 |
| ពូថាច់ហងកំពុងបានវេជ្ជបណ្ឌិតពិនិត្យសុខភាពនៅដំណាក់សុខាភិបាល |
ទោះបីនៅជាមួយកូនស្រី ពូថាច់ហងមិនសូវបានកូនថែទាំដោយផ្ទាល់ ព្រោះរាល់ថ្ងៃកូនស្រីរបស់ពូត្រូវធ្វើការនៅក្រុមហ៊ុន។ យល់ច្បាស់ស្ថានភាពរបស់ខ្លួន ពូតែងលៃលកសព្វយ៉ាងដោយខ្លួនឯង ជាពិសេសគឺថែទាំសុខភាពដើម្បីឱ្យកូនស្រីរបស់ពូស្ងប់ចិត្តធ្វើការ។ ដោយស្ថានភាពគ្រួសារជាគ្រួសារក្បែរក្រ គ្មានដីផលិត ពូយល់ឃើញថាប័ណ្ណធានារ៉ាប់រងសុខាភិបាលដូចជាទីបង្អែកដ៏សំខាន់ ជួយបន្ថយថវិកាពិនិត្យ ព្យាបាលជំងឺ។
ចែករំលែកជាមួយយើងខ្ញុំ ពូថាច់ហងនៅភូមិភូហ៊ឺវ ឃុំភូតឹម ស្រុកចូវថាញ់ (សុកត្រាំង) ឱ្យដឹងៈ ខ្ញុំឃើញថាប័ណ្ណធានារ៉ាប់រងសុខាភិបាលមានអត្ថប្រយោជន៍ច្រើន ព្រោះអីអាយុច្រើន ពលកម្មច្រើនបណ្តាលឱ្យមានជំងឺក្នុងខ្លួនក៏ច្រើន ដូច្នេះបើគ្មានប័ណ្ណធានារ៉ាប់រងសុខាភិបាលគឺខ្ញុំគ្មានលទ្ធភាពទៅព្យាបាលនៅមន្ទីរពេទ្យ ពីការគ្មានលទ្ធភាពនោះជំងឺកាន់តែធ្ងន់ទៀត។ ពេលមានប័ណ្ណធានារ៉ាប់រងសុខាភិបាល ពេលមានជំងឺស្រាលគឺទៅពិនិត្យភ្លាមមិនទុកឱ្យជំងឺធ្ងន់។
មុននេះ គ្រួសារជាច្រើនជាគ្រួសារក្រ គ្រួសារក្បែរក្រ ពេលមានជំងឺតម្កាត់តែងរកថ្នាំផឹកដោយខ្លួនឯង មិនបានមកមន្ទីរពេទ្យ ហេតុនេះពេលខ្លះស្ថានភាពជំងឺអូសបន្លាយឬជំងឺធ្ងន់ទៅ។ ពីពេលបានផ្តល់ជូនប័ណ្ណធានារ៉ាប់រងសុខាភិបាល ពេលសុខភាពមិនល្អគឺទាំងអស់គ្នាទៅមន្ទីរពេទ្យឬដំណាក់សុខាភិបាលភូមិភាគដើម្បីបានពិនិត្យ ព្យាបាលដោយល្អបំផុត។
ពូលីចៀងនៅភូមិភឿកហ្វា ឃុំភូតឹង ស្រុកចូវថាញ់ (សុកត្រាំង) ចែករំលែកដោយក្តីរំភើប៖ ពីមុនខ្ញុំមានជំងឺសួត ត្រូវដេកសម្រាកព្យាបាលនៅមន្ទីរពេទ្យកន្លះខែហើយផឹកថ្នាំជាប់៦ខែជាប្រចាំ ធានារ៉ាប់រងសុខាភិបាលបានសងប្រាក់ចំណាយ១០០% យើងអត់បង់ប្រាក់។ ប្រពន្ធខ្ញុំមានជំងឺបេះដូង ខ្វះឈាម ត្រូវពិនិត្យសុខភាពនិងទទួលថ្នាំរៀងរាល់ខែ។ ទៅមួយលើកៗបង់តែ១២០-១៣០ពាន់ដុង បើគ្មានធានារ៉ាប់រងសុខាភិបាលទេ ត្រូវបង់ប្រាក់ចំណាយជាង១លានដុង។ សម្រាប់គ្រួសារខ្ញុំ ធានារ៉ាប់រងសុខាភិបាលគឺជាបង្អែកឱ្យគ្រួសារយើងខ្ញុំ។
 |
| ប្រជាជនកំពុងបានណែនាំធ្វើលិខិតស្នាមនៅដំណាក់សុខាភិបាលឃុំភូតឹម |
ឆ្នាំ២០២១ នាយករដ្ឋមន្ត្រីនៃរដ្ឋាភិបាលបានចេញសេចក្តីសម្រេចកែប្រែការផ្តល់ប័ណ្ណធានារ៉ាប់រងសុខាភិបាល។ ជាក់ស្តែង សេចក្តីសម្រេចលេខ ៨៦១/ QĐ-TTg កែប្រែមកវិញបណ្តាឃុំមានលក្ខណៈសេដ្ឋកិច្ច-សង្គមលំបាក បណ្តាឃុំចំណុះតំបន់១ តំបន់២ តំបន់៣ បណ្តាភូមិមានស្ថានភាពលំបាកខ្លាំងក៏បានផ្តល់ជូនប័ណ្ណធានារ៉ាប់រងសុខាភិបាល។ ដើម្បីមានគោលនយោបាយថែទាំសុខភាពជូនឱ្យប្រជាជនទទួលបាន ជាពិសេសគឺជនជាតិភាគតិច ពេលកន្លង ឃុំភូតឹម ស្រុកចូវថាញ់បានសហការស្អិតរមួតជាមួយបណ្តាស្ថាប័នជំនាញរបស់ស្រុកអនុវត្តល្អការពិនិត្យ ផ្ទៀងផ្ទាត់និងផ្តល់ជូនប័ណ្ណធានារ៉ាប់រងសុខាភិបាលឱ្យមុខសញ្ញាបានផ្តល់ជូនប័ណ្ណធានារ៉ាប់រងសុខាភិបាលដូចគ្រួសារក្រ គ្រួសារក្បែរក្រនិងបណ្តាភូមិលំបាកខ្លាំង។ ការផ្តល់ជូនប័ណ្ណដល់ដៃប្រជាជនតែងបានអនុវត្តទាន់ពេល ធានាបានផលប្រយោជន៍របស់អ្នកចូលរួម។
លោកផាមវ៉ាំងទី-ប្រធានគណៈកម្មាធិការប្រជាជនឃុំភូតឹម ស្រុកចូវថាញ់ (សុកត្រាំង) ឱ្យដឹង៖
រាល់ឆ្នាំពេលមានលទ្ធផលពិនិត្យគ្រួសារក្រ ក្បែរក្រអាស្រ័យស្រុកឯកភាពអនុម័ត ឃុំបានចង្អុលការគណៈប្រជាជនបណ្តាភូមិសហការជាមួយគ្រប់ផ្នែក អង្គការមហាជនដើម្បីពិនិត្យមកវិញបណ្តាគ្រួសារក្រ ក្បែរក្រមិនទាន់បានផ្តល់ជូនប័ណ្ណធានារ៉ាប់រងសុខាភិបាល។ ក្នុងឆ្នាំ២០២៤ ភូមិភាគបានផ្តល់ជូនប័ណ្ណចំនួន៤.១៦២ឱ្យប្រជាជន រាល់ឆ្នាំគណៈកម្មាធិការប្រជាជនឃុំក៏បានសហការជាមួយបណ្តាផ្នែក អង្គការមហាជនរបស់ស្រុក អំពាវនាវបណ្តាអង្គភាព សប្បុរសជនចាត់តាំងពិនិត្យ ព្យាបាលជំងឺដោយឥតគិតថ្លៃឱ្យគ្រួសារលំបាករបស់ឃុំ។
វឌ្ឍា
Thông tin bạn đọc
Đóng Lưu thông tin