សាលាបឋមសិក្សាមីធ្វឹងបេ ប្រឡងប្រណាំងបង្រៀនល្អ រៀនល្អ

អស់ពីចិត្តជាមួយនឹងរបរ លះបង់ក្នុងបុព្វហេតុអប់រំ សមូហភាពក្រុមប្រឹក្សាគរុកោសល្យសាលាបឋមសិក្សាមីធ្វឹងបេ ឃុំមីធ្វឹង ស្រុកមីទូ (សុកត្រាំង) តែងមានការសាមគ្គី ខិតខំអនុវត្តល្អចលនាប្រឡងប្រណាំងបង្រៀនល្អ រៀនល្អ ណែនាំសិស្សកាន់តែជឿនលឿន ទទួលបានច្រើនលទ្ធផលក្នុងការសិក្សា។

ដើម្បីអនុវត្តចលនាប្រឡងប្រណាំងបង្រៀនល្អ រៀនល្អ ចាប់ពីដើមឆ្នាំសិក្សា គណៈគ្រប់គ្រងសាលាបឋមសិក្សាមីធ្វឹងបេ បានកសាងផែនការអនុវត្តយ៉ាងសកម្ម ក្នុងនោះ ដាក់ចេញនូវគោលដៅខិតខំប្រឹងប្រែងជាក់ស្តែងសម្រាប់ថ្នាក់នីមួយៗ។ កំណត់ច្បាស់ពីការលើកកម្ពស់គុណភាពកងជួរគ្រូបង្រៀនជាដំណោះស្រាយដ៏សំខាន់មួយក្នុងការលើកកម្ពស់គុណភាពអប់រំ គណៈគ្រប់គ្រងសាលាតែងផ្តោតការយកចិត្តទុកដាក់លើការបំប៉នកងជួរគ្រូបង្រៀន ដែលមានជំនាញល្អនិងអស់ពីចិត្តជាមួយរបរ។ ក្នុងប៉ុន្មានឆ្នាំសិក្សា សាលាចាត់តាំងសិក្ខាសាលាជាទៀងទាត់ជាមួយប្រធានបទខ្លឹមសារផ្សេងៗគ្នា រក្សាសកម្មភាពជំនាញប្រកបដោយប្រសិទ្ធភាព លើការផ្លាស់ថ្មីវិធីសាស្ត្រនិងជំនាញក្នុងការបង្រៀនឆ្ពោះដល់ការអភិវឌ្ឍគុណភាពនិងសមត្ថភាពរបស់សិស្ស។ សាលាលើកទឹកចិត្តគ្រូបង្រៀនឱ្យបង្កើនការអនុវត្តបច្ចេកវិទ្យាព័ត៌មានក្នុងការបង្រៀន ទន្ទឹមនឹងនោះ តែងចូលរួមប្រចាំម៉ោង ដើម្បីវាយតម្លៃ ពិគ្រោះយោបល់ដល់គ្រូបង្រៀនពីវិធីសាស្ត្រ បច្ចេកទេសបង្រៀនសកម្ម។ សាលាមានកម្មាភិបាល គ្រូបង្រៀន បុគ្គលិក ១០០%នៃកម្មាភិបាល គ្រូបង្រៀនអនុវត្តគម្រោងមេរៀនអេឡិចត្រូនិក ១០០%នៃកម្មាភិបាល គ្រូបង្រៀនមានចំណេះដឹងសម្រេចតាមកម្រិតនិងលើសពីកម្រិត។ ឆ្នាំសិក្សា២០២៣-២០២៤ សាលាមានគ្រូបង្រៀន៨រូប ដែលបានទទួលស្គាល់ជាគ្រូបង្រៀនពូកែថ្នាក់ស្រុកមានគ្រូបង្រៀនចំនួន៣រូប ដែលមានបទពិសោធន៍ច្នៃប្រឌិតថ្នាក់ស្រុក សាលាមាន៥ថ្នាក់ចាប់ពីថ្នាក់ទី១ដល់៥ មាន២០ថ្នាក់ មានសិស្ស៦២២រូប ឆ្នាំសិក្សា២០២៤-២០២៥ សាលាបានកៀរគរសិស្សឡើងថ្នាក់សម្រេច១០០%។

ក្នុងម៉ោងបង្រៀនរបស់អ្នកគ្រូនិងសិស្សសាលាបឋមសិក្សាមីធ្វឹងបេ ឃុំមីធ្វឹង ស្រុកមីទូ។

លោកគ្រូយឿងថាញ់ឡុក-ចាងហ្វាងសាលាបឋមសិក្សាមីធ្វឹងបេ ឱ្យដឹង៖ លទ្ធផលរបស់សាលាដែលសម្រេចបានក្នុងប៉ុន្មានឆ្នាំងសិក្សាកន្លង ពិតជាមានមោទនភាពណាស់ ដោយសារការយកចិត្តទុកដាក់ពីគ្រប់កម្រិត គ្រប់វិស័យ។ ពិសេស មូលដ្ឋានសម្ភារៈបានថ្នាក់លើវិនិយោគកសាងក្នុងឆ្នាំ២០២៣ សរុបថវិកាជិត១៥ពាន់លានដុង។ តាមនោះ មានមូលដ្ឋានសម្ភារៈរឹងមាំ លោកគ្រូនិងសិស្សសាលា នឹងខិតខំប្រឹងប្រែងថែមទៀត ដើម្បីជម្នះរាល់ការលំបាក កសាងសាលាមានការសាមគ្គីរឹងមាំ ធ្វើឱ្យចលនាប្រឡងប្រណាំងបង្រៀនល្អ រៀនល្អ ក្លាយជាកម្លាំងជំរុញដើម្បីលើកកម្ពស់គុណភាពបង្រៀននិងរៀន មូលដ្ឋានសម្ភារៈរបស់សាលាឆ្លើយតបតាមលក្ខឋាន ដូច្នេះ ចាប់ពីឆ្នាំ២០១៨ រហូតមកដល់ពេលនេះ សាលាតែងតែរក្សាបាននូវសាលារៀនសម្រេចស្តង់ដារជាតិ។

ក្នុងម៉ោងហាត់ប្រាណរបស់លោកគ្រូនិងសិស្សសាលាបឋមសិក្សាមីធ្វឹងបេ ឃុំមីធ្វឹង ស្រុកមីទូ។

រួមជាមួយនឹងចលនាប្រឡងប្រណាំងបង្រៀនល្អនិងរៀនល្អនៅសាលាបឋមសិក្សាមីធ្វឹងបេគួរឱ្យរំភើប។ អាស្រ័យហេតុនេះ គុណភាពអប់រំនៅសាលាគឺមានលក្ខណៈស្មើគ្នា មានចំណេះដឹងមិនខ្ពស់ ទាបជាងគ្នា រវាងសិស្ស រវាងថ្នាក់ក្នុងសាលា។ ឆ្នាំសិក្សា២០២៣-២០២៤ ចំនួនសិស្សថ្នាក់ទី៥ ដែលបានបញ្ចប់កម្មវិធីថ្នាក់បឋមសិក្សា សម្រេច៩៨,២៣% សិស្សល្អ សុភាពរាបសា ឧស្សាហ៍ព្យាយាមរៀនសូត្រ សម្រេច១០០%។ សិស្សដែលមានចំណាត់ថ្នាក់ល្អនិងបំពេញតាមលក្ខឋាននៃគុណភាពនិងសមត្ថភាព សម្រេច៩៨%។ មីងត្រឹងធីអ្វាន់មាតាបិតាសិស្សនៅសាលាបឋមសិក្សាមីធ្វឹងបេ ឱ្យដឹង៖ កូនរបស់ខ្ញុំទើបតែរៀនថ្នាក់ទី១អា សាលានៅទីនេះស្អាត ធំទូលាយ រឹងមាំ លោកគ្រូ អ្នកគ្រូសកម្ម យកចិត្តទុកដាក់ខ្លាំងណាស់ ដូច្នេះ ខ្ញុំស្ងប់ចិត្តឱ្យកូនមករៀននៅសាលានេះ។

ដោយស្មារតីជម្នះការលំបាក សមូហភាពកម្មាភិបាល គ្រូបង្រៀននិងសិស្សរបស់សាលា បានបង្កលទ្ធផលគួរឱ្យកត់សំគាល់។ ឆ្នាំសិក្សា២០២៤-២០២៥ ជឿជាក់ថា ជាមួយនឹងស្មារតីសាមគ្គីជម្នះការលំបាកនោះ សាលាបឋមសិក្សាមីធ្វឹងបេ នឹងបន្តទទួលបានលទ្ធផលវិជ្ជមានថែមទៀតក្នុងបុព្វហេតុ “បណ្តុះបណ្តាលមនុស្ស”៕

ដាលីន

សាលាបឋមសិក្សាមីធ្វឹងបេ ប្រឡងប្រណាំងបង្រៀនល្អ រៀនល្អ

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង

សាលាបឋមសិក្សាមីធ្វឹងបេ ប្រឡងប្រណាំងបង្រៀនល្អ រៀនល្អ

Thông tin bạn đọc

សារព័ត៌មានសុកត្រាំងអេឡិចត្រូនិក

អគ្គនិពន្ធនាយកៈ ង្វៀងវ៉ាំងទ្រីវ

អគ្គនិពន្ធនាយករងៈ លេហ្វាងបាក់-ត្រឹងធីធូថាវ-លេមិញទ្រឿង