ទោះបីជីវភាពរបស់ប្រជាជននៅលើភូមិដ្ឋានឃុំឡឹមគៀក ស្រុកថាញ់ទ្រី (សុកត្រាំង) មានការលំបាកច្រើនក៏ដោយ ប៉ុន្តែការងារការពារ ថែទាំសុខភាពប្រជាជន តែងបានគណៈផ្នែកគ្រប់ថ្នាក់កងជួរកម្មាភិបាល គ្រូពេទ្យ វេជ្ជបណ្ឌិតនៃដំណាក់សុខាភិបាលឃុំយកចិត្តទុកដាក់អនុវត្ត។ តាំងពីនោះ មួយជំហានម្តងៗលើកកម្ពស់គុណភាពពិនិត្យ ព្យាបាលជួយប្រជាជនទទួលបានសេវាសុខាភិបាលមូលដ្ឋានកាន់តែប្រសើរឡើង។
 |
| កម្មាភិបាលដំណាក់សុខាភិបាលឃុំឡឹមគៀក ស្រុកថាញ់ទ្រី (សុកត្រាំង) ពិនិត្យជំងឺជូនប្រជាជននៅភូមិភាគ។ |
តាមវេជ្ជបណ្ឌិតត្រឹមថាញ់ញ៉ឹង-ប្រធានដំណាក់សុខាភិបាលឃុំឡឹមគៀក ដំណាក់សុខាភិបាលមានបុគ្គលិកចំនួន៧រូប ក្នុងនោះ មានវេជ្ជបណ្ឌិត១រូប មានក្រុមសុខាភិបាលភូមិ៦/៦និងសហការីចំនួន១៤រូប ធ្វើការជាប្រចាំ ធានាបានការងារអប់រំសុខភាព ទំនាក់ទំនងដល់ប្រជាជនក្នុងភូមិតាមការកំណត់។ ទន្ទឹមនឹងការវិនិយោគកសាងបន្ទប់មុខងារថ្មី ផ្តល់ឧបករណ៍ទំនើបៗ ដូចជា ម៉ាស៊ីនវាស់ចង្វាក់បេះដូង ម៉ាស៊ីនពិនិត្យជាតិស្ករក្នុងឈាម ម៉ាស៊ីនបូមស្លេស្ម ម៉ាស៊ីនពិនិត្យទឹកនោម។ល។ បណ្តាកងជួរគ្រូពេទ្យបានចាត់ភារកិច្ចច្បាស់លាស់ សមស្របជាមួយនឹងមុខជំនាញ រួមជាមួយនឹងអាកប្បកិរិយាបម្រើដ៏អស់ពីចិត្ត បង្កើនការពេញចិត្តរបស់អ្នកជំងឺ មួយជំហានម្តងៗជួយការងារពិនិត្យ ព្យាបាលនៅដំណាក់សុខាភិបាល ដើម្បីទទួលបានលទ្ធផលកាន់តែច្រើនឡើង។ មធ្យមរៀងរាល់ឆ្នាំ ដំណាក់សុខាភិបាលទទួលអ្នកជំងឺជាង១.៣០០នាក់មកពិនិត្យ ព្យាបាល។ មីងទៀកធីសាខុម ភូមិគៀកឡើយ ឃុំឡឹមគៀក ឱ្យដឹង៖ ពេលមកដំណាក់សុខាភិបាលឡឹមគៀកពិនិត្យជំងឺ ខ្ញុំតែងបានគ្រូពេទ្យ វេជ្ជបណ្ឌិតពិនិត្យយ៉ាងអស់ពីចិត្ត រាក់ទាក់ពន្យល់យ៉ាងច្បាស់អំពីសុខភាព ណែនាំអ្នកជំងឺក៏ដូចជាគ្រួសារអ្នកជំងឺ ពីរបៀបថែទាំសុខភាពនៅផ្ទះដោយត្រឹមត្រូវ សុវត្ថិភាព។ ក្នុងអំឡុងពេលសកម្មភាព ដំណាក់សុខាភិបាលឃុំឡឹមគៀក បានបញ្ជូនកម្មាភិបាល បុគ្គលិកពេទ្យចូលរួមបណ្តាថ្នាក់ហ្វឹកហាត់ ដើម្បីទទួលបានចំណេះដឹងអំពីការបង្ការ ទប់ស្កាត់ជំងឺដៃ ជើង មាត់ ជំងឺគ្រុនឈាម សហការជាមួយសាលារៀននៅលើភូមិដ្ឋាន ដើម្បីតាមដានការកើតមានជំងឺក្នុងសាលារៀន សហគមន៍។ ក្រៅពីធ្វើល្អការពិនិត្យ ព្យាបាលជំងឺជូនប្រជាជន ដំណាក់សុខាភិបាល ក៏បានអនុវត្តល្អនូវកម្មវិធីទិសដៅសុខាភិបាលជាតិ រួមចំណែកក្នុងការបង្កើនអត្រានៃកុមារអាយុពី៦ដល់៣៦ខែដែលទទួលវីតាមីនA រៀងរាល់៦ខែ/លើក សម្រេចជាង៩០% អត្រានៃការចាក់វ៉ាក់សាំងគ្រប់១២ប្រភេទសម្រាប់កុមារអាយុក្រោម១ឆ្នាំ សម្រេចជាង៩០% ការងារថែទាំសុខភាពសម្រាលកូន ផែនការគ្រួសារបានយកចិត្តទុកដាក់អនុវត្ត។ ទន្ទឹមនឹងនោះ ផ្សព្វផ្សាយជាប្រចាំនូវចំណេះដឹងអំពីអនាម័យបង្ការជំងឺក្នុងប្រជាជន ឆ្លងតាមនោះ រួមចំណែកដល់ការបង្ការនិងទប់ស្កាត់ជំងឺទាន់ពេល ដូច្នេះ ក្នុងឆ្នាំមិនមានសម្បុកជំងឺកើតឡើងនៅលើភូមិដ្ឋានឃុំ។
វេជ្ជបណ្ឌិតត្រឹមថាញ់ញ៉ឹង-ប្រធានដំណាក់សុខាភិបាលឃុំឡឹមគៀក ឱ្យដឹង៖ ដោយបានយកចិត្តទុកដាក់របស់គណៈកម្មាធិការបក្ស រដ្ឋអំណាចគ្រប់ថ្នាក់នៅឃុំឡឹមគៀក ចង្អុលការអំពីការងារជំនាញនៃមជ្ឈមណ្ឌលសុខាភិបាលស្រុកថាញ់ទ្រី ការងារការពារ ថែទាំសុខភាពប្រជាជននៅលើភូមិដ្ឋាន ទទួលបានលទ្ធផលគួរឱ្យកត់សំគាល់ជាច្រើន។ នាពេលខាងមុខ ដំណាក់សុខាភិបាលឃុំឡឹមគៀកនឹងខិតខំជម្នះការលំបាកក្នុងការអនុវត្តភារកិច្ចនិងលើកកម្ពស់ស្មារតីក្រមសីលធម៌ ណែនាំដោយអស់ពីចិត្ត អនុវត្តល្អនូវក្រមសីលធម៌សម្រាប់អ្នកជំងឺ បង្កើនមុខជំនាញវិជ្ជាជីវៈ ការងារបង្ការ ដើម្បីបំពេញតម្រូវការការពារនិងថែទាំសុខភាពប្រជាជនមួយថ្ងៃកាន់តែល្អប្រសើរឡើង បង្កក្តីជំនឿយ៉ាងមុតមាំសម្រាប់ប្រជាជនមកពិនិត្យនិងព្យាបាលជំងឺនៅដំណាក់សុខាភិបាលនេះ៕
ថាញ់វ៉ាង-លីហាន់
Thông tin bạn đọc
Đóng Lưu thông tin