 |
| អ្នកគ្រូផាមធីយីមគីវ គំរូភ្លឺស្វាងអស់ពីចិត្តដើម្បីបុព្វហេតុសិក្សាអប់រំ។ |
ឆ្នាំ១៩៩៤ បន្ទាប់ពីបញ្ចប់ការសិក្សាសាលាគរុកោសល្យជាន់ខ្ពស់សុកត្រាំង ជំនាញផ្នែកអប់រំបឋមសិក្សា អ្នកគ្រូគីវបានចាត់ឱ្យមកបង្រៀននៅសាលាបឋមសិក្សាអាងនិញ D។ ក្នុងប៉ុន្មានឆ្នាំដំបូង ទោះបីសម្ភារៈបរិក្ខាររបស់សាលានៅមានការខ្វះខាត រាល់ថ្ងៃ អ្នកគ្រូផាមធីយីមគីវតែងឧស្សាហ៍ព្យាយាមជាមួយគម្រោងមេរៀន ចូលចិត្តបង្រៀន។ ក្នុងច្រើនខែឆ្នាំបង្រៀន អ្នកគ្រូតែងផ្តល់បទពិសោធន៍ ផ្ទេរចំណេះដឹងដល់សិស្សដោយអស់ពីចិត្តនិងយកចិត្តទុកដាក់ចំពោះសិស្សជាទីស្រឡាញ់។ អ្នកគ្រូផាមធីយីមគីវ ចែករំលែក៖ ចំណេះដឹងកម្រិតបឋមជាមូលដ្ឋានគ្រឹះដ៏សំខាន់ ដើម្បីជួយសិស្សរៀនល្អនៅកម្រិតបន្តបន្ទាប់។ នោះហើយជាមូលហេតុដែលខ្ញុំតែងតែស្រាវជ្រាវយ៉ាងសកម្ម ផ្លាស់ថ្មីនូវវិធីសាស្ត្រក្នុងការបង្រៀន ជួយសិស្សងាយយល់ ឆាប់ចាំមេរៀន។ ក្រៅពីការបង្រៀនចំណេះដឹង ខ្ញុំតែងឆ្លៀតពេលស្វែងយល់អំពីស្ថានភាព បំណងប្រាថ្នារបស់សិស្សម្នាក់ៗ ដើម្បីមានវិធីលត់ដំទាន់ពេលនិងលើកទឹកចិត្តប្អូនៗសិក្សាល្អ។
ក្រៅពីការសិក្សានិងស្រាវជ្រាវបន្ថែមក្នុងសៀវភៅ ដោះដូរជាមួយមិត្តរួមអាជីព អ្នកគ្រូនៅទាំងស្វែងយល់ សិក្សាចំណេះដឹងបន្ថែម ជាក់ស្តែង ក្នុងជីវភាពដើម្បីមានមេរៀនល្អនិងទាក់ទាញ។ តាំងពីនោះ ម៉ោងបង្រៀនកាន់តែរស់រវើក សិស្សសិក្សាយ៉ាងសកម្ម លទ្ធផលសិក្សារបស់សិស្សបានកើនជាលំដាប់ ជាក់ស្តែងនៅចុងឆ្នាំសិក្សា សិស្សបញ្ចប់កម្មវិធីថ្នាក់រៀនសម្រេច១០០%។ អ្នកគ្រូផាមធីយីមគីវឱ្យដឹងបន្ថែម៖ ចំពោះសិស្សានុសិស្សដែលមានសមត្ថភាពសិក្សា ចរិយាសម្បត្តិល្អ ខ្ញុំតែងសរសើរ ជូនរង្វាន់ដល់ប្អូនៗទាន់ពេល បង្កការទាក់ទាញ ជំរុញការស្រាវជ្រាវ ច្នៃប្រឌិតរបស់ប្អូនៗក្នុងសកម្មភាពនីមួយៗ។ ចំពោះសិស្សដែលមានស្ថានភាពគ្រួសារលំបាក មិនទាន់មានអាកប្បកិរិយាល្អ… ខ្ញុំស្វែងយល់ពីមូលហេតុឆ្លងតាមគ្រួសារ សាច់ញាតិរបស់ប្អូនៗ ប្រើវិធីសាស្ត្រប្រកបដោយមនោសញ្ចេតនា យកចិត្តទុកដាក់រក្សាភាពស្និទ្ធស្នាលដល់ប្អូនៗនិងតែងដាស់តឿន លើកទឹកចិត្តសរសើរប្អូនៗទាន់ពេល។ អ្នកគ្រូអូវធីង៉ុកអាយ-ចាងហ្វាងសាលាឱ្យដឹង៖ អ្នកគ្រូផាមធីយីមគីវ ជាគ្រូបង្រៀនអស់ពីចិត្តជាមួយនឹងរបរ។ ក្នុងចលនាប្រឡងប្រណាំង អ្នកគ្រូតែងលើកកម្ពស់ស្មារតីទទួលខុសត្រូវ ខិតខំប្រឹងប្រែងនិងសម្រេចឆ្នើមភារកិច្ចដែលបានប្រគល់។ របរគ្រូបង្រៀន ក្រៅពីចំណេះដឹងជំនាញ ប្រការសំខាន់បំផុតគឺសេចក្តីស្រឡាញ់ ស៊ូទ្រាំលំបាក អត់ធ្មត់ចំពោះសិស្ស។ អ្នកគ្រូគីវ តែងគំរូឈានមុខក្នុងការអនុវត្តវិធីសាស្ត្របង្រៀនថ្មីប្រកបដោយភាពច្នៃប្រឌិត ដើម្បីលើកកម្ពស់គុណភាពអប់រំរបស់សាលាជាមួយគំនិតផ្តួចផ្តើម បទពិសោធន៍ជាក់ស្តែងជាច្រើន។
បន្ទាប់ពីជាង៣០ឆ្នាំបំពេញការងារក្នុងរបរគ្រូបង្រៀន ច្រើនឆ្នាំបន្តបន្ទាប់ អ្នកគ្រូគីវតែងរក្សាកិត្តិនាមជាគ្រូបង្រៀនពូកែថ្នាក់ស្រុក ពលកម្មពូកែ យុទ្ធជនប្រឡងប្រណាំងថ្នាក់មូលដ្ឋាន។ អ្នកគ្រូនៅទាំងទទួលបានស្នាដៃជាច្រើនដូចៈ ប័ណ្ណសរសើររបស់គណៈកម្មាធិការប្រជាជនខេត្ត ប័ណ្ណសរសើររបស់នាយករដ្ឋមន្ត្រី ពីព្រោះមានស្នាដៃក្នុងវិស័យអប់រំនិងបណ្តុះបណ្តាលពីឆ្នាំសិក្សា២០១៧-២០១៨ដល់ឆ្នាំសិក្សា២០២១-២០២២។ អ្នកគ្រូផាមធីយីមគីវសក្តិសមជាគំរូឆ្នើម អស់ពីចិត្តដើម្បីបុព្វហេតុសិក្សាអប់រំ៕
ចន្ថា
Thông tin bạn đọc
Đóng Lưu thông tin