 |
| សិស្សកំពុងពិភាក្សាជាក្រុមម៉ោងរៀនអក្សរខ្មែរ |
ឆ្នាំសិក្សា២០២៤-២០២៥ សាលាអនុវិទ្យាល័យជនជាតិអន្តេវាសិកត្រឹងដេមានកម្មាភិបាល គ្រូបង្រៀន បុគ្គលិកសរុបចំនួន៣៣រូប សិស្ស២៧៤រូប ចាប់ពីថ្នាក់ទី៦ដល់ថ្នាក់ទី៩។ ជាសាលាដែលអនុវត្តភារកិច្ចបីយ៉ាងគឺៈ សកលជនជាតិនិងអន្តេវាសិកដ្ឋាន។ អាស្រ័យហេតុដូច្នេះ រៀងរាល់ឆ្នាំ សាលាតែងសហការអនុវត្តយ៉ាងម៉ត់ចត់នូវកម្មវិធីបង្រៀន អប់រំសកលតាមការកំណត់នៃវិស័យអប់រំ ជំនួយការល្អដល់អនុមន្ទីរអប់រំនិងបណ្តុះបណ្តាលក្នុងការកសាងផែនការជម្រើសសិស្សតំបន់ជនជាតិភាគតិចដើម្បីបណ្តុះបណ្តាលកម្មាភិបាលជនជាតិឱ្យភូមិភាគ ធានាឱ្យសិស្សមានលក្ខណៈងាយស្រួលក្នុងការសិក្សានៅសាលា។
លោកគ្រូថាច់ស៊ុង-ចាងហ្វាងសាលាអនុវិទ្យាល័យជនជាតិអន្តេវាសិកត្រឹងដេឱ្យដឹង៖ ដើម្បីលើកកម្ពស់គុណភាពបង្រៀននិងរៀន សាលាអនុវត្តបានល្អនូវកម្មវិធីអប់រំសកលបង្រៀនគ្រប់វិញ្ញាសាតាមការកំណត់ គ្រូបង្រៀនពេលបង្រៀនត្រូវធានាបានគ្រប់គ្រាន់នូវឯកសារ គម្រោងមេរៀន រៀបចំមេរៀនឱ្យល្អនៃសកម្មភាពបង្រៀនក្នុងទិសដៅអភិវឌ្ឍសមត្ថភាព គុណភាពរបស់សិស្ស គួបផ្សំការអប់រំជាមួយនឹងរបៀបរស់នៅ អប់រំបរិស្ថាន គួបផ្សំការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបទហូជីមិញ។ល។ តាំងពីនោះមានផលប្រយោជន៍ផ្ទាល់ដល់សិស្សានុសិស្សមកសាលារៀនប្រកបដោយអាកប្បកិរិយាល្អ សុភាពរាបសា ក្លាហានក្នុងការប្រាស្រ័យទាក់ទង ចូលរួមយ៉ាងសកម្មក្នុងសកម្មភាព ប្អូនៗបានរៀបចំយ៉ាងល្អទាក់ទងនឹងគំនិត ចំណេះដឹងជំនាញជាមូលដ្ឋានបង្កើតមូលដ្ឋានគ្រឹះដ៏រឹងមាំពេលចូលរៀនអនុវិទ្យាល័យ។
ទន្ទឹមនឹងនោះ សាលាក៏បានបង្ករាល់លក្ខណៈ សម្រាប់គ្រូបង្រៀនចូលរួមថ្នាក់ហ្វឹកហាត់ពីវិជ្ជាជីវដូចៈ បណ្តាថ្នាក់បំប៉នពីកម្មវិធីអប់រំសកលឆ្នាំ២០១៨ បណ្តាថ្នាក់បំប៉នជំនាញ កសាងកម្រងសំណួរ ផ្លាស់ប្តូរសៀវភៅពុម្ព។ល។
លោកគ្រូថាច់ផុង គ្រូបង្រៀនវិញ្ញសាបច្ចេកវិទ្យា សាលាអនុវិទ្យាល័យជនជាតិអន្តេវាសិកត្រឹងដេឱ្យដឹង៖ បន្ទាប់ពីអនុវត្តកម្មវិធីអប់រំសកលថ្មី ប្អូនៗទទួលបានវិធីសាស្ត្រអប់រំទំនើប ប្រើប្រាស់ឧបករណ៍ទំនើបៗជាច្រើនក្នុងការរៀន ទទួលបានចំណេះដឹងជាមូលដ្ឋានផង បានអនុវត្តការជាក់ស្តែងផង ធ្វើឱ្យប្អូនៗមានចំណូលចិត្តនិងសិក្សាទទួលបានលទ្ធផលខ្ពស់។
ដើមឆ្នាំសិក្សា២០២៤-២០២៥ ដើម្បីបម្រើល្អឱ្យការសិក្សានិងសកម្មភាពស្នាក់នៅក្នុងសាលា សិស្សបានជំនួយឧបករណ៍សម្ភារៈសិក្សាដូចជាមុង ភួយ កន្ទេល ប៊ិច សៀវភៅ ឯកសណ្ឋាន។ល។ មូលដ្ឋានសម្ភារៈក៏បានយកចិត្តទុកដាក់វិនិយោគធានាគ្រប់គ្រាន់ បន្ទប់រៀន បន្ទប់ស្នាក់នៅ បន្ទប់ពិសោធន៍ បន្ទប់កុំព្យូទ័រ ផ្ទះបាយ ផ្ទះចម្អិន។ល។ ដើម្បីឱ្យប្អូនៗស្ងប់ចិត្តក្នុងការសិក្សានិងហូប ស្នាក់នៅក្នុងសាលា។
ប្អូនយ័ញធីធ្វីទៀង សិស្សថ្នាក់ទី៩អា២ សាលាអនុវិទ្យាល័យជនជាតិអន្តេវាសិកត្រឹងដេចែករំលែក៖ ប្អូនពិតជាសប្បាយរីករាយណាស់ដែលបានរៀននៅសាលានេះ សាលាតែងតែបង្កលក្ខណៈងាយស្រួលឱ្យប្អូនៗរៀនសូត្របានល្អ ជំនួយឧបករណ៍រៀនគ្រប់គ្រាន់បន្ទប់ពិសោធន៍ បន្ទប់កុំព្យូទ័រ។ល។ សាលានៅទាំងចាត់តាំងសកម្មភាពសប្បាយកម្សាន្តជាច្រើនដើម្បីជួយប្អូនៗអភិវឌ្ឍធ្វើបទបង្ហាញនិងការជំនាញជាច្រើនផ្សេងទៀត។
ដោយបានការយកចិត្តទុកដាក់របស់គណៈកម្មាធិការបក្ស រដ្ឋអំណាចគ្រប់ថ្នាក់ គួបផ្សំនឹងការសាមគ្គី ការខិតខំប្រឹងប្រែងឥតឈប់ឈរក្នុងការបង្រៀននិងរៀន ឆ្នាំសិក្សា២០២៣-២០២៤ នាពេលកន្លង សាលាអនុវិទ្យាល័យជនជាតិអន្តេវាសិកត្រឹងដេទទួលបានភាពជោគជ័យ ចលនាអក្សរសាស្ត្រពូកែ-អក្សរល្អថ្នាក់ស្រុកទទួលបាន៣រង្វាន់ សិស្សពូកែថ្នាក់ស្រុក ទទួលបាន១៥រង្វាន់ ថ្នាក់ខេត្តទទួលបាន៨រង្វាន់ កីឡាថ្នាក់ស្រុក ទទួលបាន១១រង្វាន់ ពិធីប្រឡងច្នៃប្រឌិតយុវវ័យថ្នាក់ស្រុកទទួលបាន២រង្វាន់…៕
ហុងទើ-លីហាន់
Thông tin bạn đọc
Đóng Lưu thông tin