 |
| សាលាអនុវិទ្យាល័យជនជាតិអន្តេវាសិកត្រឹងដេ ស្រុកត្រឹងដេ (សុកត្រាំង) បានវិនិយោគឧបករណ៍ ដើម្បីបម្រើដល់ការសិក្សា ការរស់នៅរបស់សិស្សបានល្អ។ |
មកសាលាអនុវិទ្យាល័យជនជាតិអន្តេវាសិកត្រឹងដេ ប៉ុន្មានថ្ងៃនេះ យើងខ្ញុំអាចមានអារម្មណ៍សប្បាយរីករាយ រំភើបចិត្តរបស់លោកគ្រូនិងសិស្សពេលបង្រៀន សិក្សានៅក្នុងសាលាដែលមានបន្ទប់រៀនរឹងមាំ ឧបករណ៍អប់រំទំនើប។ នាំយើងខ្ញុំទស្សនាមូលដ្ឋានសម្ភារៈរបស់សាលា លោកគ្រូត្រឹងស៊ុង-ចាងហ្វាងសាលាឱ្យដឹង៖ មានសាលារឹងមាំ បម្រើល្អការងារបង្រៀននិងរៀនដោយបានការយកចិត្តទុកដាក់របស់គណៈកម្មាធិការបក្ស រដ្ឋអំណាចភូមិភាគនិងវិស័យអប់រំនិងបណ្តុះបណ្តាល។ បច្ចុប្បន្ន សាលាមានបន្ទប់ រៀនរឹងមាំចំនួន៨បន្ទប់រៀនមុខវិជ្ជាចំនួន៦ បន្ទប់ស្នាក់នៅចំនួន៣៦។ ពិសេស ក្នុងឆ្នាំសិក្សាកន្លង សាលាទទួលបានការឧបត្ថម្ភពីរដ្ឋក្នុងការវិនិយោគជួសជុលបន្ទប់រៀនមួយចំនួន ទិញសម្ភារៈសិក្សាបន្ថែម ដូចជា មាស៊ីនកុំព្យូរទ័រ ម៉ាស៊ីនបញ្ជាំង។ល។ ទីធ្លាសាលាបានជួសជុលផើងផ្កា ដើមឈើម្លប់បង្កជាទេសភាពបៃតង-ស្អាត ភាពស្និទ្ធស្នាល ធានាបាននូវលក្ខណៈបង្រៀននិងរៀនក៏ដូចជាសកម្មភាពអប់រំក្រៅម៉ោងរបស់សាលា។ ឆ្លងតាមនោះ ការបំពេញតម្រូវការស្រាវជ្រាវ សិក្សារបស់គ្រូនិងសិស្ស។
ក្រៅពីការវិនិយោគលើមូលដ្ឋានសម្ភារៈ ឧបករណ៍ សាលានៅទាំងសកម្មកសាងកងជួរ កម្មាភិបាល គ្រូបង្រៀនដែលមានភាពរឹងមាំលើគ្រប់វិស័យ បច្ចុប្បន្ន សាលាមានកម្មាភិបាល គ្រូបង្រៀន បុគ្គលិកចំនួន៣៣រូប ក្នុងនោះ អត្រាគ្រូបង្រៀនសម្រេចតាមកម្រិតតែងតែបានរក្សាស្ថិរភាព ចំណេះវិជ្ជាមហាវិទ្យាល័យគរុកោសល្យ១០០%។ ដើម្បីបង្កើនគុណភាពអប់រំ សាលាយកចិត្តទុកដាក់ ពិសេសក្នុងការបង្កលក្ខណៈបំប៉នដល់កងជួរកម្មាភិបាល គ្រូបង្រៀនដើម្បីលើកកម្ពស់ចំណេះដឹង បណ្តុះជំនាញវិជ្ជាជីវៈ។ ផ្លាស់ថ្មីជាប្រចាំនូវខ្លឹមសារ ទម្រង់នៃសកម្មភាពក្នុងក្រុមជំនាញ ចាត់តាំងពិនិត្យ ដកបទពិសោធន៍ម៉ោងរៀន ដើម្បីបង្កើនគុណភាពនៃការបង្រៀន។ ទន្ទឹមនឹងនោះ ផ្លាស់ថ្មីយ៉ាងសកម្មនូវវិធីសាស្ត្របង្រៀនឈានដល់ការអភិវឌ្ឍសមត្ថភាពសិស្សសមស្របតាមការជាក់ស្តែង ដោយបង្កើនការអនុវត្ត លើកទឹកចិត្តគ្រូបង្រៀនឱ្យស្រាវជ្រាវយ៉ាងសកម្ម ការអនុវត្តបច្ចេកវិទ្យាព័ត៌មានក្នុងការបង្រៀន គួបផ្សំល្អនូវវិធីសាស្ត្របង្រៀនដើម្បីបង្កភាពរំភើបដល់សិស្ស ឈានដល់ការកសាងសាលាស្និទ្ធស្នាលសិស្សសកម្ម គ្រូបង្រៀនម្នាក់ៗគឺជាគំរូនៃការសិក្សានិងច្នៃប្រឌិតសម្រាប់សិស្សធ្វើតាម។ តាំងពីនោះ គុណភាពអប់រំរបស់សាលាបានកែលម្អឥតឈប់ឈរ។ ឆ្នាំសិក្សា២០២៣-២០២៤ សាលាមានសិស្សសម្រេចជាង៨០% និទ្ទេសគ្រាន់បើ ពូកែ ចរិយាសម្បត្តិគ្រាន់បើ ល្អស្រូបអត្រាជាង៩០% អត្រាបញ្ចប់ការសិក្សាអនុវិទ្យាល័យសម្រេច១០០%។ល។ បានដឹង បន្ទាប់ពីការខិតខំប្រឹងប្រែងឆ្នាំសិក្សា២០២៣-២០២៤ សាលាបានទទួលស្គាល់សម្រេចបទដ្ឋានជាតិកម្រិត១។ បានទទួលស្គាល់សាលាសម្រេចបទដ្ឋានជាតិ គឺជាក្តីរីករាយនិងមោទនភាពនៃសមូហភាពសាលា។ ទោះជាយ៉ាងណាក៏ដោយ ទន្ទឹមនឹងភាពរីករាយក៏មានបញ្ហាប្រឈមមុខមិនតិចក្នុងការរក្សាកិត្តិនាមនិងការដាក់ចេញនូវទិសដៅនៃការខិតខំប្រឹងប្រែងនាពេលអនាគត។ ដើម្បីលើកកម្ពស់លទ្ធផលដែលសម្រេចបាន សមូហភាពកម្មាភិបាល គ្រូបង្រៀននៃសាលាអនុវិទ្យាល័យជនជាតិអន្តេវាសិកត្រឹងដេ បន្តលើកកម្ពស់គុណភាពអប់រំលើគ្រប់វិស័យ ផ្លាស់វិធីសាស្ត្របង្រៀននិងរៀន ជំរុញចលនាប្រឡងប្រណាំង “បង្រៀនល្អ រៀនល្អ” ផ្តោតលើការអប់រំសីលធម៌ របៀបរស់នៅ ជំនាញនិងកាយសម្បទាដល់សិស្ស ឈានដល់កសាងសាលាសម្រេចបទដ្ឋានជាតិកម្រិត២ លោកគ្រូត្រឹងស៊ុង-ចាងហ្វាងសាលាចែករំលែកដូច្នេះ៕
ថាញ់វ៉ាង-លីហាន់
Thông tin bạn đọc
Đóng Lưu thông tin