 |
| ដំណាក់សុខាភិបាលពេទ្យយោធា-ឃុំឡាយហ្វា ប៉ុស្តិ៍ការពារព្រំដែនឡាយហ្វាពិនិត្យជំងឺជូនប្រជាជននៅតាមផ្ទះ។ |
តាមវរសេនីយ៍ទោថាយមិញផុង-ប្រធានដំណាក់សុខាភិបាលពេទ្យយោធា-ឃុំឡាយហ្វា ទីរួមខេត្តវិញចូវ (សុកត្រាំង) ឱ្យដឹង៖ ដើម្បីពិនិត្យសុខភាពជូនមាមីងបានទាន់ពេល រៀងរាល់ថ្ងៃ កម្មាភិបាលពេទ្យដំណាក់សុខាភិបាលមានមុខតាំងពីព្រលឹម។ មាមីងមកដំណាក់សុខាភិបាលពិនិត្យសុខភាពភាគច្រើននៅក្រៅម៉ោងធ្វើការ ដូច្នេះហើយ ដំណាក់សុខាភិបាលក៏បានចាត់កម្មាភិបាលពេទ្យប្រចាំការ ២៤/២៤ ដើម្បីបម្រើល្អការងារថែទាំសុខភាពនិងបំពេញភារកិច្ចរបស់គ្រូពេទ្យចំពោះអ្នកជំងឺ។ អាស្រ័យដោយការអស់ពីចិត្តដើម្បីអ្នកជំងឺនៃគ្រូពេទ្យបំពាក់ដោយស័ក្តិខៀវដូចជាយើងខ្ញុំ រួមជាមួយកម្មាភិបាលពេទ្យនៅដំណាក់សុខាភិបាលបង្កបានការទំនុកចិត្តរបស់ប្រជាជននៅភូមិដ្ឋាន។ បច្ចុប្បន្ន មធ្យមជារៀងរាល់ថ្ងៃដំណាក់សុខាភិបាលទទួលការពិនិត្យសុខភាពនិងផ្តល់ថ្នាំដល់អ្នកជំងឺជាង៣០រូប។ ដំណាក់សុខាភិបាលពេទ្យយោធា-ឃុំឡាយហ្វាចុះពិនិត្យនិងផ្តល់ថ្នាំតាមផ្ទះដល់អ្នកជំងឺ ជាអ្នកវ័យចាស់ដែលមានស្ថានភាពលំបាកឈឺធ្ងន់មិនអាចមកដំណាក់សុខាភិបាលពេទ្យដើម្បីពិនិត្យជំងឺ។ បងលីហ្វិញសាងបាននិយាយដោយរំជួលចិត្តថា៖ គ្រួសារក្ររស់នៅជាមួយម្តាយចាស់ឈឺជើងពិបាកដើរ។ ដោយដឹងពីស្ថានភាពរបស់ខ្ញុំ កម្មាភិបាលរបស់ដំណាក់សុខាភិបាលពេទ្យយោធា-ឃុំឡាយហ្វាមកពិនិត្យសុខភាពដល់កន្លែង។ ពេលដែលចុះទៅពិនិត្យសុខភាពម្តងៗ ដំណាក់សុខាភិបាលនៅទាំងសហការជាមួយអង្គការមហាជននានាជូនអំណោយយ៉ាងច្រើនដល់គ្រួសារខ្ញុំ ដូចជាអង្ករ មី ទឹកស៊ីអ៊ីវ ប្រេងឆា…។ បានដឹង មធ្យមក្នុងមួយខែ ដំណាក់សុខាភិបាលពេទ្យយោធា-ឃុំឡាយហ្វាចាត់តាំងពិនិត្យ ព្យាបាលជំងឺនិងផ្តល់ថ្នាំពេទ្យដល់អ្នកជំងឺជាង ១.០០០រូប។ ពេលកំពូលមានអ្នកជំងឺឡើងដល់ជាង២.០០០រូប/ខែ។ ទន្ទឹមនឹងនោះ ដំណាក់សុខាភិបាលក៏បានផ្សព្វផ្សាយដល់មាមីងអំពីវិធីបង្ការ ទប់ស្កាត់ជំងឺមួយចំនួនដូចជាៈ គ្រុនចាញ់ ដៃ ជើង មាត់ គ្រុនឈាម… បច្ចុប្បន្ន ដំណាក់សុខាភិបាលពេទ្យយោធា-ឃុំឡាយហ្វាមានកម្មាភិបាល៥រូប ដើម្បីបម្រើការងារពិនិត្យសុខភាព។ វរសេនីយ៍ទោថាយមិញផុងឱ្យដឹង៖ ភាពសប្បាយរីករាយរបស់ប្រជាជនពេលជំងឺបានជាសះស្បើយ ក៏ជាកម្លាំងលើកទឹកចិត្តដើម្បីបងប្អូនច្បាមជាប់នឹងភូមិដ្ឋាន ជិតស្និទ្ធជាមួយប្រជាជនសម្រេចភារកិច្ចឆ្នើមដែលបានប្រគល់។ ជាមួយតួនាទីជាប្រធានដំណាក់សុខាភិបាលពេទ្យយោធានិងទាំងពិនិត្យ ព្យាបាលជំងឺដល់កម្មាភិបាលយុទ្ធជន ក្រៅពីនេះ នៅទាំងបានថែទាំសុខភាពរបស់ប្រជាជននៅលើ ភូមិដ្ឋាន ខ្ញុំតែងផ្សព្វផ្សាយដល់កម្មាភិបាលដំណាក់សុខាភិបាលរៀបចំការងារធានាប្រចាំការ២៤/២៤ ត្រៀមសង្គ្រោះព្យាបាលឱ្យអ្នកជំងឺពេលមកដំណាក់សុខាភិបាលក៏ដូចអ្នកជំងឺដែលមិនអាចមកដំណាក់សុខាភិបាលបាន ខ្ញុំក៏បានចុះទៅដល់តាមផ្ទះពិនិត្យសុខភាពដោយផ្ទាល់ឬចាត់ឱ្យកម្មាភិបាល បុគ្គលិកទៅពិនិត្យសុខភាពជូនមាមីងបានល្អ។
ក្នុងប៉ុន្មានឆ្នាំកន្លង ដំណាក់សុខាភិបាលពេទ្យយោធា-ឃុំឡាយហ្វា ទីរួមខេត្តវិញចូវ (សុកត្រាំង) ក្លាយជាអាស័យដ្ឋានអាចទុកចិត្តបាន នាំមកនូវក្តីសង្ឃឹម ភាពសប្បាយរីករាយដល់អ្នកជំងឺក្រ ពិសេសជនរួមជាតិខ្មែរនៅតាមព្រំដែនសមុទ្រ។
ដាលីន
Thông tin bạn đọc
Đóng Lưu thông tin