 |
| អ្នកគ្រូវ៉ធីឡេហាំង គ្រូបង្រៀនសាលាបឋមសិក្សាឡុងភូ A ឃុំឡុងភូ ស្រុកឡុងភូជាគំរូភ្លឺស្វាងនៃការបរិច្ចាគឈាមស្ម័គ្រចិត្ត។ |
ជាមួយការគិត “តំណក់ឈាមឱ្យទៅ-ជីវិតបានរស់នៅ” និងការបរិច្ចាគឈាមសម្រាប់ចែករំលែកការលំបាកដល់អ្នកជំងឺដែលកំពុងត្រូវការឈាម ដូច្នេះអ្នកគ្រូចូលរួមបរិច្ចាគឈាមតាំងពីឆ្នាំ២០២១។ តាមអ្នកគ្រូហាំង បរិច្ចាគឈាមជាការធ្វើមានប្រយោជន៍ ដំណក់ឈាមឱ្យទៅមានអត្ថន័យយ៉ាងច្រើននាំមកជីវិតរស់នៅដល់អ្នករាល់គ្នា។ រាល់ពេលដែលសមាគមកាកបាទក្រហមស្រុកឡុងភូបំផុសចលនាបរិច្ចាគឈាមមនុស្សធម៌ អ្នកគ្រូតែងចូលរួម។ ដោយអ្នកគ្រូជឿជាក់ថា ពេលបរិច្ចាគឈាម សារពាង្គកាយនៅតែបន្តផ្លាស់ឈាមថ្មីនិងជួយឱ្យអ្នកជំងឺកំពុងត្រូវការឈាមក្នុងការសង្គ្រោះបន្ទាន់និងព្យាបាល។ តាំងពីនោះ រៀងរាល់ឆ្នាំ អ្នកគ្រូហាំងចូលរួមបរិច្ចាគឈាមពី២-៣ដង។ អ្នកគ្រូហាំងឱ្យដឹង៖ តំណក់ឈាមឱ្យទៅនាំមកនូវក្តីជំនឿ សង្ឃឹមថាជីវិតរស់នៅមិនត្រឹមតែអ្នកទទួលប៉ុណ្ណោះទេ ប៉ុន្តែនៅទាំងនាំមកភាពរីករាយ សុភមង្គលដល់សាច់ញាតិរបស់អ្នកជំងឺ ដូច្នេះខ្ញុំនឹងចូលរួមបរិច្ចាគឈាមរហូតពេលសុខភាពនៅល្អ។ ច្រើនឆ្នាំកន្លង ទោះជាបរិច្ចាគឈាមច្រើនដងក៏ដោយ ប៉ុន្តែខ្ញុំនៅតែមានសុខភាពល្អ។ ឃើញ ដូច្នេះ មិត្តរួមអាជីពនិងសាច់ញាតិក្នុងគ្រួសារក៏មានក្តីជំនឿ ស្ម័គ្រចិត្តជាមួយអ្នកគ្រូដើម្បីបរិច្ចាគឈាម។ មធ្យមក្នុងមួយឆ្នាំ អ្នកគ្រូចលនាប្រហែល១០នាក់ឱ្យចូលរួមបរិច្ចាគឈាមស្ម័គ្រចិត្ត។
អស់រយៈពេលជិត៣០ឆ្នាំ បង្ហាត់បង្រៀន អ្នកគ្រូហាំងតែងសម្រេចល្អភារកិច្ចដែលបានប្រគល់។ ចំពោះសិស្ស អ្នកគ្រូមានភាពជិតស្និទ្ធនិងជួយសិស្សខ្មែរពីរបៀបថ្លែងយោបល់ ឧស្សាហ៍ព្យាយាមក្នុងការសិក្សា។ អស់ពីចិត្តក្នុងការបង្រៀននិងជាគំរូភ្លឺស្វាងក្នុងចលនាបរិច្ចាគឈាមស្ម័គ្រចិត្ត ម៉្លោះហើយអ្នកគ្រូកាន់តែបង្កទំនុកចិត្តឱ្យមិត្តរួមអាជីពនិងសិស្ស។ អ្នកគ្រូហាំងឱ្យដឹងបន្ថែម៖ បរិច្ចាគឈាមស្ម័គ្រចិត្តបានក្លាយជាការចលនាក្នុងទូទាំងសង្គមពេលដែលបរិច្ចាគឈាម យើងទទួលបានការពិនិត្យសុខភាពដោយឥតគិតថ្លៃនិងពេលបង្កើតឈាមថ្មី ជួយឱ្យសារពាង្គកាយមានសុខភាពល្អ។ ខ្ញុំសង្ឃឹមថា អ្នកស្ម័គ្រចិត្ត ដែលមានសុខភាពល្អអាចស្ងប់ចិត្តបរិច្ចាគឈាមនិងយើងត្រូវគិតថាតំណក់ឈាមឱ្យទៅនឹងជួយអ្នកជំងឺដែលកំពុងត្រូវការឈាមនិងការបរិច្ចាគឈាមក៏ជាទង្វើល្អដែលមានប្រយោជន៍ដល់សង្គម។
ជាមួយនឹងស្នាដៃដែលសម្រេចបានអ្នកគ្រូវ៉ធីឡេហាំងបានប្រធានគណៈកម្មាធិការប្រជាជនសុកត្រាំងជូនប័ណ្ណសរសើរពីព្រោះមានស្នាដៃក្នុងការចូលរួមបរិច្ចាគឈាមស្ម័គ្រចិត្តពី២០ដងឡើងទៅលើភូមិដ្ឋានខេត្តសុកត្រាំង នាឱកាសលើកតម្កើងបរិច្ចាគឈាមស្ម័គ្រចិត្តឆ្នើមឆ្នាំ២០២០ និងលើកតម្កើងបរិច្ចាគឈាមថ្នាក់ជាតិនៅចុងខែកក្កដាឆ្នាំ២០២៣។ ស្នាដៃទាំងនោះជារង្វាន់ដ៏សក្តិសមដែលអ្នកគ្រូបានលះបង់ ទន្ទឹមនឹងនោះ ក៏ជាគំរូភ្លឺស្វាងក្នុងចលនាបរិច្ចាគឈាមស្ម័គ្រចិត្តដើម្បីអ្នករាល់គ្នារៀនសូត្រនិងធ្វើតាម៕
ដាលីន
Thông tin bạn đọc
Đóng Lưu thông tin