 |
| លោកគ្រូឡឹមហ៊ីបប៉ា គ្រូបង្រៀនសាលាអនុវិទ្យាល័យជនជាតិអន្តេវាសិកឡុងភូ (សុកត្រាំង)។ |
ឆ្នាំ២០០២ លោកគ្រូប៉ា បានបញ្ចប់ការសិក្សាមហាវិទ្យាល័យគរុកោសល្យរូបវិទ្យានិងចាប់ផ្តើមបំពេញការងារនៅសាលាអនុវិទ្យាល័យភូហ៊ឺវ ស្រុកឡុងភូ។ ដល់ឆ្នាំ២០០៤ ពេលដែលសាលាអនុវិទ្យាល័យជនជាតិអន្តេវាសិកឡុងភូបានបង្កើតលោកគ្រូបានចាត់មកបំពេញការងារនៅទីនេះ។ ដោយសារបានបួសនិងបានសិក្សានៅសាលាមធ្យមសិក្សាបាលីណាមបូ លោកគ្រូប៉ាមានចំណេះដឹងពីភាសាខ្មែរ។ លោកគ្រូនិយាយ៖ ខ្ញុំប្រាថ្នាចង់ក្លាយជាគ្រូបង្រៀនភាសាខ្មែរ ដូច្នេះ ពេលដែលសាលាចាត់ឱ្យបង្រៀនបន្ថែមវិញ្ញាសានេះ ខ្ញុំសប្បាយចិត្តខ្លាំងណាស់។ ពេលដឹងថាសាលាមហាវិទ្យាល័យត្រាវិញបានបណ្តុះបណ្តាលគ្រូបង្រៀនអក្សរសាស្ត្រខ្មែរ ខ្ញុំក៏សម្រេចចិត្តទៅរៀនបន្ថែមវិញ្ញាបនបត្រទី២។ ឆ្នាំ២០១៤ ខ្ញុំបានបញ្ចប់ការសិក្សានិងបានក្លាយជាគ្រូបង្រៀនភាសាខ្មែររហូតមកដល់បច្ចុប្បន្ន។
បច្ចុប្បន្ន លោកគ្រូប៉ា ទទួលបន្ទុកបង្រៀនភាសាខ្មែរពីថ្នាក់ទី៦ ថ្នាក់ទី៩និងបានសាលាប្រគល់ភារៈឱ្យលំហាត់មេរៀនក្រុមជម្រើសសិស្សពូកែ។ លោកគ្រូប៉ាឱ្យដឹង៖ ខ្ញុំទទួលបន្ទុកបង្រៀនថ្នាក់ទី៦ ដើម្បីប្រចាំថ្នាក់សិស្សដែលទើបតែចូលរៀន សម្រាប់មានវិធីសាស្ត្របង្រៀនឱ្យសមស្រប។ ដោយសារបច្ចុប្បន្ន សិស្សប្រហែល៩០%ដែលចូលរៀនក្នុងសាលាមិនចេះអានឬសរសេរភាសាខ្មែរបានត្រូវមានវិធីសាស្ត្របង្រៀនសមស្រប។ ហេតុដូច្នេះ ខ្ញុំនឹងជ្រើសរើសរបៀបបង្រៀនអំពីការប្រកបអក្សរ និយាយភាសាសាមញ្ញក្នុងការទំនាក់ទំនង ចំណែកដែលសិស្សចេះអក្សរ គឺបង្រៀនតាមកម្មវិធី។ ធ្វើបានប្រការនោះទើបសិស្សចេះអាន ចេះសរសេរអក្សរខ្មែរ។ ថ្នាក់ទី៩ គឺដើម្បីជួយបំប៉នដល់ប្អូនៗ ប្រឡងជាប់វិញ្ញាសាខ្មែរនិងមានចំណេះដឹងច្រើន សម្រាប់ការប្រឡងសិស្សពូកែថ្នាក់ខេត្ត។
ដើម្បីមានវិធីសាស្ត្របង្រៀនឱ្យបានសមស្រប លោកគ្រូប៉ា បានស្រាវជ្រាវសៀវភៅ វិធីសាស្ត្របង្រៀនភាសាខ្មែរនៅលើបណ្តាញ។ ទន្ទឹមនឹងនោះ លោកគ្រូបានស្រាវជ្រាវវចនានុក្រមខ្មែរ-វៀតជាច្រើនដើម្បីណែនាំសិស្សក្នុងការបកប្រែ។ អាស្រ័យហេតុនេះ សិស្សានុសិស្សចូលរួមបំប៉នក្នុងក្រុមជម្រើសសិស្សពូកែថ្នាក់ខេត្តកាន់តែច្រើន។ មកដល់ពេលនេះ លោកគ្រូប៉ាបានបំប៉នសិស្សចំនួន៣០រូបដើម្បីចូលរួមប្រឡងសិស្សពូកែភាសាខ្មែរថ្នាក់ខេត្តនិងទទួលបានរង្វាន់ខ្ពស់ជាច្រើន។ ប្អូនទ្រឿងធីថាវមី សិស្សថ្នាក់ទី៩អា២ និយាយ៖ លោកគ្រូប៉ា មានវិធីសាស្ត្របង្រៀនងាយយល់ ងាយចាំនិងសរសេរតិចខុសអក្ខរាវិរុទ្ធ ដូច្នេះ ប្អូនចូលចិត្តរៀនភាសាខ្មែរណាស់។ ប្អូនស្ថិតក្នុងក្រុមជម្រើសសិស្សពូកែ ក្រៅពីការសិក្សាក្នុងថ្នាក់ លោកគ្រូក៏ផ្តល់ឯកសារនិងសៀវភៅជាច្រើន ដើម្បីបម្រើល្អសម្រាប់ការសរសេរ តែងសេចក្តីជាភាសាខ្មែរ។ ឥឡូវប្អូនមានចំណេះច្រើនដើម្បីត្រៀមខ្លួនឱ្យបានល្អសម្រាប់ពិធីប្រឡងសិស្សពូកែវិញ្ញាសាខ្មែរថ្នាក់ខេត្តនាពេលខាងមុខ។
លោកគ្រូលៀងហៀងស៊ឺ-ចាងហ្វាងសាលាអនុវិទ្យាល័យជនជាតិអន្តេវាសិកឡុងភូឱ្យដឹង៖
លោកគ្រូឡឹមហ៊ីបប៉ាជាគ្រូបង្រៀនអស់ពីចិត្តជាមួយនឹងរបរ ស្រឡាញ់សិស្សនិងមានការយល់ដឹងច្រើនពីភាសាខ្មែរ-បាលី ដូច្នេះ មានវិធីសាស្ត្របង្រៀនបានល្អ សមស្របជាមួយនឹងសមត្ថភាពរបស់សិស្ស។ លោកគ្រូប៉ាបានបំប៉នសិស្សពូកែជាច្រើនរូប បានទទួលប័ណ្ណសរសើរពីគណៈកម្មាធិការប្រជាជនខេត្តសុកត្រាំង។
លោកគ្រូឡឹមហ៊ីបប៉ា តែងស្ម័គ្រចិត្តជាមួយនឹងរបរ អស់ពីចិត្តដើម្បីសិស្សជំនាន់ក្រោយនៅសាលាអនុវិទ្យាល័យជនជាតិអន្តេវាសិកឡុងភូ ជាគំរូសម្រាប់លោកគ្រូ អ្នកគ្រូក្នុងសាលារៀនសូត្រនិងធ្វើតាម។ លទ្ធផលដែលលោកគ្រូទទួលបានរួមចំណែកយ៉ាងសកម្មក្នុងចលនាប្រឡងប្រណាំង “បង្រៀនល្អ រៀនល្អ” “ផ្លាស់ថ្មី ច្នៃប្រឌិតក្នុងការបង្រៀននិងរៀន” នៃវិស័យសិក្សាអប់រំស្រុកឡុងភូនិយាយរួមនិងរបស់សាលាអនុវិទ្យាល័យជនជាតិអន្តេវាសិកឡុងភូនិយាយដោយឡែក៕
ដាលីន-លីហាន់
Thông tin bạn đọc
Đóng Lưu thông tin