 |
| លោកគ្រូលីវតឹងស៊ើង-គ្រូបង្រៀនវ័យក្មេងកំពុងណែនាំសិស្សក្នុងវិញ្ញាសាកុំព្យូទ័រ។ |
បញ្ចប់ការសិក្សាគរុកោសល្យជាន់ខ្ពស់កុំព្យូទ័រ-រូបវិទ្យាឆ្នាំ២០១២ លោកគ្រូលីវតឹងស៊ើងបានចាត់មកបង្រៀននៅសាលាអនុវិទ្យាល័យជនជាតិអន្តេវាសិកឡុងភូរហូតមកដល់សព្វថ្ងៃ។ ជាមួយស្មារតីស្ម័គ្រចិត្តរបស់យុវជននិងការស្រឡាញ់របរគ្រូបង្រៀនតាំងពីតូច លោកគ្រូតឹងស៊ើងបានខិតខំលត់ដំសីលធម៌ចរិយាសម្បត្តិ មិនបង្អង់ក្នុងការសិក្សាស្រាវជ្រាវលើកកម្ពស់មុខជំនាញ សកម្មផ្លាស់ថ្មីវិធីសាស្រ្តបង្ហាត់បង្រៀនឱ្យបានសមស្របចំពោះសិស្សនីមួយៗនិងជាជំហានឆ្លើយតបតម្រូវការរបស់ផ្នែកអប់រំនាបច្ចុប្បន្ន។ ចែករំលែកចំពោះយើងខ្ញុំលោកគ្រូស៊ើងបានឱ្យដឹង៖ ដើម្បីទាក់ទាញនិងបង្កភាពចូលចិត្តចំពោះសិស្សានុសិស្សក្នុងម៉ោងបង្រៀនខ្ញុំតែងប្រើវិធីសាស្រ្តបង្ហាត់បង្រៀនឱ្យបានសមស្រប។ មិនត្រឹមតែសកម្មសិក្សាស្រាវជ្រាវ អនុវត្តវិធីសាស្រ្តបង្ហាត់បង្រៀនថ្មី លោកគ្រូលីវតឹងស៊ើងនៅទាំងស្នើច្រើនច្នៃប្រឌិតមានប្រសិទ្ធភាពក្នុងមុខជំនាញដូច ច្នៃប្រឌិត “លត់ដំវិញ្ញាសាគណិតវិទ្យាក្នុងការរៀនបង្កើត Pascal- កុំព្យូទ័រ៨នៅសាលាអនុវិទ្យាល័យជនជាតិអន្តេវាសិកឡុងភូ” ក្រោយរយៈកាលអនុវត្តជួយឱ្យសិស្សានុសិស្សលត់ដំវិញ្ញាសាគណិតវិទ្យាក្នុងការរៀនបង្កើត Pascal សម្រាប់ដោះស្រាយបណ្តាមេរៀនគណិតវិទ្យាលើកុំព្យូទ័រ បរិយាកាសរៀនសូត្រមានភាពជក់ចិត្ត សិស្សក្រេបជញ្ជក់និងក្តាប់មេរៀនបានឆាប់ តាមនោះ លទ្ធផលរៀនសូត្ររបស់សិស្សពីមួយថ្ងៃកាន់តែបានលើកកម្ពស់។ ពិសេស លោកគ្រូនៅទាំងសកម្មលំហាត់មេរៀនឱ្យសិស្សពូកែរបស់សាលា ម៉្លោះហើយមានសិស្សជាច្រើនទទួលបានរង្វាន់ខ្ពស់ក្នុងពិធីប្រឡងកុំព្យូទ័រវ័យក្មេងខេត្តសុកត្រាំង ពិធីប្រឡងច្នៃប្រឌិតយុវជន-កុមារខេត្តសុកត្រាំង។ ជាមួយតួនាទីជាបក្ខជន លោកគ្រូតឹងស៊ើងតែងធ្វើជាគំរូអនុវត្តល្អបណ្តាគោលការណ៍ គោលនយោបាយរបស់បក្សនិងក្រឹត្យច្បាប់របស់រដ្ឋ បំផុតគឺសេចក្តីសម្រេចលេខ ០១KL/TW ចុះថ្ងៃទី១៨/៥/២០២១របស់ការិយាល័យនយោបាយស្តីពីបន្តអនុវត្តសារាចរលេខ០៥-CT-/TW របស់ការិយាល័យនយោបាយ “ស្តីពីជម្រុញការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ” ផ្សារភ្ជាប់បណ្តាការចលនាប្រឡងប្រណាំងអាស្រ័យផ្នែកអប់រំ-បណ្តុះបណ្តាលបំផុសចលនា។
វាយតម្លៃពីលោកគ្រូលីវតឹងស៊ើង លោកគ្រូលៀងហៀងស៊ឺ-ចាងហ្វាងសាលាបានឱ្យដឹង៖
ក្នុងការងារ លោកគ្រូស៊ើងតែងជាគំរូអស់ពីចិត្តនឹងការងារចេះស្តាប់មតិគប់វាល់របស់មិត្តរួមអាជីពមិនបង្អង់សិក្សាស្រាវជ្រាវ លើកកម្ពស់មុខជំនាញ។ ដូច្នេះ ជួយឱ្យសាលាទទួលបានស្នាដៃជាច្រើន លោកគ្រូតឹងស៊ើងសក្តិសមជាគំរូគ្រូបង្រៀនវ័យក្មេងឆ្នើមសម្រាប់មិត្តរួមអាជីព សិស្សានុសិស្សរៀនសូត្រយកតម្រាប់តាម។
ដោយការខិតខំច្នៃប្រឌិតក្នុងការបង្ហាត់បង្រៀនឆ្នាំ២០២២ លោកគ្រូលីវតឹងស៊ើងមានកិត្តិយសបានសម្ព័ន្ធយុវជនខេត្តជូនប័ណ្ណសរសើរ “គ្រូបង្រៀនវ័យក្មេងឆ្នើម” ថ្នាក់ខេត្ត ប័ណ្ណសរសើររបស់គណៈកម្មាធិការប្រជាជនខេត្តដែលសម្រេចបានស្នាដៃឆ្នើមក្នុងការអនុវត្តភារកិច្ច។ នេះជាការលើកទឹកចិត្តដើម្បីលោកគ្រូរួមជាមួយក្រុមប្រឹក្សាគរុកោសល្យសាលាបន្តខិតខំលើកកម្ពស់គុណភាពអប់រំ នាំមកនូវចំណេះដឹងដល់ប្អូនៗសិស្សានុសិស្សជាទីស្រឡាញ់៕
ថាញ់វ៉ាង
Thông tin bạn đọc
Đóng Lưu thông tin