 |
| ប្រគេនលិខិតសរសើរដល់សមណសិស្សដែលទទួលបានកិត្តិនាមជាសិស្សពូកែឆ្នាំសិក្សា២០២៤-២០២៥។ |
ឆ្នាំសិក្សា២០២៤-២០២៥ សាលាមានកម្មាភិបាល និយោជិត អ្នកពលកម្ម មានសមណសិស្សចំនួន២៤៩ ដោយមាន៧ថ្នាក់។ ជាមួយប្រធានបទឆ្នាំសិក្សាគឺ “វិន័យ ទទួលខុសត្រូវ ផ្លាស់ថ្មីច្នៃប្រឌិត លើកកម្ពស់គុណភាពអប់រំនិងបណ្តុះបណ្តាល” ឆ្នាំសិក្សាកន្លង គ្រូបង្រៀននិងសមណសិស្សសាលាមធ្យមសិក្សាបាលីណាមបូ មិនបង្អង់ក្នុងការខិតខំប្រឹងប្រែងជម្នះរាល់ការលំបាក បញ្ហាប្រឈមមុខនានា រួមចំណែកលើកកម្ពស់គុណភាពអប់រំរបស់សាលា។ គ្រូបង្រៀនតែងកសាងផែនការអប់រំនិងផែនការមេរៀនសមស្របជាមួយលក្ខណៈរបស់សាលា ផ្លាស់ប្តូរវិធីសាស្ត្របង្រៀននិងត្រួតពិនិត្យវាយតម្លៃក្នុងទិសដៅនៃការអភិវឌ្ឍចរិយាសម្បតិ្តសមត្ថភាពរបស់សិស្ស កសាងផែនការបំប៉នដល់សិស្សពូកែផ្នែកអក្សរសាស្ត្រ (ថ្នាក់ទី១០)។ល។ សមណសិស្សភាគច្រើនខិតខំប្រឹងប្រែងសិក្សា គោរពតាមច្បាប់សាលា ប្រតិបត្តិល្អនូវធម៌អាថ៌វិន័យនៃព្រះពុទ្ធសាសនា ធានាសន្តិសុខសណ្តាប់ធ្នាប់ក្នុងសាលា។
លទ្ធផលឆ្នាំសិក្សា២០២៤-២០២៥ សាលាមានសមណសិស្សទទួលបានកិត្តិនាមឆ្នើមចំនួន៣អង្គ សមណសិស្សទទួលបានកិត្តិនាមពូកែចំនួន៥០អង្គ សមណសិស្សដែលឧស្សាហ៍ព្យាយាមចំនួន១៩អង្គ សមណសិស្ស៣៤/៣៤អង្គ គ្រប់លក្ខណៈទទួលស្គាល់ការបញ្ចប់ថ្នាក់អនុវិទ្យាល័យ សម្រេច១០០% សមណសិស្ស៤៥/៤៥អង្គ បានទទួលលិខិបញ្ជាក់មុខវិជ្ជាភាសាខ្មែរថ្នាក់ទី៩ សម្រេច១០០% សមណសិស្ស៣៥/៣៥អង្គ បានបញ្ចប់ថ្នាក់មធ្យមសិក្សាបាលីនិងអក្សរសាស្ត្រខ្មែរ សម្រេច១០០%។
ក្នុងពិធីបូកសរុបលទ្ធផល សាលាក៏បានចាត់តាំងបូកសរុបទម្រង់ “៤គ្មាន ៤មាន” ពីការរក្សាសន្តិសុខសណ្តាប់ធ្នាប់ឆ្នាំសិក្សា២០២៤-២០២៥ ទម្រង់បានរួមចំណែកលើកកម្ពស់ការយល់ដឹង លទ្ធភាព បទពិសោធន៍ក្នុងការអនុវត្តរាល់សកម្មភាពរក្សាសន្តិសុខសណ្តាប់ធ្នាប់នៅសាលា។
ក្នុងឱ្យកាសនេះ សាលាក៏បានប្រគេន ជូនលិខិតដល់គ្រូបង្រៀននិងសមណសិស្សដែលមានស្នាដៃខ្ពស់ក្នុងឆ្នាំសិក្សា២០២៤-២០២៥។
ហុងទើ-លីហាន់
Thông tin bạn đọc
Đóng Lưu thông tin