សុកត្រាំងមានសាលាជនជាតិអន្តេវាសិកចំនួន១០ បានវិនិយោគកសាងនៅបណ្តាស្រុក ទីរួមខេត្តនិងក្រុងដែលមានជនរួមជាតិខ្មែររស់នៅកុះករ ដោយមាន១០២ថ្នាក់និងសិស្សានុស្សចំនួន៣.៤៥៥រូប។ តាមមន្ទីរអប់រំ-បណ្តុះបណ្តាល ផ្តើមពីប្រភពទុនរបស់កម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចដំណាក់កាលឆ្នាំ២០២១-២០៣០ ខេត្តបានវិនិយោគជួសជុលសាលាជនជាតិអន្តេវាសិកចំនួន៨។ សព្វថ្ងៃ ទូទាំងខេត្តមាន៥/១០សាលាជនជាតិអន្តេវាសិកសម្រេចបទដ្ឋានជាតិ។ តាមសមមិត្តយ័ញហ្វាងង្វៀង-នាយករងមន្ទីរអប់រំ-បណ្តុះបណ្តាល សព្វថ្ងៃគោលនយោបាយវិនិយោគពីមូលដ្ឋានសម្ភារៈបានផ្សព្វផ្សាយ ប្រព័ន្ធសាលាបានជំរុញល្បឿនកសាង ធានាឆ្លើយតបល្អតម្រូវការការរៀនសូត្ររបស់ប្អូនៗនៅតំបន់ជនរួមជាតិខ្មែរ។ ទន្ទឹមនោះ របបគោលនយោបាយចំពោះគ្រូបង្រៀន កម្មាភិបាលគ្រប់គ្រងនិងសិស្សានុសិស្សតំបន់ជនជាតិភាគតិចតែងអនុវត្តបានត្រឹមត្រូវ ទាន់ពេល។
ជាមួយមូលដ្ឋានសម្ភារៈបានវិនិយោគ ព្រមទាំងការអនុវត្តបានត្រឹមត្រូវពីរបប គោលនយោបាយបង្កកម្លាំងលើកទឹកចិត្តសម្រាប់លោកគ្រូអ្នកគ្រូស្ងប់ចិត្តក្នុងការបង្ហាត់បង្រៀននិងសិស្សរៀនសូត្របានល្អ គុណភាពអប់រំនៃប្រព័ន្ធសាលាជនជាតិអន្តេវាសិកពីមួយថ្ងៃកាន់តែកើនឡើង។ រាល់ឆ្នាំ បណ្តាសាលាជនជាតិអន្តេវាសិកមានអត្រាសិស្សសម្រេចនិទ្ទេសគ្រាន់បើ ពូកែមានអត្រាជាង៨០% អត្រាសិស្សប្រឡងបញ្ចប់វិទ្យាល័យនៃបណ្តាសាលាជនជាតិអន្តេវាសិកក្នុងប៉ុន្មានឆ្នាំបន្តបន្ទាប់សម្រេច១០០%និងអត្រាសិស្សបានជម្រើសចូលមហាវិទ្យាល័យ អនុមហាវិទ្យាល័យស្រូបអត្រាជាង៧០%។ ទន្ទឹមនោះ ផ្នែកអប់រំនៅទាំងចាត់តាំងការងារបំប៉ន ហ្វឹកហាត់ជំនាញ វិជ្ជាជីវៈជូនកម្មាភិបាលគ្រប់គ្រង គ្រូបង្រៀននៅបណ្តាសាលាជនជាតិអន្តេវាសិកនិងសាលាដែលមានជនរួមជាតិខ្មែររស់នៅកុះករ ដូច្នេះ គុណភាពអប់រំក៏មានការកើនឡើង។
 |
| ម៉ោងរៀនរបស់គ្រូនិងសិស្សសាលាអនុវិទ្យាល័យជនជាតិអន្តវាសិកចូវថាញ់ ស្រុកចូវថាញ់(សុកត្រាំង)។ |
លោកគ្រូដូវ៉ាំងណូន-ចាងហ្វាងសាលាអនុវិទ្យាល័យជនជាតិអន្តេវាសិកចូវថាញ់ ស្រុកចូវថាញ់បានឱ្យដឹង៖ សាលាតែងបានផ្នែកអប់រំវិនិយោគកសាងដោយថវិកាជាង៥៩ពាន់លានដុង ដើម្បីកសាងហេដ្ឋារចនាសម្ព័ន្ធមូលដ្ឋាននិងដល់ឆ្នាំ២០២១ បានទទួលស្គាល់សម្រេចបទដ្ឋានជាតិ។ សព្វថ្ងៃមូលដ្ឋានសម្ភារៈ ឧបករណ៍សម្រាប់បង្រៀននិងរៀនតែងបានវិនិយោគគ្រប់សព្វ ឆ្លើយតបល្អតម្រូវការបង្រៀន រៀននិងប្រជុំជីវភាពរបស់សិស្សានុសិស្ស។ ព្រមជាមួយនោះ ដោយការខិតខំរបស់គ្រូបង្រៀនក្នុងការបង្ហាត់បង្រៀនដូច្នេះទើបធ្វើឱ្យគុណភាពរៀនសូត្ររបស់សិស្សានុសិស្សតែងបានលើកកម្ពស់។ ឆ្នាំ២០២៣-២០២៤ សាលាមានជាង៧០%សិស្សសម្រេចនិទ្ទេសគ្រាន់បើ ពូកែ និង១០០%សិស្សបានឡើងថ្នាក់។
 |
| សាលាអនុវិទ្យាល័យជនជាតិអន្តេវាសិកឡុងភូ ស្រុកឡុងភូ(សុកត្រាំង) បានវិនិយោគជួសជុលនិងកសាងថ្មីបានរឹងមាំ។ |
ជាសាលាមួយក្នុងចំណោមសាលាជនជាតិអន្តេវាសិកនៅលើភូមិដ្ឋានដែលមានជនរួមជាតិខ្មែររស់នៅកុះករ។ ពេលកន្លង សាលាអនុវិទ្យាល័យជនជាតិអន្តេវាសិកឡុងភូមានការខិតខំលើកកម្ពស់គុណភាពអប់រំឱ្យប្អូនៗតំបន់ជនជាតិភាគតិច។ ដោយការយកចិត្តទុកដាក់វិនិយោគរបស់ផ្នែកអប់រំ សាលាបានជួសជុលទាំងស្រុងពីមូលដ្ឋានសម្ភារៈនិងឧបករណ៍សិក្សា។ លោកគ្រូលៀងហៀងសឺ-ចាងហ្វាងសាលាអនុវិទ្យាល័យជនជាតិអន្តេវាសិកឡុងភូបានឱ្យដឹង៖ សាលាទើបបានផ្នែកអប់រំវិនិយោគជាង២១ពាន់លានដុងសម្រាប់ជួសជុល កសាងថ្មីបន្ទប់រៀន អន្តេវាសិកដ្ឋាននិងឧបករណ៍សិក្សាដើម្បីឆ្លើយតបតម្រូវការបង្រៀននិងរៀន។ អស្រ័យហេតុនោះ សាលាធានាបាន១០០%សម្រាប់សិស្សស្នាក់នៅក្នុងអន្តេវាសិក ដូច្នេះការងារគ្រប់គ្រង បង្រៀនមានភាពងាយស្រួល រួមចំណែកលើកកម្ពស់គុណភាព។ ជាក់ស្តែង៣ឆ្នាំជិតៗនេះ សាលាមានសិស្សឡើងថ្នាក់ទាំង១០០% ក្នុងនោះ មានជាង៧០%សិស្សសម្រេចនិទ្ទេសគ្រាន់បើពូកែ។ លោកយ័ញហ្វាងង្វៀងបានឱ្យដឹងបន្ថែម៖ ពេលខាងមុខ ខេត្តនឹងបន្តអនុវត្តមានប្រសិទ្ធភាពបណ្តាបទបញ្ជា សេចក្តីសម្រេចរបស់បក្សនិងរដ្ឋស្តីពីផ្លាស់ថ្មីនិងការអភិវឌ្ឍអប់រំតំបន់ជនជាតិភាគតិច។ ទន្ទឹមនោះ អាទិភាពប្រភពកម្លាំងដើម្បីវិនិយោគនៃប្រព័ន្ធសាលាជនជាតិអន្តេវាសិកនិងបន្ទប់រៀននៅតំបន់លំបាកពិសេស បន្តពិនិត្យ រៀបចំប្រព័ន្ធផ្នែកនិងបណ្តាមូលដ្ឋានអប់រំតំបន់ជនជាតិភាគតិចបំផុតគឺបណ្តាសាលាសកលជនជាតិអន្តេវាសិក។ ទន្ទឹមនោះផ្នែកនៅទាំងចាត់តាំងថ្នាក់ហ្វឹកហាត់ បំប៉នវិជ្ជាជីវៈ មុខជំនាញឱ្យកម្មាភិបាលគ្រប់គ្រង គ្រូបង្រៀននិងផ្លាស់ថ្មីវិធីសាស្រ្តបង្រៀនតាមទិសអភិវឌ្ឍពីចរិយាសម្បត្តិ សមត្ថភាពរបស់សិស្ស សមស្របចំពោះសិស្សជនជាតិភាគតិចដើម្បីរួមចំណែកលើកកម្ពស់គុណភាពអប់រំតំបន់ជនជាតិភាគតិច៕
ដាលីន
Thông tin bạn đọc
Đóng Lưu thông tin