 |
|
បិទវគ្គថ្នាក់បណ្តុះបណ្តាលរបររយៈពេលខ្លីនៅមជ្ឈមណ្ឌលអប់រំរបរនិងអប់រំអចិន្រ្តៃយ៍ស្រុកថាញ់ទ្រី (សុកត្រាំង)។ |
តាមរបាយការណ៍លទ្ធផលផ្សព្វផ្សាយការងារអភិវឌ្ឍអប់រំរបរឆ្នាំ២០២៤មជ្ឈមណ្ឌលអប់រំរបរនិងអប់រំអចិន្រ្តៃយ៍ស្រុកថាញ់ទ្រីបានសហការជាមួយផ្នែកនានានិងអង្គការមហាជនថ្នាក់ស្រុកនិងគណៈកម្មាធិការប្រជាជនបណ្តាឃុំបើកបាន៥៧ថ្នាក់បណ្តុះបណ្តាលរបរកម្រិតបឋមក្រោម៣ខែដោយមានសិក្ខាកាម១.២៥៤រូប ក្នុងនោះជនជាតិភាគតិចគឺ៧២៦រូបស្រូបអត្រា៥៧,៨៩%។ ក្នុងឆ្នាំ២០២៤ មជ្ឈមណ្ឌលអប់រំរបរនិងអប់រំអចិន្រ្តៃយ៍ស្រុកថាញ់ទ្រីបានអនុវត្តច្រើនកម្មវិធីអប់រំរបរជូនដល់ជនជាតិភាគតិចក្នុងកម្រិតអាយុពលកម្មជាមួយថវិកាជាង៧,៣ពាន់លានដុង។ មជ្ឈមណ្ឌលប្រមូលផ្តុំបណ្តុះបណ្តាលមុខរបរសមស្របជាមួយនឹងតម្រូវការពលករនៃភូមិភាគនីមួយៗដូចកាត់ដេរឧស្សាហកម្ម កុំព្យូទ័រ ភ្លេងពិណពាទ្យ ដាំស្ល សំអាងការ កាត់សក់ ចិញ្ចឹមសត្វ (ជ្រូក គោ មាន់ ទា) ចិញ្ចឹមជលផល (ត្រីផ្ទក់ កង្កែប អន្ទង់) ថែទាំផ្កា ដាំដំណាំ (ស្រូវ បន្លែបង្ការ)។ ក្នុងនោះកម្មវិធីអភិវឌ្ឍអប់រំរបរពីថវិកាខេត្តបើកបាន១១ថ្នាក់ដោយមានប្រជាជនចូលរួម២៣២រូប កម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនជាតិភាគតិចបើកបាន១៦ថ្នាក់ដោយមានប្រជាជន៣៧៦រូប កម្មវិធីទិសដៅជាតិកសាងជនបទថ្មីបើកបាន២ថ្នាក់ដោយមានប្រជាជនចូលរួម៥៥រូប។
 |
| បន្ទាប់ពីចូលរួមថ្នាក់បណ្តុះបណ្តាលរបរសិក្ខាកាមបើកទូលាយទម្រង់ដាំត្រសក់លើផ្ទៃដីរបស់គ្រួសារ។ |
មីងវ៉ធ្វីអៀង នៅភូមិទ្រុងថាញ់ ឃុំទ្វឹងទឹក ស្រុកថាញ់ទ្រីបានឱ្យដឹង៖ ខ្ញុំមានក្តីរីករាយណាស់ពេលបានចូលរួមហ្វឹកហាត់ថ្នាក់ចិញ្ចឹមគោ ខ្ញុំបានក្រេបជញ្ជក់ចំណេះដឹងពីការថែទាំគោសាច់ របៀបឱ្យគោស៊ីផ្អាប់ចម្បើង អនាម័យទ្រុងបង្ការជំងឺ។ល។ ហ្វឹកហាត់រួច ខ្ញុំក៏ទិញគោបន្ថែម៣ក្បាលយកមកចិញ្ចឹមទៀត សព្វថ្ងៃគោរបស់ខ្ញុំឆាប់ធំណាស់។
ដើម្បីបើកបានថ្នាក់ហ្វឹកហាត់ គណៈកម្មាធិការប្រជាជនឃុំនានាចង្អុលការបណ្តាផ្នែកជំនាញសហការសមាគមអង្គការនានានិងប្រជាជនពិនិត្យតម្រូវការចុះឈ្មោះរៀនរបរផ្សារភ្ជាប់និងដោះស្រាយការងារធ្វើដល់ពលករនៅជនបទ។ ប្រមូលផ្តុំបង្វែរវិទ្យាសាស្រ្ត-បច្ចេកទេស បច្ចេកវិជ្ជាថ្មី ចំណេះដឹងក្នុងការផលិតលើភូមិដ្ឋាន តម្រូវការរបស់កសិករនៃភូមិភាគសម្រាប់ជម្រើសលើវិស័យត្រូវបង្វែរដើម្បីរចនាសម្ព័ន្ធឡើងវិញពូជសត្វចិញ្ចឹមដំណាំតាមទិសផលិតទំនិញតាមប្រព័ន្ធតម្លៃនិងតម្រូវការអ្នកប្រើប្រាស់ពលករ។ ដោយឡែកឆ្នាំ២០២៤ ពលករបានបណ្តុះបណ្តាលគឺ១០០%អត្រាពលករមានការងារធ្វើ ក្រោយពីបានបណ្តុះបណ្តាលសម្រេចជាង៩៥%។
លោកត្រឹងវ៉ាំងអ៊ុក-នាយករងមជ្ឈមណ្ឌលអប់រំរបរនិងអប់រំអចិន្រ្តៃយ៍ស្រុកថាញ់ទ្រីបានឱ្យដឹង៖ ពេលខាងមុខ មជ្ឈមណ្ឌលនឹងបន្តសហការចាត់តាំងផ្សព្វផ្សាយអនុវត្តបណ្តាគោលនយោបាយ ជំនួយបណ្តុះបណ្តាលរបរ ជំរុញការងារបង្រៀនរបរដល់យុវជន កម្មករ កសិករនិងពលករ ឆ្លងតាមរយៈជំនួយសមស្របជាមួយស្ថានភាពជាក់ស្តែងរបស់ភូមិភាគ អាទិភាពបណ្តុះបណ្តាលរបរដល់យុវជន សម្រេចភារកិច្ចយោធា នគរបាលអ្នកពិការនិងមុខសញ្ញាកម្លាំងខ្សោយ ពលករនៅជនបទតំបន់លំបាក ពិសេសតំបន់ជនជាតិភាគតិច។ ពិសេសម្ចាស់ការសហការបណ្តុះបណ្តាលជាមួយអាជីវកម្មបង្កើនពេលវេលាបណ្តុះបណ្តាល អនុវត្តការងារនៅអាជីវកម្ម តាមនោះលើកទឹកចិត្តអាជីវកម្មចូលរួមអប់រំរបរចាប់ពីជម្រើសបណ្តុះបណ្តាលដល់ប្រើប្រាស់តាមទម្រង់បណ្តុះបណ្តាលរបរមានអាសយដ្ឋាន។
អាចនិយាយបានថាលើកកម្ពស់គុណភាពនិងប្រសិទ្ធភាពអប់រំរបរបានក្លាយជាភារកិច្ចចម្បងនៃរដ្ឋអំណាចគ្រប់ថ្នាក់ស្រុកថាញ់ទ្រីបានរួមចំណែកបង្វែររចនាសម្ព័ន្ធពលកររចនាសម្ព័ន្ធសេដ្ឋកិច្ចដោះស្រាយការងារធ្វើ បង្កើនប្រាក់ចំណូលឱ្យពលករឆ្លើយតបតម្រូវការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច៕
ហុងទើ-សុផល
Thông tin bạn đọc
Đóng Lưu thông tin