 |
| ជូនប័ណ្ណសរសើររបស់គណៈកម្មាធិការប្រជាជនខេត្តសុកត្រាំង ដើម្បីបង្ហាញពីការដឹងគុណចំពោះគ្រួសារបដិវត្តន៍យឿងគីហ៊ីប។ |
នៅពិធីនេះ តំណាងទាំងឡាយបានអុជធូបរំលឹកវិញ្ញាណក្ខន្ធអ្នកបដិវត្តន៍យឿងគីហ៊ី។ ទន្ទឹមនឹងនោះ សមាគមជំរុញការសិក្សាខេត្ត បានទទួលការគប់វាល់របស់គ្រួសារអ្នកបដិវត្តន៍យឿងគីហ៊ីបនិងបណ្តាបុគ្គល អង្គភាពឧបត្ថម្ភមូលនិធិជំរុញការសិក្សាយឿងគីហ៊ីប។ មូលនិធិជំរុញការសិក្សាយឿងគីហ៊ីប បានបង្កើតតាមសេចក្តីសម្រេចលេខ២៣៩/QĐTC-CTUBND ចុះថ្ងៃទី៣១ ឧសភា ឆ្នាំ២០១២ របស់គណៈកម្មាធិការប្រជាជនខេត្តសុកត្រាំង។ ជាមួយបំណងជួយឧបត្ថម្ភអាហារូបករណ៍ដល់សិស្ស ដើម្បីបង្កលក្ខណៈដល់ប្អូនៗដែលមានស្ថានភាពក្រីក្រ ជួបការលំបាក កំព្រា។ល។ បានទៅសាលារៀននិងសិក្សាបានល្អ ក្លាយជាបញ្ញវន្ត រួមកម្លាំងកសាងមាតុភូមិ ប្រទេសជាតិ។
 |
| សមាគមជំរុញការសិក្សាខេត្តសុកត្រាំង ទទួលបានការឧបត្ថម្ភរបស់អង្គការ បុគ្គល មូលនិធិជំរុញការសិក្សាយឿងគីហ៊ីប។ |
ប្រភពចលនាមូលនិធិជំរុញការសិក្សាយឿងគីហ៊ីប សំខាន់ គឺការឧបត្ថម្ភគប់វាល់របស់គ្រួសារកូនចៅរបស់សមមិត្តយឿងគីហ៊ីប សប្បុរសជន បណ្តាក្រុមហ៊ុន អាជីវកម្មក្នុងនិងក្រៅខេត្ត។ បន្ទាប់ពីសកម្មភាពអស់រយៈពេលជាង១០ឆ្នាំ ប្រភពមូលនិធិបានចលនាថវិកាជាង៦,១ពាន់លានដុង។ ដោយឡែកឆ្នាំ២០២៥ ចំនួនទឹកប្រាក់ដែលបានគប់វាល់ដល់មូលនិធិជំរុញការសិក្សាយឿងគីហ៊ីប គឺ៤៧៥លានដុង ចំនួនប្រភពកើនឡើងជិត៦,៦ពាន់លានដុង។ ពីប្រភពមូលនិធិនេះ បានប្រគល់អាហារូបករណ៍ចំនួន២.៤៩៤ ជូនដល់សិស្សជួបការលំបាក កំព្រា ពិការ សិស្សានុសិស្សជនជាតិខ្មែរនៅតំបន់ដែលមានស្ថានភាពសេដ្ឋកិច្ចលំបាក បានទៅសាលារៀននិងសិក្សាបានល្អ។
 |
| សមមិត្តហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត (ទី៤ពីស្តាំ) ព្រមទាំងថ្នាក់ដឹកនាំខេត្ត គណៈកម្មាធិការបក្សស្រុកឡុងភូ បានជូនផ្កា ថ្លែងអំណរគុណចំពោះអង្គភាពឧបត្ថម្ភអាហារូបករណ៍យឿងគីហ៊ីបនិងកម្មវិធីបំបាត់ផ្ទះបណ្តោះអាសន្ន ផ្ទះទ្រុឌទ្រោមនៅលើភូមិដ្ឋានស្រុកឡុងភូ។ |
ថ្លែងប្រសាសន៍ក្នុងពិធីនេះ អនុប្រធានគណៈកម្មាធិការប្រជាជនខេត្ត ង្វៀងវ៉ាំងខើយ បានសង្កត់ធ្ងន់ថា កាលនៅមានជីវិត ទោះបីកាន់ច្រើនតំណែងសំខាន់ៗក៏ដោយ ប៉ុន្តែអ្នកបដិវត្តន៍យឿងគីហ៊ីប តែងយកចិត្តទុកដាក់ចំពោះជីវភាពរបស់ប្រជាជន ពិសេស គឺយុវជនជំនាន់ក្រោយ។ ក្នុងឱកាសរំលឹកខួបអនុស្សាវរីយ៍នេះ ជំនួសមុខថ្នាក់ដឹកនាំគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមខេត្ត សមមិត្តក៏បានអំពាវនាវដល់ស្ថាប័ន អង្គភាព អាជីវកម្មអង្គការ បុគ្គលក្នុងនិងក្រៅខេត្ត បន្តសាទរ រួមកម្លាំងជាមួយគ្រួសារ សមាគមជំរុញការសិក្សាខេត្ត ដើម្បីកសាងមូលនិធិជំរុញការសិក្សាយឿងគីហ៊ីបកាន់តែរឹងមាំ សម្រាប់ឧបត្ថម្ភដល់សិស្សដែលមានស្ថានភាពលំបាក បន្តទៅសាលាបានល្អ ដោយមានគោលបំណងបង្ករធនធានមនុស្ស បញ្ញវន្ត ដើម្បីបម្រើដល់មាតុភូមិ ប្រទេសជាតិ។ ដើម្បីដឹងគុណចំពោះការគប់វាល់ដ៏មានតម្លៃទាំងនេះ ប្រធានគណៈកម្មាធិការប្រជាជនខេត្តសម្រេចជូនប័ណ្ណសរសើរដល់គ្រួសារអ្នកបដិវត្តន៍យឿងគីហ៊ីប។
ក៏នៅក្នុងពិធីនេះដែរ សមាគមធៀងញ៉ឹង (ទីក្រុងហូជីមិញ) បានឧបត្ថម្ភថវិកាចំនួន២០០លានដុង ដល់ស្រុកឡុងភូ ដើម្បីអនុវត្តកម្មវិធីបំបាតផ្ទះបណ្តោះអាសន្ន ផ្ទះទ្រុឌទ្រោមដល់ប្រជាជនដែលជួបការលំបាក៕
ម៉ាយខូយ-លីហាន់
Thông tin bạn đọc
Đóng Lưu thông tin