 |
| ទិដ្ឋភាពក្នុងពិធីបំផុសចលនាខែសកម្មភាពដើម្បីកុមារឆ្នាំ២០២៥នៅមជ្ឈមណ្ឌលវប្បធម៌និងសន្និបាតខេត្តសុកត្រាំង។ |
ប៉ុន្មានឆ្នាំកន្លង ការងារថែទាំសុខភាព អប់រំនិងការពារកុមារតែងបានខេត្តសុកត្រាំងយកចិត្តទុកដាក់។ ឆ្នាំ២០២៤ ទូទាំងខេត្តបានជំនួយជាប្រចាំកុមារដែលមានស្ថានភាពជួបការលំបាកចំនួន៤.២៣៧រូប ថែទាំកុមារអនាថា ពិការនៅបណ្តាមូលដ្ឋានសង្គមចំនួន១០០រូប។ ខេត្តបានជូនប័ណ្ណធានារ៉ាប់រងសុខាភិបាលដល់កុមារក្រោមអាយុ៦ឆ្នាំចំនួន១១៣.២១៨រូប សម្រេចអត្រា៩៩,៨% ធានា១០០%កុមារចំណុះគ្រួសារក្រ គ្រួសារក្បែរក្របានទទួលគោលនយោបាយសុខាភិបាលដោយឥតគិតថ្លៃ។ ទន្ទឹមនោះ ខេត្តបានជំនួយការវះបេះដូង កសាងផ្ទះ២០០ខ្នង ជូនអំណោយចំនួន៥៦.០០០ចំណែក អាហារូបករណ៍ចំនួន៦៧០ចំណែកនិងជូនបរិក្ខារសិក្សាដល់ប្អូនៗកុមារជួបការលំបាករាប់ពាន់ចំណែក សរុបថវិកាអនុវត្តបណ្តាទិសដៅដើម្បីកុមារក្នុងប៉ុន្មានឆ្នាំកន្លងសម្រេចជាង៤០ពាន់លានដុង។ ដោយឡែក ក្នុងខែសកម្មភាពដើម្បីកុមារឆ្នាំ២០២៤ រាល់ផ្នែក រាល់ថ្នាក់ក្នុងខេត្តបានចលនាជិត៤ពាន់លានដុង សម្រាប់ជំនួយកុមារចំនួន៥៣.៤៦៤រូប ក្នុងនោះ មានកុមារ ដែលជួបការលំបាកចំនួន១១.៣០០រូប។ ប៉ុន្តែសព្វថ្ងៃទូទាំងខេត្តនៅមានកុមារចំនួន ២០.០០០រូប ចំណុះគ្រួសារក្រ បោះបង់ការសិក្សាឬក៏រស់នៅឆ្ងាយពីឪពុកម្តាយ ត្រូវការយកចិត្តទុកដាក់ជំនួយពីសហគមន៍។
 |
| សមមិត្តងោហ៊ុង-សមាជិកគណៈអចិន្ត្រៃយ៍បក្សខេត្ត ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំងជូនអំណោយដល់កុមារដែលមានជីវភាពលំបាកពិសេស។ |
ខែសកម្មភាពដើម្បីកុមារខេត្តសុកត្រាំងឆ្នាំ២០២៥បានប្រព្រឹត្តឡើងចាប់ពីថ្ងៃទី១មិថុនា-ថ្ងៃទី៣០ មិថុនា ឆ្នាំ២០២៥។ ជាមួយស្មារតីសកម្មភាពជាក់ស្តែង អាទិភាពប្រភពកម្លាំងសម្រាប់ជំនួយដល់កុមារ សុកត្រាំងសង្ឃឹមថានឹងបង្កភាពវិវិត្តន៍យ៉ាងសកម្ម លើកកម្ពស់គុណភាពការស់នៅនិងធានាផលប្រយោជន៍ជាក់ស្តែងដល់កុមារ បំផុតគឺកុមារដែលមានជីវភាពលំបាកលើភូមិដ្ឋានខេត្ត។
នាឱកាសនេះដើម្បីចូលរួមខែសកម្មភាពដើម្បីកុមារនិងទិវាកុមារអន្តរជាតិ១មិថុនា គណៈកម្មាធិការរណសិរ្សមាតុភូមិវៀតណាមខេត្តសុកត្រាំង ក្រុមហ៊ុនចំកាត់ជាសមាជិកមួយឆ្នោតជាតិខេត្តសុកត្រាំង ក្រុមហ៊ុនធានារ៉ាប់រងជន្មាយុបាវវៀតសុកត្រាំងឆ្លងរយៈមូលនិធិគាំពារកុមារខេត្តបានជូនអំណោយ បរិក្ខាររៀនសូត្រដល់កុមារដែលមានជីវភាពលំបាកចំនួន១.៧១៧រូបលើភូមិដ្ឋាន ក្នុងនោះមានកុមារចំនួន៣០០រូបបានទទួលអំណោយក្នុងពិធីរួមមានថវិកានិងសៀវភៅ។ ចំណែកប្អូនៗក្រៅពីនោះទទួលតាមរយៈប្រព័ន្ធតាមភូមិភាគនិងអង្គភាព។
 |
| ថ្នាក់ដឹកនាំបណ្តាមន្ទីរគណៈផ្នែកខេត្តសុកត្រាំងជូនអំណោយដល់ប្អូនៗកុមារ។ |
ថ្លែងការណ៍នៅក្នុងពិធី សមមិត្តង្វៀងវ៉ាំងខើយ-អនុប្រធានគណៈកម្មាធិការប្រជាជនខេត្តសង្កត់ធ្ងន់ ដើម្បីខែសកម្មភាពសម្រាប់កុមារឆ្នាំ២០២៥សម្រេចបានលទ្ធផលជាក់ស្តែង រាល់ផ្នែក ថ្នាក់និងទូទាំងសង្គមគប្បីប្រមូលផ្តុំផ្សព្វផ្សាយមានប្រសិទ្ធភាពច្បាប់កុមារ ផ្សព្វផ្សាយប្រសិទ្ធភាពបណ្តាគោលនយោបាយ ក្រឹត្យច្បាប់និងកម្មវិធីបង្ការទប់ស្កាត់លង់ទឹក ថែទាំ អប់រំ ការពារកុមាររួមចំណែកអភិវឌ្ឍដោយចីរភាពនិងសុភមង្គលរបស់ប្រទេសជាតិ។ សមមិត្តសំណូមពរ ជំរុញការងារឃោសនា លើកកម្ពស់ការយល់ដឹងនិងភារៈនៃទូទាំងសង្គម យកចិត្តទុកដាក់ណែនាំឪពុកម្តាយ អ្នកថែទាំកុមារពីរបៀបរស់នៅនិងរបៀបការពារកុមារចំពោះទង្វើបៀតបៀន ប្រើអំពើហឹង្សា គ្រោះថ្នាក់រងរបួស។ ទន្ទឹមនោះគប្បីអាទិភាពរៀបចំ កៀរគរមានប្រសិទ្ធភាពប្រភពកម្លាំងដើម្បីកសាងបរិស្ថានរស់នៅប្រកបដោយសុវត្ថិភាពដល់កុមារ ចាត់តាំងសកម្មភាពវប្បធម៌ កីឡា កម្សាន្តសប្បាយក្នុងឱកាសវិស្សមកាលដើម្បីបង្ការគ្រោះថ្នាក់ បំផុតគឺការលង់ទឹក។ រាល់គ្រួសារគប្បីយល់ច្បាស់ពីតួនាទី ភារៈក្នុងការថែទាំ អប់រំ ការពារកុមារ គប្បីយកចិត្តទុកដាក់ត្រួតពិនិត្យ បង្កលក្ខណៈដើម្បីប្អូនៗមានការរីកចម្រើនទាំងកាយសម្បទា បញ្ញានិងស្មារតី៕
ហ្វាងភុក-សុផល
Thông tin bạn đọc
Đóng Lưu thông tin