 |
| កម្មាភិបាលដំណាក់សុខាភិបាលឃុំវៀងអាង ពិនិត្យជំងឺឱ្យប្រជាជន។ |
តាមគ្រូពេទ្យឡឹមផល្លា-ប្រធានដំណាក់សុខាភិបាលឃុំវៀងអាង វៀងអាងជាឃុំមានជនរួមជាតិខ្មែររស់នៅជាង៩០% ក្រៅពីវិនិយោគសម្ភារៈ បរិក្ខារពេទ្យ កងជួរគ្រូពេទ្យ វេជ្ជបណ្ឌិតដំណាក់សុខាភិបាលក៏បានយកចិត្តទុកដាក់។ បច្ចុប្បន្ន ដំណាក់សុខាភិបាលមានកម្មាភិបាលនិយោជិត ចំនួន៩រូបដែលបានចាត់ចែងការងារជាក់ស្តែង សមស្របតាមមុខជំនាញ រួមនឹងអាកប្បកិរិយាបម្រើដោយអស់ពីចិត្តជូនអ្នកជំងឺ។ រៀងរាល់ឆ្នាំ ដំណាក់សុខាភិបាលទទួលប្រជាជនជាង៣.០០០រូបមកពិនិត្យនិងព្យាបាល សំខាន់ជំងឺទូទៅដូចៈ គ្រុន ក្អក លើសឈាម ឈឺសន្លាក់ដៃជើង… មីងម៉ាយធីយង់ ភូមិទីបញឹក ឃុំវៀងអាងចែករំលែក៖ ដោយវ័យចាស់ រាងកាយចុកចាប់ ពេលឈឺម្តងៗខ្ញុំ ទៅដំណាក់សុខាភិបាលដើម្បីពិនិត្យ រាល់ពេលដែលមកដំណាក់សុខាភិបាលពិនិត្យ កងជួរគ្រូពេទ្យពិនិត្យយ៉ាងអស់ពីចិត្ត ពិគ្រោះយោបល់ពីស្ថានភាពសុខភាពរបស់ខ្ញុំ ដូច្នេះ ខ្ញុំស្ងប់ចិត្តពេលមកពិនិត្យសុខភាពនៅទីនេះ។ មីងស៊ើងធីយ៉ឹង នៅភូមិជាមួយគ្នាក៏ទទួលបានការណែនាំយ៉ាងអស់ពីចិត្តពីកងជួរគ្រូពេទ្យ ដូច្នេះហើយ មីងមានការពេញចិត្តយ៉ាងខ្លាំងពេលមកពិនិត្យ។ ក្រៅពីបម្រើល្អប្រជាជនក្នុងការពិនិត្យ ព្យាបាលជំងឺ ដំណាក់សុខាភិបាលឃុំវៀងអាងនៅទាំងអនុវត្តល្អបណ្តាកម្មវិធីទិសដៅសុខាភិបាលជាតិ។ រៀងរាល់ឆ្នាំ មានកុមារជិត១០០% ក្នុងវ័យបានចាក់វ៉ាក់សាំងបង្ការគ្រប់គ្រាន់១០០%កុមារអាយុពី៦ខែ ៣៦ខែបានផឹកវីតាមីន A ២ដង/ឆ្នាំ។ ពិគ្រោះយោបល់ជាតិបំប៉ន ដូច្នេះ អត្រាខ្វះជាតិបំប៉នរបស់កុមារក្នុងឃុំថយចុះយ៉ាងខ្លាំង។ ការងារថែទាំសុខភាពផែនការគ្រួសារបានយកចិត្តទុកដាក់ នារីមានផ្ទៃពោះបានពិនិត្យ៤ដងឡើងទៅ ក្នុង៣ដំណាក់កាលនិងចាក់ថ្នាំបង្ការឱ្យទារក…។ ចាត់តាំងពិនិត្យសុខភាពតាមការកំណត់ជូនអ្នកវ័យចាស់ដែលមានអាយុពី៨០ឆ្នាំឡើងទៅ ឆ្លងតាមនោះ ជួយអ្នកវ័យចាស់ព្យាបាលជំងឺបានទាន់ពេល។ ទន្ទឹមនឹងនោះ ដំណាក់សុខាភិបាលក៏ផ្តោតសំខាន់លើការឃោសនាអំពីការថែទាំសុខភាពប្រជាជនដោយមានទម្រង់ជាច្រើន ឆ្លងតាមសារព័ត៌មាន វិទ្យុផ្សាយសំឡេងរបស់ឃុំ ការប្រជុំក្រុម សុខាភិបាលភូមិ… ខ្លឹមសារសំខាន់អំពីការបង្ការ ទប់ស្កាត់បណ្តាជំងឺឆ្លង អនាម័យបរិស្ថាន សុវត្ថិភាពម្ហូបអាហារ… ឆ្លងតាមនោះ រួមចំណែកលើកកម្ពស់ការយល់ដឹងរបស់ប្រជាជនពីការថែទាំសុខភាព។
គ្រូពេទ្យឡឹមផល្លា-ប្រធានដំណាក់សុខាភិបាលឃុំវៀងអាងឱ្យដឹង៖ កម្មាភិបាលពេទ្យដំណាក់សុខាភិបាលតែងខិតខំបង្កើនមុខវិជ្ជាជំនាញ លើកកម្ពស់ស្មារតីនៃក្រមសីលធម៌គ្រូពេទ្យ អនុវត្តល្អនូវការថែទាំអ្នកជំងឺ ម្ល៉ោះហើយ រៀងរាល់ឆ្នាំ ដំណាក់សុខាភិបាលតែងសម្រេចបាននូវលក្ខឋាន ផែនការដែលបានដាក់ចេញ។ ដើម្បីការពិនិត្យ ព្យាបាលជំងឺកាន់តែបានល្អជាង ដំណាក់សុខាភិបាលបន្តជំរុញការផ្សព្វផ្សាយបង្ការ ទប់ស្កាត់ជំងឺ អនុវត្តគ្រប់គ្រាន់នូវវិធានការត្រួតពិនិត្យដើម្បីដោះស្រាយបានទាន់ពេល មួយជំហានម្តងៗលើកកម្ពស់គុណភាពពិនិត្យព្យាបាលជំងឺ សក្តិសមជាមួយនឹងក្តីសង្ឃឹមនិងការជឿទុកចិត្តរបស់ប្រជាជននាពេលកន្លង៕
ថាញ់វ៉ាង
Thông tin bạn đọc
Đóng Lưu thông tin