ព្រឹកថ្ងៃទី២១ មករា នៅមជ្ឈមណ្ឌលវប្បធម៌និងសន្និបាតខេត្ត សមាគមជំរុញការសិក្សាខេត្តសុកត្រាំង បានចាត់តាំងពិធីជូនអាហារូបករណ៍ជំរុញការសិក្សា ជំរុញចំណេះដឹង “លឿងឌិញគួ” ដល់សិស្ស និស្សិតឆ្នើមសង្វាតរៀនសូត្រខេត្តសុកត្រាំង ឆ្នាំ២០២៤។ អញ្ជើញចូលរួមមានបណ្តាសមមិត្តៈហូធីកឹមដាវ-អនុលេខាប្រចាំការបក្សខេត្ត ប្រធានក្រុមប្រឹក្សាប្រជាជនខេត្ត លីរដ្ឋា-សមាជិកបក្សខេត្ត អនុប្រធានក្រុមប្រឹក្សាប្រជាជនខេត្ត ង្វៀងវ៉ាំងខើយ-សមាជិកបក្សខេត្ត អនុប្រធានគណៈកម្មាធិការប្រជាជនខេត្ត ថ្នាក់ដឹកនាំបណ្តាគណៈផ្នែករបស់ខេត្ត ថ្នាក់ដឹកនាំក្រុមហ៊ុនចំកាត់លេខឆ្នោតជាតិសុកត្រាំង ព្រមទាំងសិស្សានុសិស្សនិងនិស្សិតជាច្រើនរូប។
 |
| តំណាងចូលរួមពិធីជូនអាហារូបករណ៍លឿងឌិញគួខេត្តសុកត្រាំង ឆ្នាំ២០២៤។ |
សមាគមជំរុញការសិក្សាខេត្តសុកត្រាំង បានចាត់តាំងពិធីជូនអាហារូបករណ៍ “លឿងឌិញគួ” ចំនួន៣៩១ចំណែករបស់ខេត្តសុកត្រាំង ដល់សិស្ស និស្សិតឆ្នើមសង្វាតរៀនសូត្រ ឆ្នាំ២០២៤ សរុបថវិកាជាង១,២ពាន់លានដុង។ ក្នុងនោះ មានអាហារូបករណ៍ចំនួន៣៣៦ចំណែកដល់និស្សិតឆ្នើមសង្វាតរៀនសូត្រដែលកំពុងសិក្សានៅតាមសាលាមហាវិទ្យាល័យទូទាំងប្រទេស ៥០ចំណែកដល់និស្សិតជាប់មហាវិទ្យាល័យដែលមានពិន្ទុខ្ពស់បំផុតក្នុង៣វិញ្ញាសានៅខេត្ត (៥លានដុង/ចំណែក) និង៥ចំណែកដល់ក្រុមអ្នកនិពន្ធដែលទទួលបានរង្វាន់លេខមួយក្នុងពិធីប្រឡង “ច្នៃប្រឌិតយុវកុមារ) ថ្នាក់ខេត្ត (៥លានដុង/ចំណែក)។ ប្រភពអាហារូបករណ៍បានឧបត្ថម្ភដោយក្រុមហ៊ុនចំកាត់លេខឆ្នោតជាតិសុកត្រាំង។
 |
| អនុលេខាប្រចាំការបក្សខេត្ត ហូធីកឹមដាវ ជូនអាហារូបករណ៍ដល់និស្សិតសុកត្រាំង។ |
ថ្លែងប្រសាសន៍នៅពិធីជូនអាហារូបករណ៍ អនុប្រធានគណៈកម្មាធិការប្រជាជនខេត្ត ង្វៀងវ៉ាំងខើយ ឱ្យដឹងថា អាហារូបករណ៍នេះ ជួយសិស្ស និស្សិតឆ្នើមដែលមានស្ថានភាពក្រលំបាក បន្តការសិក្សាបានល្អ មានអនាគតភ្លឺស្វាងនិងក្លាយជាបញ្ញវន្ត រួមចំណែកក្នុងការកសាងមាតុភូមិសុកត្រាំង កាន់តែរីកចម្រើន សុភមង្គល។ នេះជាកម្លាំងលើកទឹកចិត្តយ៉ាងសកម្ម ដែលមានសារៈសំខាន់មនុស្សសាស្ត្រយ៉ាងជ្រាលជ្រៅ ក្នុងសង្គមភាវូបនីយកម្មនៃការអប់រំ បណ្តុះបណ្តាលប្រភពធនធានមនុស្ស បំប៉នបញ្ញវន្តបម្រើបុព្វហេតុនៃឧស្សាហូបនីកម្ម ទំនើបកម្មរបស់ប្រទេសនិងសមាហរណកម្មអន្តរជាតិ។
 |
| សមមិត្តលីរដ្ឋា-សមាជិកបក្សខេត្ត អនុប្រធានក្រុមប្រឹក្សាប្រជាជនខេត្តនិងប្រធានក្រុមហ៊ុនចំកាត់លេខឆ្នោតជាតិសុកត្រាំង ឡឹមយូញើង ជូនអាហារូបករណ៍លឿងឌិញគួ ឆ្នាំ២០២៤។ |
បានដឹង ក្នុងឆ្នាំ២០២៤ សមាគមជំរុញការសិក្សាគ្រប់ថ្នាក់ក្នុងខេត្ត បានជូនអាហារូបករណ៍គ្រប់ប្រភេទ៤៩.៥២១ចំណែក សរុបថវិកាជាង៤៧,៥ពាន់លានដុង។ ក្រៅពីការជូនអាហារូបករណ៍ សមាគមជំរុញការសិក្សាខេត្ត ក៏បានចលនាអ្នកឧបត្ថម្ភដោយផ្ទាល់ដើម្បីសាងសង់ ជូនផ្ទះជំរុញការសិក្សាចំនួន២៨ខ្នង ដល់សិស្សឆ្នើមដែលជម្នះការលំបាកសង្វាតរៀនសូត្រដែលលំបាកអំពីផ្ទះនៅ (ផ្ទះនីមួយៗ មានតម្លៃ៧០លានដុង) សរុបថវិកាជិត២ពាន់លានដុង៕
ស្វឹងហឿង-លីហាន់
Thông tin bạn đọc
Đóng Lưu thông tin