគោលនយោបាយ អ្នកមានសគុណ គ្រួសារដែលមានដីគ្រប់លក្ខណះតាមការកំណត់ពីការសាងសង់ ជួសជុលផ្ទះនៅតាមកម្មវិធី។ បណ្តាករណីលំបាក បញ្ហាដីធ្លីសម្រាប់សាងសង់ត្រូវតាមដានយ៉ាងដិតដល់ បង្កលក្ខណៈងាយស្រួលសម្រាប់ឧបត្ថម្ភប្រជាជន ប្រសិនមានបញ្ហាណាមួយកើតឡើង ត្រូវរាយការណ៍ជូនស្ថាប័នមានសមត្ថកិច្ចដើម្បីដោះស្រាយឱ្យដាច់ស្រឡះ។
 |
| បណ្តាសមមិត្តថ្នាក់ដឹកនាំគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជនខេត្ត បណ្តាសមមិត្តក្នុងគណៈអចិន្ត្រៃយ៍បក្សខេត្តសុកត្រាំងនិងតំណាងបណ្តាធនាគារពាណិជ្ជកម្មថតរូបអនុស្សាវរីយ៍ជាមួយអង្គភាពរណសិសរ្សមាតុភូមិវៀតណាមបណ្តាខេត្ត ទីរួមខេត្ត ទីក្រុង។ |
នៅថ្នាក់ឃុំ លេខាបក្សខេត្ត បានស្នើថា រដ្ឋអំណាចភូមិភាគតាមដានយ៉ាងដិតដល់នូវគ្រួសារនីមួយៗដែលបានទទួលឧបត្ថម្ភផ្ទះនៅ។ កសាងផែនការប្រមូលផ្តុំគ្រួសារឱ្យចូលរួមក្នុងការសាងសង់ផ្ទះ ចាត់កងកម្លាំងឧបត្ថម្ភ រៀបចំផែនការលម្អិតអំពីដំណើរការសាងសង់ដល់គ្រួសារនីមួយៗ ដើម្បីធានាបាននូវផែនការដែលបានដាក់ចេញ។ មន្ទីរពលកម្ម-យុទ្ធជនពិការនិងសង្គម ជាអធិបតី សហការជាមួយផ្នែកដែលទាក់ទិនក្នុងការពិនិត្យ រាយការណ៍អំពីបញ្ជីរាយនាមមុខសញ្ញាដែលគ្រប់លក្ខណៈសាងសង់ ជួសជុលផ្ទះនៅចំណុះកម្មវិធី ដើម្បីស្នើសុំការបែងប្រភពថវិកាត្រូវតាមការកំណត់ ធានាត្រូវមុខសញ្ញា។ គណៈកម្មាធិការរណសិរ្សមាតុភូមិវៀតណាមនិងអង្គការនយោបាយ-សង្គមគ្រប់ថ្នាក់ បន្តការឃោសនាលើកកម្ពស់ការយល់ដឹងរបស់កម្មាភិបាល បក្ខជន សមាជិកនិងប្រជាជនក្នុងការអនុវត្តបំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋានខេត្ត។ ស្រាវជ្រាវកៀរគរប្រភពកម្លាំងបន្ថែមទៀត ដើម្បីឧបត្ថម្ភដល់ការបំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋានខេត្ត។
ជាមួយតម្រូវការភារកិច្ចជាបន្ទាន់ លេខាបក្សខេត្ត បានស្នើដល់សមាជិកគណៈចង្អុលការ ពិសេស សមមិត្តលេខាបក្សស្រុក ទីរួមខេត្ត ទីក្រុងត្រូវម្ចាស់ការ ផ្សព្វផ្សាយអនុវត្តភារកិច្ចជាបន្ទាន់ បន្តពង្រីកស្មារតីសាមគ្គី រួមកម្លាំង ឯកភាព អនុវត្តសម្រេចល្អភារកិច្ចដែលបានប្រគល់។
ក្នុងឱកាសនេះ បណ្តាសមមិត្តថ្នាក់ដឹកនាំខេត្តនិងតំណាងថ្នាក់ដឹកនាំធនាគារពាណិជ្ជកម្ម បានជូនតារាងនិមិត្តរូបថវិកាឧបត្ថម្ភសង់ផ្ទះបណ្តោះអាសន្ន ផ្ទះទ្រុឌទ្រោមដល់បណ្តាស្រុក ទីរួមខេត្ត ទីក្រុងនៅលើភូមិដ្ឋានខេត្ត៕
ហាយហា-លីហាន់
Thông tin bạn đọc
Đóng Lưu thông tin