ថ្ងៃទី១៦មីនា នៅវត្តឥន្ទកោសីកំពង់តាឥន្ទជ្រោយទឹមថ្មី ឃុំដាយតឹម ស្រុកមីស្វៀង (សុកត្រាំង) សមាគមព្រះសង្ឃសាមគ្គីស្នេហាជាតិខេត្តសហការជាមួយអនុមន្ទីរអប់រំនិងបណ្តុះបណ្តាលស្រុកមីស្វៀងនិងព្រះចៅអធិការ គណៈកម្មការវត្តឥន្ទកោសីកំពង់តាឥន្ទជ្រោយទឹមថ្មី ចាត់តាំងពិធីប្រឡងបាលីរង ពិនិត្យទទួលស្គាល់សម្រេចកម្មវិធីបឋមសិក្សាឆ្នាំ២០២៥និងប្រកាសលទ្ធផល ប្រគេនរង្វាន់ដល់សមណសិស្ស ដែលមានពិន្ទុខ្ពស់ជាងគេ។ ចូលរួមមានព្រះឧបជ្ឈាយ៍តាំងណោ-សុធម្មាធិបតីរង ក្រុមប្រឹក្សាវិន័យធ័រនៃសមាគមពុទ្ធសាសនាវៀតណាម ប្រធានគណៈអភិបាលនៃសមាគមពុទ្ធសាសនាវៀតណាមខេត្ត ប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង ប្រធានក្រុមប្រឹក្សាពិធីប្រឡង សមមិត្តត្រឹងខាក់ទ្រុង-នាយករងមន្ទីរជនជាតិនិងសាសនាខេត្ត តំណាងបណ្តាមន្ទីរគណៈផ្នែកខេត្ត។
 |
| ពិធីប្រកាសលទ្ធផលនិងប្រគេនរង្វាន់ដល់សមណសិស្សដែលប្រឡងបាលីរងឆ្នាំ២០២៥។ |
ចូលរួមពិធីប្រឡងមានសមណសិស្សចំនួន៨១អង្គ។ ក្នុងនោះ ផ្នែកបាលីរងមាន៧៩អង្គ ពិនិត្យទទួលស្គាល់សម្រេចកម្មវិធីបឋមសិក្សាមាន៨១អង្គ។ សមណសិស្សចូលរួមពិធីប្រឡងមកពីបណ្តាវត្តទក្ខិណនិកាយខ្មែរលើភូមិដ្ឋានខេត្ត។ សមណសិស្សប្រឡងរួមមាន គណិត ភាសាវៀត ធម្មបទ វេយ្យាករណ៍បាលី សរសេរតាមអាន វេយ្យាករណ៍ខ្មែរ ពុទ្ធប្បវត្តិនិងធម្មវិន័យ។
លទ្ធផលមានសមណសិស្ស៨១/៨១អង្គ បានទទួលស្គាល់សម្រេចកម្មវិធីបឋមសិក្សា សម្រេចអត្រា១០០% មានសមណសិស្ស៦៩/៧៩អង្គប្រឡងជាប់កម្រិតបឋមសិក្សាបាលីរងសម្រេចអត្រា៨៧%។ គណៈចាត់តាំងបានប្រគេនលិខិតបញ្ជាក់និងប្រគេនរង្វាន់ដល់សមណសិស្សចំនួន១០អង្គដែលមានពិន្ទុខ្ពស់ជាងគេ។ សមណសិស្សថាច់មិញហាយ-
វត្តស្រឡូង(មីស្វៀង) សម្រេចពិន្ទុខ្ពស់ជាងគេបំផុតសរុបគឺ៧១ពិន្ទុ។ ក្រៅពីរង្វាន់របស់គណៈចាត់តាំង សមណសិស្សទាំងឡាយនៅទាំងទទួលទេយ្យវត្ថុពីមន្ទីរគណៈផ្នែក មាមីងពុទ្ធបរិស័ទ សប្បុរសជនដើម្បីលើកទឹកចិត្តស្មារតីក្នុងការរៀនសូត្រ៕
ហុងទើ-សុផល
Thông tin bạn đọc
Đóng Lưu thông tin