 |
| ទិដ្ឋភាពនៃសន្និបាតបន្តផ្ទាល់នៅខេត្តសុកត្រាំង។ |
ពិធីប្រឡងបញ្ចប់វិទ្យាល័យឆ្នាំ២០២៥ គឺជាពិធីប្រឡងដ៏ធំបំផុតដែលមិនធ្លាប់មាន ដោយមានការចូលរួមពីបេក្ខសិស្សជាង១,១លានរូប ក្នុងទូទាំងប្រទេស (ចំនួនបេក្ខសិស្សចុះឈ្មោះប្រឡងកើនឡើងជិត១០០.០០០រូប បើធៀបនឹងឆ្នាំ២០២៤)។ ពិធីប្រឡងលើកនេះ បានចាត់តាំងចំនួន២.៤៩៣កន្លែងដោយមានបន្ទប់ប្រឡងសរុបចំនួន៥០.០៣៩បន្ទប់។ ការងារចាត់តាំងពិធីប្រឡងឲ្យបេក្ខសិស្សតាមកម្មវិធីអប់រំសកលឆ្នាំ២០១៨និងបេក្ខសិស្សតាមកម្មវិធីអប់រំសកលឆ្នាំ២០០៦ នឹងប្រឡងពីថ្ងៃទី២៥ ២៦និង២៧ ខែមិថុនា ឆ្នាំ២០២៥។ ពិសេស ថ្ងៃទី២៥ ខែមិថុនា ជាថ្ងៃចុះឈ្មោះប្រឡង។ ថ្ងៃទី២៦និង២៧ ខែមិថុនាគឺជាថ្ងៃប្រឡងពេញសិទ្ធ។ ថ្ងៃទី២៨ ខែមិថុនា ត្រូវបានរៀបចំប្រឡងបម្រុង។ ពិធីប្រឡងនឹងបម្រុងកៀរគរបុគ្គលិកប្រហែល២០០.០០០នាក់ ដើម្បីចូលរួមការចាត់តាំងពិធីប្រឡងដូច កម្មាភិបាល គ្រូបង្រៀន ផ្នែកអប់រំ កងកម្លាំងនគរបាល យោធា គ្រូពេទ្យនិងកងកម្លាំងអគ្គិសនី។
តាមរបាយការណ៍របស់ក្រសួងអប់រំនិងបណ្តុះបណ្តាល ការត្រៀមពិធីប្រឡងបញ្ចប់វិទ្យាល័យឆ្នាំ២០២៥ បានក្រសួងអប់រំនិងបណ្តុះបណ្តាលនិងបណ្តាភូមិភាគផ្សព្វផ្សាយអនុវត្តយ៉ាងសកម្មនិងម្ចាស់ការ។ ដោយឡែកខេត្តសុកត្រាំង មានបេក្ខសិស្សចំនួន១១.៤៧៤រូប បានចុះឈ្មោះដើម្បីប្រឡង។ ក្នុងនោះ បេក្ខសិស្សចំនួន១១.២០២រូប បានចុះឈ្មោះប្រឡងតាមកម្មវិធីអប់រំសកលឆ្នាំ២០១៨និងបេក្ខសិស្សចំនួន២៧២នាក់ បានចុះឈ្មោះប្រឡងតាមកម្មវិធីអប់រំសកលឆ្នាំ២០០៦។ ទូទាំងខេត្តនឹងបម្រុងរៀបចំ៣៨កន្លែង ដោយមានបន្ទប់ប្រឡងចំនួន៥១៨បន្ទប់។ សព្វថ្ងៃ ការងារត្រៀមពិធីប្រឡងត្រូវបានរៀបចំសម្រេចរួចរាល់ ធានាពិធីប្រឡងនឹងប្រព្រឹត្តទៅដោយសម្រេចជោគជ័យ ប្រកបដោយគុណភាពនិងសុវត្ថិភាព។
ក្នុងអង្គសន្និបាតក៏មានមតិគប់វាល់ជាច្រើនផ្តោតលើការរៀបចំនិងការចាត់តាំងពិធីប្រឡង ពិសេស ក្នុងនិន្នាការផ្លាស់ថ្មីតាមកម្មវិធីអប់រំសកល២០១៨និងការរៀបចំប្រព័ន្ធគ្រប់គ្រងរដ្ឋអំណាច២ថ្នាក់។
ថ្លែងការណ៍ក្នុងសន្និបាត នាយករដ្ឋមន្ត្រីផាមមិញជិញ បានស្នើឱ្យក្រសួងអប់រំនិងបណ្តុះបណ្តាលនិងភូមិភាគនានា ធានាការចាត់តាំងពិធីប្រឡងប្រកបដោយសុវត្ថិភាព រលូន ម៉ឺងម៉ាត់ សត្យានុម័ត ម៉ត់ចត់ ជឿជាក់និងប្រសិទ្ធភាព។ នាយករដ្ឋមន្ត្រី បានសង្កត់ធ្ងន់ ពិធីប្រឡងបញ្ចប់វិទ្យាល័យឆ្នាំ២០២៥ នឹងប្រព្រឹត្តឡើងក្នុងនិន្នាការទូទាំងប្រទេសកំពុងអនុវត្តការរៀបចំនិងបំព្រួញប្រព័ន្ធគ្រប់គ្រងរដ្ឋ ដូច្នេះ ស្នើឱ្យក្រសួងអប់រំនិងបណ្តុះបណ្តាលគប្បីសហការជាមួយក្រសួង គណៈផ្នែកនិងបណ្តាភូមិភាគលើកកម្ពស់ស្មារតីទទួលខុសត្រូវក្នុងការចាត់តាំងពិធីប្រឡង មិនទុកឱ្យការរៀបចំប្រព័ន្ធគ្រប់គ្រងរដ្ឋឥទ្ធិពលដល់ពិធីប្រឡង។
នាយករដ្ឋមន្ត្រីបានប្រគល់ឱ្យក្រសួងអប់រំនិងបណ្តុះបណ្តាលផ្សព្វផ្សាយយ៉ាងសកម្មនូវឯកសារណែនាំដល់បណ្តាភូមិភាគ គណៈកម្មាធិការបក្ស រដ្ឋអំណាច គណៈកម្មាធិការរណសិរ្សមាតុភូមិវៀតណាមនិងអង្គការមហាជននានា ទុកការចាត់តាំងពិធីប្រឡងនេះជាកិច្ចការនយោបាយសំខាន់។ ទន្ទឹមនឹងនោះ ធានាបាននូវលក្ខណៈល្អបំផុតពីមូលដ្ឋានសម្ភារៈ សុវត្ថិភាពអនាម័យ គ្រឿងបរិភាគនិងគម្រោងបម្រុងជាមួយលក្ខណៈពេលអាកាសធាតុមិនល្អ។
សម្ព័ន្ធយុវជនផ្សព្វផ្សាយបណ្តាកម្មវិធីជំនួយការដល់បេក្ខសិស្ស។ ការត្រួតពិនិត្យពិធីប្រឡង ក៏ដូចជាការបោះពុម្ពចម្លងវិញ្ញាសាប្រឡងនិងការចាត់តាំងឱ្យពិន្ទុអនុវត្តឱ្យបានម៉ឺងម៉ាត់ គុណភាព លើស្មារតីសត្យានុភាព ស្មោះត្រង់ បង្កលក្ខណៈល្អបំផុតដើម្បីចាត់តាំងឱ្យបានសម្រេចជោគជ័យពិធីប្រឡងបញ្ចប់វិទ្យាល័យឆ្នាំ២០២៥៕
ហ្វិញញឺ-សុផល
Thông tin bạn đọc
Đóng Lưu thông tin