សេចក្តីសម្រេចក៏ស្នើរឱ្យសកលវិទ្យាល័យកឹងធើត្រូវរាយការណ៍ជូនក្រសួងអប់រំនិងបណ្តុះបណ្តាលអំពីលក្ខណៈធានាគុណភាពអប់រំដើម្បីអនុញ្ញាតឱ្យសាខាសកលវិទ្យាល័យកឹងធើនៅខេត្តសុកត្រាំងអនុវត្តការងារបណ្តុះបណ្តាលស្របតាមសេចក្តីកំណត់នៃច្បាប់។
 |
| ថ្នាក់ដឹកនាំគណៈកម្មាធិការប្រជាជនខេត្តសុកត្រាំងនិងសកលវិទ្យាល័យកឹងធើ បានចុះហត្ថលេខាពិធីប្រគល់មូលដ្ឋានសម្ភារៈ។ |
មុននោះ នៅថ្ងៃទី១០ ខែតុលា ឆ្នាំ២០២៤ គណៈកម្មាធិការប្រជាជនខេត្តសុកត្រាំង បានរៀបចំពិធីប្រគល់មូលដ្ឋានសម្ភារៈនិងដីជូនសកលវិទ្យាល័យកឹងធើ ដើម្បីបង្កើតសាខា។ សាខាសកលវិទ្យាល័យកឹងធើនៅខេត្តសុកត្រាំង មានផ្ទៃដីជិត២ហិកតា (មុននេះជាសាលាឧត្តមសិក្សាជាន់ខ្ពស់សហគមន៍សុកត្រាំង) នៅផ្លូវលេហុងផុងសង្កាត់៣ ទីក្រុងសុកត្រាំង (សុកត្រាំង)។
តាមផែនការ ពេលដំណើរការសាខានៅខេត្តសុកត្រាំងនឹងបណ្តុះបណ្តាលថ្នាក់មហាបរិញ្ញាលើមុខជំនាញដូច បច្ចេកវិទ្យាព័ត៌មាន ប្រព័ន្ធកសិកម្ម-ជំនាញផ្នែកប្រែប្រួលអាកាសធាតុនិងកសិកម្មតំបន់ក្តៅចីរភាព វិទ្យាសាស្ត្រដំណាំ-ជំនាញបច្ចេកទេសកសិកម្មទំនើប។ ដោយឡែកកម្រិតសកលវិទ្យាល័យ សាខាគ្រោងនឹងបណ្តុះបណ្តាលលើមុខជំនាញចំនួន៣គឺ គណនេយ្យ ច្បាប់ Logistic និងការគ្រប់គ្រងប្រព័ន្ធផ្គត់ផ្គង់។
ការបង្កើតសាខាសកលវិទ្យាល័យកឹងធើនឹងជួយដល់ភូមិភាគបណ្តុះបណ្តាលធនធានមនុស្សប្រកបដោយគុណភាពខ្ពស់ ការស្រាវជ្រាវ ផ្ទេរជូននិងអនុវត្តវិទ្យាសាស្ត្រនិងបច្ចេកវិទ្យា ដើម្បីបម្រើដល់ការអភិវឌ្ឍសេដ្ឋកិច្ចសង្គម។ ក្រៅពីនេះការបង្កើតសាខាក៏ជួយប្អូនៗដែលមានជីវភាពលំបាក ជនជាតិភាគតិចមានឱកាសបានរៀនសូត្រ។ ការដោះស្រាយតម្រូវការរៀនសូត្រនៅនឹងកន្លែង បន្ថយការទៅរៀននៅឆ្ងាយពីសាលារបស់ប្អូននិស្សិតនិងសិក្ខាកាមរួមចំណែកក្នុងការលើកកម្ពស់អត្រានៃប្រភពធនធានមនុស្សមានកម្រិតវិជ្ជាខ្ពស់៕
ស្វឹងហឿង-សុផល
Thông tin bạn đọc
Đóng Lưu thông tin