 |
| សាលាអនុវិទ្យាល័យជនជាតិអន្តេវាសិកកេសាច់ ស្រុកកេសាច់ (សុកត្រាំង) បានវិនិយោគស្អាតស្អំ រឹងមាំ បម្រើការរៀនសូត្រដល់ប្អូនៗសិស្សានុសិស្ស។ |
មកសាលាអនុវិទ្យាល័យជនជាតិអន្តេវាសិកកេសាច់ យើងខ្ញុំឃើញការរួសរាយរបស់គ្រូនិងសិស្សសាលា។ បន្ទប់រៀនរឹងមាំ ឧបករណ៍បង្រៀនទំនើប ទីធ្លាក្នុងបរិវេណសាលាធំទូលាយឆ្លើយតបតម្រូវការក្នុងការប្រជុំជីវភាពរៀនសូត្ររបស់ប្អូនៗសិស្សានុសិស្ស។ តាមលោកគ្រូគីមអាញ់ថាវ-ចាងហ្វាងរងសាលា ដើម្បីមានសាលាស្អាតបាត មូលដ្ឋានសម្ភារៈទំនើបគឺអាស្រ័យការយកចិត្តទុកដាក់របស់បក្សនិងរដ្ឋក្នុងពេលកន្លង។ បំផុតគឺក្នុងឆ្នាំសិក្សា២០២២-២០២៣ សាលាបានវិនិយោគកសាងបន្ថែម១៤បន្ទប់អន្តេវាសិកដ្ឋាន បន្ទប់សម្រាប់រៀនសូត្រចំនួន៤និងកសាងរបងថ្មី។ល។ សរុបថវិកា១៥ពាន់លានដុង។ ជាមួយការយកចិត្តទុកដាក់ក្នុងរយៈពេលកន្លង សង្ឃឹមថា សាលានឹងឆ្លើយតបល្អតម្រូវការសិក្សារៀនសូត្ររបស់ប្អូនៗសិស្សានុសិស្ស។
ក្រៅពីនោះ សាលានៅទាំងសកម្មកសាងកងជួរគ្រូបង្រៀនមានកម្រិតវិជ្ជា ចង្អុលការក្រុមជំនាញកសាងផែនការអនុវត្តកម្មវិធីនៃវិញ្ញាសានីមួយៗ ចាត់តាំងបណ្តាសកម្មភាពអប់រំ បង្រៀនសមស្របចំពោះសិស្ស លើកទឹកចិត្តគ្រូបង្រៀន សកម្មសិក្សាស្រាវជ្រាវអនុវត្តបច្ចេកវិជ្ជាព័ត៌មានក្នុងការបង្ហាត់បង្រៀន។ល។ ឆ្លងតាមរយៈនោះ គុណភាពអប់រំរបស់សាលាជាជំហានបានកើនឡើង។ ដើម្បីរក្សាស្នាដៃនិងសាលាសម្រេចបទដ្ឋានជាតិ លោកគ្រូគីមហឿន-ចាងហ្វាងសាលាឱ្យដឹង៖ សាលាបានប្រមូលផ្តុំកសាងកងជួរគ្រូបង្រៀនមានកម្រិតវិជ្ជាសមត្ថភាពនិងអស់ពីចិត្តពិនិត្យ វាយតម្លៃតាមទិសអភិវឌ្ឍសមត្ថភាពរបស់សិស្ស។ ទន្ទឹមនឹងនោះ លត់ដំទេពកោសល្យឱ្យសិស្សានុសិស្សនិងប្រើប្រាស់មូលដ្ឋានសម្ភារៈឧបករណ៍បង្រៀនដោយប្រសិទ្ធភាព។ល។ ខិតខំសម្រេចបទដ្ឋានជាតិក្នុងឆ្នាំសិក្សា ២០២៤-២០២៥។
ជាមួយនឹងការខិតខំមិនឈប់ឈររបស់សមូហភាពក្រុមប្រឹក្សាគរុកោសល្យ សាលាអនុវិទ្យាល័យជនជាតិអន្តេវាសិកកេសាច់នឹងឆាប់ទទួលស្គាល់សាលាសម្រេចបទដ្ឋានជាតិ សក្តិសមនឹងការយកចិត្តទុកដាក់វិនិយោគនៃ គណៈកម្មាធិការបក្ស រដ្ឋអំណាចភូមិភាគ បំផុតគឺក្តីទំនុកចិត្តរបស់អាណាព្យាបាលសិស្សដែលមានកូនមករៀននៅសាលានេះ៕
ថាញ់វ៉ាង
Thông tin bạn đọc
Đóng Lưu thông tin